Hini tiwa‑ya tinofi‑nima mai one‑ya tinofahi. Hini tiwati koboni‑ka mai‑ya tikasomiyahi. Fara haa‑nima dai niya, Mose‑ka yama hani ati dai tokadaba, Deoso ati‑ya mai mi‑mita‑mete mai‑ka yama hani ati dai tokadabahari teni.” Yeso ati nemarine.
Yama dai kanika, manakone dai nanahaba kanibote nahi. Mai‑ka yinero dai kayafe, manakone dai daatonama kanibote nahi. Mai dai nofabone Deoso ati ne, mai dai nofahi. Mai dai nofi yokana toha, Deoso ati‑nima dai teni.
Ai‑ka yamata ai kamabone‑ya Deoso ai‑ya daane, ai kamaya, Deoso nayanatene, ai kababonehe. Dai ene amosa‑ya Deoso kasomebonane, dai ene amosa dodamabonehe.
Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.
Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.
Deoso‑ya dai tamine ohiyara, “Abi Deoso, tiwati ihi mai ibi nofi ba‑basi nahi. Tiwati nafi‑ya mai watowaha, yama tiwatibodi kobohina‑nima mai atibodi koboniyahi.” Oteni.
Dai oda nofi nafe, dai‑ya Deoso Ati Amosabote oda kamina, dai ene yama oda anini kita, dai oda kasoma, mai‑ka yama wadara mai oda kasoma, oda namaroni.
Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.
Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.
Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.