Tesaronika daidi 2:5 - Deoso-ka Yama Hani

⁵ Oda‑ya dai nofabone, oda ati toharihi, oda‑ya yinero dai daanabone, oda ati toharihi na dai wato, Deoso hiwato hineni.

Tesaronika daidi 2:5 ပူးပေါင်းရင်းမြစ်များ

Mateo 22:16

Mai‑ka mai da‑daba mai‑ya mai yose, i‑di Erodi‑ka mai one mai‑ya mai yose, Yeso‑ya mai hiyara, “Ayo, keyehe hirititerani. Deoso ati tikamine amosatene. Webote mai‑ya tinayofinara, fara yokana tikaminateni.

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Yeso‑ka yo‑yose mai tamine 20:33

Dai‑ya osawe, dai‑ka yinero, dai‑ka barata, dai‑ka oro, dai‑ka bora na‑ya okayaterani.

Homa 1:9

Deoso ati onofi nafe, Yeso Ati Amosabote okamina, dai tamine ohiyara oteni, Deoso‑ya. Dai tamine ohiyaranade‑ya Deoso watone.

Homa 16:18

Dai‑ya mai ebekanabone, ai‑ka hidi i‑di Yeso Kirisito mai hiyosera, hiniya mai dai kahiyarabone mai ati amani. Mai ati amosaya, dai‑ya keyehe‑ya mai hirikana, mai ati amosa ihi yama‑ya mai wato bi‑bidi na, mai ati mai hinofateni.

Homa 9:1

Kirisito‑ka ama·oni. Oka mai one Isara·eo‑ka nodi mai toha, Kirisito ati‑ya mai dami nofara, mai ihi owatibodi komene kita, keyehe‑ya hiri·orani. Owatibodi komene fawara‑ya Deoso‑ka Doni watone.

Korito yoto‑ke 12:17

Dai tabaro‑ya oka mai sawe, oka yama‑bone‑ya mai haatini? Oka yama‑bone‑ya mai haaterani.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Korito yoto‑ke 7:2

Dai‑ya oda nofa, oda dai nofahi. Dai‑ya oda ene ati kasiro awirihi, dai oda towe tonirihi, dai‑ka yama oda kayafarihi, teni.

Karatiya 1:20

Owa‑ya mai kanawatora, Yeso ati‑ta okanahanobisa, keyehe‑ya hiri·ora, oka yama hani‑ya Deoso awe, oka yama hani‑ya watone.

Tesaronika daidi 2:10

Oda ene dai awa, oda ene‑ya i‑di Deoso awa ne, Deoso ene‑nima oda ene namaroni. Yeso ati‑ya dai no‑nofa, dai‑ya oda sawe, oda ene sibaramaroni.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Timoti daidi 3:8

Deoso ati‑ya mai ka‑kanawato mai ihi amosa‑nima Deoso‑ka mai‑ya mai kasoma mai ihi tohaharihi. Keyehe‑ya mai hiririhi, kawi‑ya mai nokotonirihi, yinero‑ya mai nokotonirihi, mai nahi.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Bedoro daidi 5:2

Kaneiro ewete mai ai natafa‑nima Deoso‑ka mai‑ya dai kanawatohi. Mai‑ya dai kanawatabone, yinero ihi toharihi, mai one tiwa‑ya yose ihi toharihi, mai‑ya tinofa, mai‑ya dai kasomabone tohabisahi.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.

Yoda‑ka yama hani 1:11

I‑di Kaina ene‑mata‑nima mai ihi nihi, i‑di Baraho ene‑mata‑nima mai ihi nihi na, yinero‑ya mai nokotoniteni. I‑di Kore‑nima mai ihi na mai aba naboneni.