Tesaronika daidi 2:8 - Deoso-ka Yama Hani

⁸ Dai oda nofi nafe, dai‑ya Deoso Ati Amosabote oda kamina, dai ene yama oda anini kita, dai oda kasoma, mai‑ka yama wadara mai oda kasoma, oda namaroni.

Tesaronika daidi 2:8 ပူးပေါင်းရင်းမြစ်များ

Roka 7:2

Sodado mai‑ka hidi hika yo‑yose owa‑ya nofi nafi, hika yo‑yose kiyani nafi, abi yanatonematane.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 10:1

Oka soho dai amani. Owati dai mitahi. Isara·eo‑ka mai onofi nafe, Deoso‑ya mai tamine ohiyarateni. Yeso ati‑ya mai nafi nofiya, Deoso tabaro‑ya mai nafi tokabone owatibodi ati nofani.

Homa 15:29

Dai tabaro‑ya kobo·oniya, Kirisito ai‑ya kasomi ba‑basi nebona owatibodi ati nineni.

Korito yoto‑ke 12:15

Dai‑ya okasomabone, dai ene oka yinero tosiyoya, dai ene o·abiya, sibaraboneni. Dai‑ya onofi ba‑basi oniya, owa‑ya dai nofi bi‑bidi bana?

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 4:19

Oka madehe‑nima dai na, dai tamine omita, owatibodi koma, owatibodi komene kitineni. Mai fanawi dori kome yanana, mai dori kome kitateni, dori wadabonehe. Fara‑nima owatibodi komene nineni. Dai ene owatibodi komineni. Yeso Kirisito ati dai nofi nafibona, ene‑nima dai ene nabone, dai tamine ene owatibodi komineni.

Firibo 1:8

Deoso owatibodi ati‑ya wato, Yeso Kirisito dai‑ya nofi nafi‑nima dai onofi nafini. Dai‑ya owatibodi foyani.

Firibo 2:17

Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Firibo 2:20

Owa‑nima Timoti ne, dai‑ya nofi nafine. Mai one dai‑ya nofi bi‑bidi na, i‑di Timoti‑ta dai‑ya nofi nafine.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Koroso 1:28

Mai dami‑ya Yeso Kirisito tamine oda hiyara, Deoso oda kasome, mai oda kanawata, Kirisito kameya, “Ayo Yeso, mai tiawahi. Tiwati mai nofa, tiwati‑nima mai namaroni.” Oda ati naboneni. Kirisito ati nafi oda kamine, ati‑nima dai naboneni.

Koroso 1:7

I‑di Ebafarasi oda yosemaroni, dai‑ya Deoso Ati Amosabote‑ya kaminebonaha. Oda ene‑nima ene nane. Yeso Kirisito ati‑ya tokadabe, Yeso ati‑ya kaminatene.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Firimo 1:1

Baoro ama·oni. Yeso Kirisito ati okamina, kadeya‑ya owa‑ya mai nawaani. Ai‑ka soho i‑di Timoti oda fama, yama hani oda kanahanoneni. Firimo, tika yama hani‑bone okanahanaboneni. Oka owa amatini. Deoso‑ka yama‑ya anititeni.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Yowaho daidi 3:16

Deoso ai‑ya nofa, Yeso ai‑ya nofa ne, ai manakone‑ya nanahabemarine. Yeso ene ai awa, ai‑ya nofe‑ya ai watowahineni. Yeso ene‑nima ai ene na, ai‑ka mai ihi ai aba, ai sibaraboneni.