Tesaronika daidi 3:3 - Deoso-ka Yama Hani

³ Dai‑ya mai bisina, dai habo siitoriyahi. Dai‑ya mai bisinabone mai‑ya dai watamaroni.

Tesaronika daidi 3:3 ပူးပေါင်းရင်းမြစ်များ

Roka 21:12

Fara haa‑nima yamana yanani awisari‑ya dai‑ya mai wataboneni, dai‑ya mai bisinabonehe. Owati dai no‑nofa dai‑ya mai nafoyaboneni, kadeya‑ya. Owati dai no‑nofa Deoso‑ya mai hi‑hiyara‑ke yobe hidi‑ya dai‑ya mai towakama, mai‑ka hidi webote‑ya dai‑ya mai towakama, mai‑ka kofenado‑ya dai‑ya mai towakama na, dai‑ya mai kako nafeboneni.

Yowaho 16:2

Dai‑ya mai ati barinaboneni, Deoso‑ya mai hi‑hiyara‑ke yobe‑ya dai tokiyomamarabonehe. Dai‑ya mai nanahabiya, ‘Oda ene Deoso ya‑yainane.’ Mai atibodi ati naboneni.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 2:25

Hibati‑ya Yeso tamine‑ya i‑di Dafi kanahanomatane. ‘Oka Hidi oka kanika‑ya sawi, owa‑ya kasome, ene owa habo siitoterani.

Yeso‑ka yo‑yose mai tamine 21:11

I‑di Baoro‑ka sitaraho‑ya waratone, hini teme‑ya soki, mano‑ya soki ne, ati yanane, “Deoso‑ka Doni ati dai mitahi. ‘Haa‑nima sitaraho hidi‑ya mai sokini naboneni. Yerosare‑ya tokeya, mai sokihineya, Bara mai‑ya mai daahinebonane.’ Ati ne.” Akabo ati nemarine.

Yeso‑ka yo‑yose mai tamine 21:13

“Hini yamata ihi dai ohina? Dai ati ene owatibodi koma, Yerosare‑ya owa‑ya mai sokiniya, sibaraboneni. Yeso tamine ene owa‑ya mai nanahabiya, o·abiya, sibaraboneni.” Baoro ati nemarine.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito daidi 4:9

Deoso ene Yeso‑ka yo‑yose oda toha, dai‑nima oda ni awirani. Yama dama oda kihara, mai mai hinahababone mai‑nima oda nibisineni. Mai‑ka hidi oda tohara, oda‑ya mai hahakibisa, oda‑ya mai ati nanahaba, bofe‑ka mai toha, neme‑ka mai toha, mai na, oda abi awi‑ya mai nofineni. Owatibodi ati nineni.

Efesiyo 3:13

Yeso tamine‑ya dai‑ya ohiyara, kadeya‑ya owa‑ya mai nawaa, dai habo kita, dai yawariyahi. Dai‑ya Deoso kasomebonane.

Firibo 1:28

Dai‑ya mai kaka, dai habo siitoriyahi. Dai habo kitiya, dai sibaraboneni. Deoso‑ka dai toha, dai‑ya kasome‑ya mai watowahaboneni. Towebisa mai amani. Deoso ene mai abawahabone, hini mai‑ya mai watowahaboneni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Tesaronika daidi 5:9

Hibati‑ya Deoso ai‑ya kadikemata, ai‑ka Ayo i‑di Yeso Kirisito ene hika mai ai tohaboneni. Deoso yawe ai‑ya koborebonane.

Tesaronika yoto‑ke 1:4

Mai tabori one‑ya oda toka, Deoso‑ka mai toha mai‑ya oda yorotokana, dai tamine oda hiyarineni. “Tesaronika‑ya mai wi‑wina mai mai bisihina, mai mai hinakoma, mai ati sibawarini. Yeso ati‑ya mai nofi nafiwahineni.” Oda ati teni.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.