Tesaronika daidi 3:11 - Deoso-ka Yama Hani

¹¹ Ai‑ka Abi i‑di Deoso, ai‑ka Ayo i‑di Yeso mai fama, oda‑ya mai yosematasaba awineni, dai tabaro‑ya oda tokomatasabonehe.

Tesaronika daidi 3:11 ပူးပေါင်းရင်းမြစ်များ

Mateo 6:14

Mai ihi towe mai‑ya dai ati somiya, dai‑ya dai‑ka Abi neme‑ke ati somaharibonane.

Mateo 6:18

Dai‑ya mai awiya, dai‑ya mai watoraboneni. Dai fime, dai‑ka Abi neme‑ke dai‑ya awabise, dai manakone‑ya daanebonane.” Yeso ati nemarine.

Mateo 6:26

Bani bidi mai dai awahi. Bani bidi mai‑ka yamata‑bone‑ya mai kamaterani. Fadara‑ya mai kiharihi, mai tafe yoberi wadarihi teni. Bani bidi mai tafe‑bone‑ya ai‑ka Abi neme‑ke daanibisatene. Bani bidi mai manakone bi‑bidi, dai manakone nafibisateni.

Mateo 6:32

Bara haa‑nima mai atibodi ati teni. Mai‑nima dai riyahi. Ai‑ka Abi neme‑ke dai‑ya watotene.

Mateo 6:4

Mai‑ka yama‑bone dai daana, tamine dai one hiwatora, Deoso‑ta hiwatobisa, dai ene manakone‑ya Deoso daanebonane.” Yeso ati nemarine.

Mateo 6:6

Mai one ihi‑nima dai ene riyahi. Deoso‑ya dai ati hiyariya, dai one mai noki‑ya dai hiyarariyahi. Nokobi wada, nokobi dai barikawamiya, dai‑ka Abi neme‑ke‑ya dai hiyarahi. Dai‑ya mai awara, Deoso dai‑ya awabise, dai manakone‑ya daanebonane.

Maroko 1:3

Fare bofe‑ke mai‑ka owa kabani‑kaya ati yananeya, ‘Ai‑ka Hidi webote hawine‑bona dai namosahi.’ Ati nebonane.” Deoso ati ne, ati‑ya i‑di Isa·iya kanahanomatane.

Roka 12:30

Deoso ati‑ya mai watora yama dama‑ya mai nokotonihe, mai‑nima dai riyahi. Ai‑ka Abi dai‑ya watotene.

Roka 12:32

Oka dai amani. Dai habo siitoriyahi. Ai‑ka Abi dai‑ya nofe, dai nafi‑ka hidi kitabote tohawahebona‑ya dai saweboneni.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Homa 1:3

Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Korito yoto‑ke 6:18

“Dai‑ka abi ohawahabone, oka dao dai toha, okoto dai toha nawahaboneni.” Deoso kitabote ati nematane.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Koroso 1:2

Koroso‑ya dai wi‑wina Yeso ati‑ya dai no‑nofa, ati‑ya dai tokadaba na, oda‑ka soho dai toha, dai‑ka yama hani boneni. Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 4:16

Neme‑ya Yeso wine, kisameya, bofe‑ya koboni awirebonane. Kiseya, neme‑ya ati kite yananebonane. Deoso‑ka yo‑yose mai‑ka webote owa ati yananebonane. Deoso‑ka ho‑hori ati yananaboneni. Yeso kiseya, mai abamaro, Yeso ati‑ya mai no‑nofa‑mete mai kitami dai tohaboneni.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Tesaronika yoto‑ke 3:16

Ai‑ka Ayo ene dai habo siitora, dai atibodi ati dai‑ya somaboneni. Dai‑ya mai kaka, dai‑ka Ayo kitabote ene dai habo siitoteraboneni. Ai‑ka Ayo dai‑ya sawibonane.

Tesaronika yoto‑ke 3:5

Deoso ai‑ya nofi nafi, ai‑ka Ayo i‑di Yeso dai‑ya kanawatowahebonane. Yeso‑ya mai kakamaro, mai‑ya kakoterene. Fara ai‑ka Ayo ene dai kadikiya, ene‑nima dai ene nawahaboneni.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yeso Kirisito ene‑bona 21:3

Hidi Webote‑ka kadera‑kaya yama ati kita yanana, “Deoso tabaro bofe‑ya tohawahe, Deoso‑ka mai tohawahani. Deoso mai‑ya sawiwahe, mai‑ya winawahene.