Tesaronika daidi 2:2 - Deoso-ka Yama Hani

² Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Tesaronika daidi 2:2 ပူးပေါင်းရင်းမြစ်များ

Yeso‑ka yo‑yose mai tamine 14:3

Ikoniyo‑ya mai wina mai amoni dami‑ya, Yeso tamine‑ya mai hiyara, Deoso mai‑ya kasome, Baoro mai ihi kita‑ya mai awa, mai‑ya mai nakitamineni. Deoso ene tohe‑ya mai watowahamoneni.

Yeso‑ka yo‑yose mai tamine 14:5

Bara mai one toha, Yodeo mai one toha, mai‑ka hidi mai one toha na, i‑di Baoro, i‑di Banabe, mai‑ya mai ati bisina, mai‑ya mai ati nanahababoneni, yati‑ya.

Yeso‑ka yo‑yose mai tamine 16:12

Ni·abori‑ya oda fidotona, tabora webote oni Masedoni‑ka tabora ba‑basi na oni Firibo toha‑ya oda tokawaha, Firibo‑ya homano mai dama mai wina, mai tabori‑ya oda winawahani.

Yeso‑ka yo‑yose mai tamine 16:19

Fana‑ka hidi mai ati yawawaha, “Fana‑ya madi foyamare ene yinero oda kayafamara oda naboneni.” Fana‑ka hidi mai ati namaroni. Baoro, Sira, mai fama mai‑ya fana‑ka hidi mai waratona, mai‑ya mai horoni towakamamaroni kofeno‑ka mai‑ya.

Yeso‑ka yo‑yose mai tamine 16:37

Ati‑ya Baoro mite, ati yanane, “Homano oda toha, mai dama mai noki‑ya oda‑ya mai bisina, homano mai ai bisiterani. Oda ene amosa, hiniya oda‑ya mai bisina, kadeya‑ya oda‑ya mai yaditona, hibayata hiniya oda‑ya mai yose, oda tokomabone mai ati na. Hiniya oda toki awiraboneni. Ahi‑ya mai kamiya, mai aboni oda‑ya mai seekanahi.” Baoro ati nane.

Yeso‑ka yo‑yose mai tamine 17:1

Afibori‑ka mai tabori‑ya Baoro mai fiyakana, Aboroniya‑ka mai tabori‑ya mai fiyakana na, mai toka, Tesaronika‑ka mai tabori‑ya mai kobona, Tesaronika‑ya Yodeo mai hi‑hiyara‑ke yobe owa tohane.

Yeso‑ka yo‑yose mai tamine 17:17

Mahi‑nima Deoso yokana tamine‑ya mai‑ya hiyaranadi, mai‑ka tabora bai‑ya mai yorotokana, mai‑ya hiyare, Sabado‑ya Yodeo mai toha, Deoso ati‑ya mai no‑nofa mai toha na, Deoso‑ya Yodeo mai hi‑hiyara‑ke yobe‑ya mai yorotokana, mai‑ya hiyaremonane.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Yeso‑ka yo‑yose mai tamine 4:20

Yama oda awa, ati oda mita ne, tamine oda hiyarabisaboneni.” Bedoro, Yowaho mai fama mai ati na.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Korito yoto‑ke 3:12

Deoso ati amosi fawaterebona, fare ati ai kamine, ai habo siitoterani.

Koroso 2:1

Owati dai mitahi. Koroso‑ya dai wi‑wina, Raodiseya‑ya dai wi‑wina, owa noko dai awatera, dai tamine omita, dai tamine ohiyariteni, Deoso dai‑ya kasomebonaha.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.