Tesaronika daidi 3:2 - Deoso-ka Yama Hani

² Oda‑ka soho, i‑di Timoti oda yose, dai tabaro‑ya tokemarine. I‑di Timoti dai awa, dai habo kitawahabone oda ati namaroni. Kirisito ati‑ya hiyarane, Kirisito ati dai nofi ba‑basi nabonehe.

Tesaronika daidi 3:2 ပူးပေါင်းရင်းမြစ်များ

Yeso‑ka yo‑yose mai tamine 16:1

Derebi‑ya Baoro mai towaka, Risita‑ya mai towakawaha, Risita‑ya Timoti wine. Timoti madi Yeso ati‑ya no‑nofa, Yodeo toha, badi‑ta Kereko toha nemonane.

Yeso‑ka yo‑yose mai tamine 16:5

Baoro mai ati ihi Yeso‑ka mai habi kitawaha, mai dodamawahamoneni.

Yeso‑ka yo‑yose mai tamine 18:5

Makobote i‑di Sira, i‑di Timoti mai kobokana, Baoro yama‑ya aninami awire, hiniya hiyarane. Yodeo mai‑ya hiyare, “Hibati‑ya Yeso Deoso hikadikemata Kirisito tohane.” Baoro ati nemonane.

Homa 16:21

I‑di Timoti oda fama Yeso Kirisito‑ka yama oda anina, dai tamine‑ya i‑di Timoti hiyara, i‑di Rosiyo, i‑di Yasoho, i‑di Sosibataro mai na, oka mai toha, dai tamine‑ya mai hiyarateni. Dai‑ya mai nofineni.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 4:17

Owati‑ya dai ati kadamowamarabone, i‑di Timoti oyoseneni. I‑di Timoti onofi nafi, oka dao‑nima ne. Yeso Kirisito tamine‑ya okamine, owati‑nima nemari, fare oka dao amane. Mai tabori‑ya mai okanawato‑nima dai tabaro‑ya i‑di Timoti dai‑ya kanawatomakitasebonane.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Korito yoto‑ke 1:19

I‑di Timoti, i‑di Sira oda na, Deoso Bidi i‑di Yeso Kirisito tamine dai‑ya oda hiyaramaroni. Deoso ati nafi‑ya Yeso tokadabe, ati‑ya fiyakani awiremarine. Yeso tosawarire, Deoso ati‑nima tene. Keyehe‑ya hiriterene.

Korito yoto‑ke 2:12

Torowadi‑ya okamaroni, Yeso Kirisito Ati Amosabote okaminabonehe. Mai tabori‑ya kobo·ona, Deoso ene owati‑ya mai dami mitamaroni.

Korito yoto‑ke 2:13

Owati‑ya mai mitamatasabone mai ati na, oka soho, i‑di Tito‑ya owatibodi watinawaha, Torowadi‑ya i‑di Tito kobo·onabone ona, i‑di Tito kobo·ora, owatibodi i‑di Tito tamine‑ya kadikanade, Masedoni‑kaya okawahamaroni, i‑di Tito owasebonehe.

Korito yoto‑ke 8:23

I‑di Tito tamine‑ya dai one mitabone mai ati na, owa‑nima i‑di Tito ne, dai oda kasomabone oda ati teni. I‑di Tito‑ya mai da‑daba, mai tamine‑ya mai mitabone mai ati na, tabora one‑ka Deoso‑ya mai kahiyarabone, mai yorotokana, mai‑ka owa oda‑ya sawibona‑ya mai kadika, tabora one‑ka mai‑ka owa‑ya mai kadika mai na, Kirisito‑ya mai kahiyarabone, fare i‑di Tito‑ya mai sawineni.

Firibo 1:25

O·abarabone owatibodi watoneni. Dai‑ya osawimiya, dai ya‑yainaboneni. Kirisito dai nofi ba‑basi naboneni.

Koroso 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemari, Yeso Kirisito‑ka yo‑yose ohawahabonehe. Timoti owa‑ya sawi, i‑di Timoti oda fama dai‑ka yama hani‑bone oda kanahanaboneni.

Koroso 1:7

I‑di Ebafarasi oda yosemaroni, dai‑ya Deoso Ati Amosabote‑ya kaminebonaha. Oda ene‑nima ene nane. Yeso Kirisito ati‑ya tokadabe, Yeso ati‑ya kaminatene.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Koroso 4:9

Tikiko eyehe oda‑ka soho owa i‑di Onesimo sawibonane. Onesimo dai tabaro‑ya winemari, oda‑ya sawiwahemari, Deoso tamine‑ya kaminebonaha. Oda tamine mai kaminabone, mai tokomini.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 3:5

Tesaronika‑ya dai wi‑wina Yeso ati‑ya dai nofamaro, Yeso ati‑ya dai nofasa na awineni, oda ati na, i‑di Timoti oda yosemaroni, dai tamine‑ya mitebonaha. Satanasi dai‑ya keyeheya, Satanasi ati dai nofarabone oda atibodi ati nofani. Satanasi ati dai nofa‑mani, oda ati aba neni.

Tesaronika yoto‑ke 2:17

Deoso ene dai atibodi somahi. Dai ati amosahi. Dai ene amosahari nahi.