Tesaronika daidi 3:5 - Deoso-ka Yama Hani

⁵ Tesaronika‑ya dai wi‑wina Yeso ati‑ya dai nofamaro, Yeso ati‑ya dai nofasa na awineni, oda ati na, i‑di Timoti oda yosemaroni, dai tamine‑ya mitebonaha. Satanasi dai‑ya keyeheya, Satanasi ati dai nofarabone oda atibodi ati nofani. Satanasi ati dai nofa‑mani, oda ati aba neni.

Tesaronika daidi 3:5 ပူးပေါင်းရင်းမြစ်များ

Mateo 4:3

Makobote Diaboro kamaki, “Deoso Bidi amatiniya, tiwati ihi yati baho tohahi, tikababonehe.” Diaboro ati ne,

Yeso‑ka yo‑yose mai tamine 15:36

Makobote Banabe‑ya Baoro hiyare, “Hima, hibati‑ya ai towakimaro‑ka tabora‑ya ai towakamatasahi. Mai ai hiyaramaro ai‑ka soho mai tohawaha, mai ati ai mitabani.” Baoro ati ne.

Korito daidi 7:5

“Hibareya, Deoso ai hiyarabone, ai dakoramarihi, ai tafamarihi ai namatahi. Ai amoni fa‑famaraba niya, ai dakorama, ai tafama, ai nabani.” Dai fami ati na, Hini dai ati‑nima dai niya, sibaraboneni. Makobote dai dakorama kanibote na, Satanasi ati ene mai one‑ya dai dakoraraboneni.

Korito yoto‑ke 2:11

Satanasi ene ai wato, fare dai owa‑ya keyehe‑ya hirikanamarebona, dai ati somawamiyahi.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Karatiya 4:11

Dai tamine omita, owa habo siitonineni. Dai‑ya ohiyaramaro, owati honita toha awineni.

Efesiyo 4:14

Madehe‑ya keyehe‑ya mai hirikana, mai ati‑ya madehe nofateni. Madehe‑nima ai riyahi. Deoso ati ai wata, ai hawa toha‑nima ai nawahaboneni. Deoso ati‑mona mai one ati na, Deoso ati tohi awireya, mai ati ai nofaraboneni. Keyehe‑ya ai‑ya mai hirikana mai ati ai nofara, faha rike toka, kamatasa‑nima ai atibodi ni awiraboneni. Deoso ati‑ya ai nofi ohariyahi. Mai one ati bara toha, ai nofaraboneni.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:19

Ai‑ka Ayo, i‑di Yeso, ati sibareya, ai amoni fa‑famaraba niya, i‑di Timoti oyoseboneni. Dai tabaro‑ya i‑di Timoti oyose, kameya, dai tamine omita, ya‑yai·onaboneni.

Tesaronika daidi 2:1

Oka soho dai toha, hibati‑ya dai‑ya oda sawe, oda ene dai awa, oda ati honita toharamaroni.

Tesaronika daidi 3:6

I‑di Timoti oda yose, toke, kamatase, dai tamine‑ya oda mitawaha, dai tamine sibarani. Deoso ati dai nofa, dai ibi nofa, oda‑ya dai nofa na, oda‑ya dai ati foyamoneni. Dai‑ya oda ati foyaharineni.