Tesaronika daidi 4:1 - Deoso-ka Yama Hani

¹ Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Tesaronika daidi 4:1 ပူးပေါင်းရင်းမြစ်များ

Yowaho 15:2

Ofa mate‑ya mohi yanamake, bonora‑ya Deoso tiinakose, ini yaba kote‑ya Deoso tiinakosaharitene, ofa boni damawahabonehe.

Yeso‑ka yo‑yose mai tamine 20:27

Deoso tamine nafi‑ya dai‑ya ohiyara, owati fawaterani.

Homa 8:8

Mai atibodi bote ati‑ya mai tokadaba, mai atibodi bote mai‑ka hidi toha, mai ihi Deoso ya‑yaiterene.

Korito daidi 11:23

Hibati‑ya ai‑ka Hidi owa‑ya hiyare, dai‑ya ohiyaramakitasamaroni. Yama soki‑ya ai‑ka Ayo i‑di Yeso Yoda daahinebona, baho‑ya damane.

Korito daidi 15:1

Oka soho dai amani, owati dai mitamatasahi. Hibati‑ya Deoso Ati Amosabote dai‑ya okamine, ati dai nofemari, ati‑nima dai teni.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 5:9

Bofe‑ya ai winasa niya, yama ai aniteni, ai ene Kirisito ya‑yainebonaha. Neme‑ya ai kobona, ai ene ya‑yainebona ai nokotoniheboneni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 6:1

Dai narabo hawihi. Dai owa ene amosare, Yeso ati‑ya dai no‑nofa, dai owa‑ya dai hiyarahi. “Tiwa ene amosara tiwa oda awa, tiwa oda nofa, tiwa ene amosawamahi.” Dai ati nahi. Dai owa‑ya dai hiyarabone, dai noko wadahi, dai owa ene‑nima dai ene ni awiraboneni.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 4:20

Haa‑nima Kirisito ni awire, mai‑nima dai riyahi.

Efesiyo 5:17

Dai ene towe tohariyahi. Deoso yama hinofa dai wata, fara ati‑nima dai nahi.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 1:9

Deoso‑ya dai tamine ohiyara, “Abi Deoso, tiwati ihi mai ibi nofi ba‑basi nahi. Tiwati nafi‑ya mai watowaha, yama tiwatibodi kobohina‑nima mai atibodi koboniyahi.” Oteni.

Firibo 3:14

Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Koroso 2:6

“Yeso Kirisito ai‑ka Hidi amane. Ati ai tokadabebonane.” Dai ati namaro, dai ati‑nima dai nahi.

Tesaronika daidi 3:12

Ai‑ka Ayo Yeso, ati ene dai ibi nofi nafihi. Mai nafi dai nofahi. Dai oda nofi‑nima mai dai nofahi.

Tesaronika daidi 4:2

Ai‑ka ayo i‑di Yeso ati oda kaminemari, ati dai watoneni.

Tesaronika daidi 5:12

Oda ati dai mitamakihi. Yeso ati‑ya dai‑ka mai wato ba‑basi na, dai‑ya mai kanawata, mai dai nofiyahi. Yeso ati‑ya dai tokadabara dai‑ya mai weena, mai dai nofahi. Dai ene amosara, mai‑ya dai weeriyahi. “Hehe, fara amani. Owa ene amosara, Deoso‑ya owa‑ya okaminaboneni.” Dai ati nahi. Dai‑ya mai kanawata, mai‑ya dai nofabisahi.

Tesaronika yoto‑ke 1:3

Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.

Tesaronika yoto‑ke 2:1

Owati dai mitamakitasahi. Ai‑ka Ayo i‑di Yeso Kirisito kamataseya, ai‑ya towakamebona tamine dai watoyahi.

Tesaronika yoto‑ke 3:1

Oda tamine‑ya dai hiyarahi Deoso‑ya. “Abi Deoso, ai‑ka Ayo i‑di Yeso ati‑ya i‑di Baoro mai hiyara, mai ati‑ya mai one nofiyahi, Yeso‑ya mai kahiyarabonehe.” Dai ati nahi. Deoso Ati Amosabote dai‑ya oda kaminamaro, Yeso ati dai nofamaro‑nima Yeso ati‑ya mai nofawaha, Yeso‑ya mai kahiyaraboneni.

Tesaronika yoto‑ke 3:13

Soho, dai‑ta, dai ene amosa, dai ene amosi fawariyahi.

Timoti daidi 5:21

Owati timitamatasahi. Deoso, Yeso, Deoso‑ka yo‑yose mai toha na, mai ati‑nima owati nineni. Ai owa ene amosare, weetiyaho. Ene amoseya, weetirayaho. Mai ihi amosa, mai ai weeterani. Mai ihi amosariya, mai weetiyahi. Tika no‑nofa ene amosareya, weetiyaho. Ai‑ka no‑nofa‑mare ene amosare, ai weenahariteni.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Ebereo 13:22

Oka soho dai amani. Owati dai mitahi. Dai‑ka yama hani nafira okanahanoni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 3:22

Deoso‑ya ai hiyara, ai ati‑ya mitatene. Deoso ati ai tokadaba, yama hinofa‑nima yama na ai haana, yama‑ya daatene.