Tesaronika daidi 2:9 - Deoso-ka Yama Hani

⁹ Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Tesaronika daidi 2:9 ပူးပေါင်းရင်းမြစ်များ

Roka 18:7

Deoso hika mai haani hidameya, mai‑ya kasomebonane. Hibareya, Deoso ati ne, ati damarebonane.

Roka 2:37

i‑di Ana hasinibisa, hika ano 84 tohameteni. Deoso‑ka yobe‑ya i‑di Ana sawi fawara, yama tehe‑ya Deoso‑ya hiyara, yama soki‑ya Deoso‑ya hiyara, tafi nafira, Deoso‑ya kahiyarameteni.

Yeso‑ka yo‑yose mai tamine 18:3

Mai tabori‑ya Baoro winawahane. Bora kita‑ya yobe‑ya mai wa‑wama, mai‑nima i‑di Baoro ne, yama‑ya anitene.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 20:31

Dai noko wadahi. Dai atibodi yama‑ya watoyahi. Dai ati kadamowamariyahi. Faha fowe fama, faha fowe oharimaki niya, dai ohiyaramaroni. Yama tehe‑ya dai‑ya ohiyara, yama soki‑ya dai‑ya ohiyara oteni. ‘Dai noko wadahi.’ Ona, dai tabiyo ohi·onamaroni.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Korito daidi 4:12

Yama anini oda kitabisineni, oda tefe manakone bonehe. Oda‑ya mai kaka, mai oda kasoma, oda‑ya mai bisina, mai oda weeni awirihi nineni.

Korito daidi 9:15

Owa‑ta, Deoso ati okamina, manakone haa·oterani. Owati‑ya dai‑ya manakone haa·orihi, yama hani‑ya dai‑ya manakone haa·orihi oneni. Fimi ihi o·aba‑mani, sibara neni. Deoso ati kamini manakone haa·ona‑mani, owati kasiro neni. Owa ene ya‑yai·oteni.

Korito daidi 9:18

Hini yamata‑ya owa manakone tohibati? Yama manakone haa·ora ihi ya‑yai·ona, fara hini owa ya‑yainiya, owa manakone tohateni.

Korito daidi 9:4

Mai‑ya okanawata mai tafe‑ya okoba, mai‑ka faha‑ya ofi ona, sibari awireni? Hehe, sibarineni.

Korito yoto‑ke 11:27

Oka yama anini kita, maa oha, yama soki dama‑ya amo·orihi, mahi dame‑ya otafarihi, faha ofirihi, yama sire oka bora one wadara, siri oha onamaroni.

Korito yoto‑ke 11:9

Dai tabaro‑ya owina, oka yamata tosiya, dai‑ka yamata haa·ora, Masedoni‑ka oka yamata kaniki‑bone‑ka oka yinero‑bona‑ya mai kakamakemaroni. Dai‑ka yamata haa·orihi, dai‑ka yinero haa·orihi onabone, dai‑ka yinero haa·oteraboneni.

Korito yoto‑ke 6:5

Oda‑ya mai kosi, kadeya‑ya oda‑ya mai nawaa, mai dama mai yorotokana oda‑ya mai ati bisi na, mai oda kasomabone, oda‑ka yama anini kita, yama soki‑ya oda amorihi, oda tafarihi oda teni.

Firibo 4:16

Tesaronika‑ya owina, oka yama tosiya ona, yinero‑bona‑ya dai daani famamaroni.

Tesaronika daidi 1:3

Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika daidi 2:2

Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Tesaronika daidi 2:6

Oda‑ya dai kahiyara oda ati rihi, mai one oda‑ya mai kahiyarabone oda ati rihi teni. Yeso Kirisito‑ka yo‑yose oda toha, oda‑ya dai kasomahi oda ati na‑mani, yama sibara neni. Haa‑nima oda ati terani.

Tesaronika daidi 3:10

Yama soki, yama tehe na‑ya Deoso‑ya ohiyarineni, dai tabaro‑ya oda tokomatasabonehe. Yeso ati‑ya dai‑ya oda hiyaramatasa, ati dai nofi ba‑basi nebona owatibodi ati nineni.

Timoti daidi 1:11

Hibati‑ya Deoso owa‑ya yosemarine, Ati Amosabote ohiyarebonaha. Deoso Ati Amosabote‑ya mai tokadabara, Mose‑ka yama hani ati‑nima Deoso mai‑ya bisinebonane.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Timoti daidi 5:5

Mai fanawi fanamaro, mai‑ka yobote mai abamaro, mai‑ka madehe awira, mai‑ka nodi mai awirihi, mai na, hiniya Deoso‑ya mai nofabisa, mai‑ka mai‑ya mai ka‑kasoma‑ba mai wadara, Deoso‑ya mai hiyarateni. Deoso‑ya mai hi‑hiyaranadi, mai oni dai kanahanohi, mai‑ya dai kasomabonehe.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.