Tesaronika daidi 3:8 - Deoso-ka Yama Hani

⁸ Yeso ati dai nofasa namone, dai ene oda habo kitamatasani.

Tesaronika daidi 3:8 ပူးပေါင်းရင်းမြစ်များ

Yowaho 15:4

Owa dai nokotoniyahi. Owa dai nokotoniya, dai okasomaboneni. Ofa ini ade‑ya waanamariya, bonoteraboneni. Dai‑ya okasomariya, dai ene amosa wadateraboneni.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 8:31

Yeso ati‑ya oda‑ka hidi mai one nofa mai‑ya hiyare, “Owati dai tokadaba, oka da‑daba yokana dai amani.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito daidi 16:13

Dai noko wadahi. Yeso tamine‑ya keyehe‑ya mai hirinabone, Yeso ati‑ya dai nofahi. Dai‑ya mai we‑wee, dai eme kita, dai habo siitoriyahi.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Firibo 1:21

Hasi·oniya, Kirisito ati‑nima onabone, Kirisito ati ohiyaramaboneni. O·abiya, owa manakone‑ya Deoso daanebonane.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Tesaronika daidi 3:7

I‑di Timoti koboname, dai tamine‑ya kamine, ati ene oda ya‑yainineni. Oda‑ya mai bisinamaro, dai‑ya mai bisina, Deoso ati‑ya dai nofasa namone, dai tamine oda mita, oda ya‑yainineni.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro yoto‑ke 3:17

Dai onofa, mai ihi dai‑ya okamina, mai one tosaware tamine dai wato baha, mai ati ihi dai tosawariraboneni. Deoso ati yokana dai wata, mai ati ihi Deoso ati‑ya dai ati kadamowamaraboneni.

Yeso Kirisito ene‑bona 3:11

Kobo kanibote onaboneni. Dai ene amosi fawariyahi, dai manakone‑ya dai one kayafarabonehe.

Yeso Kirisito ene‑bona 3:3

Hibati‑ya Deoso ati dai mitamaro, ati dai nofemari, ati dai tokadabamatasaho, Deoso‑ka hawi‑ya dai nokotonimatasahi. Dai dodafi awiriya, Deoso‑ka hawi‑ya dai nokotoni awiriya, yama‑ya mai bo‑boti mai kaki‑nima owa koboni naboneni. Oka mahi dai wato awiraboneni. Hiniya kobo·onaboneni.