Tesaronika daidi 2:19 - Deoso-ka Yama Hani

¹⁹ Ai‑ka Ayo Yeso kameya, dai tamine‑ya oda hiyaraboneni. Hibati‑ya Deoso Ati Amosabote dai‑ya oda kamina, oda ati‑ya dai nofamaro, dai ene Yeso ya‑yainebonane. Dai tamine‑ya Yeso hiyareya, oda ya‑yainahareboneni.

Tesaronika daidi 2:19 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Yowaho 21:22

“Oka owa tamine‑ya tiwatibodi kadikariyahi. Okomatasiya, owati ihi oka owa abi awisareya, tiyawariyahi. Owa‑ya tisawiyahi.” Yeso ati nemarine.

Korito daidi 15:23

Yeso Kirisito abano kitami dai tohemata, Yeso‑ka ai tohawaha, Yeso kamataseya, ai abano kitamamakitasaboneni.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito yoto‑ke 1:14

Hibayata oda‑ya dai wato bide toha, oda‑ya dai nofa, oda ene dai ya‑yaina, fara‑nima dai oda nofa, dai ene oda ya‑yainahare, ai‑ka ayo i‑di Yeso kamataseya, ai ibi tamine kaminaboneni.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Tesaronika daidi 2:20

Dai ene oda ya‑yaineni. Deoso Ati Amosabote dai‑ya oda kaminemari ene Deoso oda‑ya kahiyarebonane.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 4:15

Yeso ati dai mitahi. “Ai hasina, ai dai tohi awiraboneni. Mai abamaro‑ta, mai aboni kitami dai tohaboneni. Mai korimari foyama, neme‑ya mai ai dodabamaboneni.” Yeso ati nemarine.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tesaronika yoto‑ke 1:4

Mai tabori one‑ya oda toka, Deoso‑ka mai toha mai‑ya oda yorotokana, dai tamine oda hiyarineni. “Tesaronika‑ya mai wi‑wina mai mai bisihina, mai mai hinakoma, mai ati sibawarini. Yeso ati‑ya mai nofi nafiwahineni.” Oda ati teni.

Tesaronika yoto‑ke 1:7

Makobote Yeso, hika yo‑yose mai kita, mai eyehe kameya, ai‑ya mai bisinamaro mai bisinami awiraboneni.

Tesaronika yoto‑ke 2:1

Owati dai mitamakitasahi. Ai‑ka Ayo i‑di Yeso Kirisito kamataseya, ai‑ya towakamebona tamine dai watoyahi.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Tiyako 5:7

Soho, owati dai mitahi. Dai anina, dai‑ka yinero‑ba‑ya mai daara dai yawara. Dai‑ka Ayo Yeso kamebona dai ene amosa manakone‑ya daanebona, mai ihi amosara manakone daanahari nebonane. Yamata‑ya mai ka‑kama, yamata hawa toha kanibote ra‑ya hidi mai nimana, faha kake ihi yamata yana, makobote hadabone, faha kakitasa teni.

Tiyako 5:8

Fara‑nima yama dai nimana, dai‑ya mai kaka, dai habo siitoriyahi. Yeso kamebona kami nahorebona, dai nimanahi.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.

Bedoro yoto‑ke 1:16

“Yeso Kirisito kitabote tohe, kamatasebonane.” Oda ati namaroni. Hibati‑ka mai ati oda kaminara, ene kitabote, amosabote ne, oda awemari tamine oda kaminamaroni.

Bedoro yoto‑ke 3:4

“Yeso kamebona dai ati na, fai‑ra? Hibati‑ya Yeso kamebona‑ya ai‑ka idi mai nimanamaroni. Mai hasiniya, Yeso kamare, oda‑ka abi Yeso kami‑ya mai nimana, Yeso kamare, fare kamaterebonane. Yama Deoso wamahinamete‑nima yama nasa nineni.” Mai ati naboneni.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Yeso Kirisito ene‑bona 22:12

Ati yanane, “Kiki, kobo kanibote onaboneni. Mai ihi amosa manakone dama·okana, daa·onabonehe. Hini mai ihi‑nima manakone na daa·onaboneni.