Tesaronika daidi 2:13 - Deoso-ka Yama Hani

¹³ Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Tesaronika daidi 2:13 ပူးပေါင်းရင်းမြစ်များ

Mateo 10:20

Fara dai ati yokana toharabone, ai‑ka Abi neme‑ke‑ka Doni ati nebonane.

Mateo 10:40

Oka dai toha dai ati‑ya mai nofa owati‑ya mai nofahari, owati‑ya mai nofa owa‑ya yose‑mari ati‑ya mai nofahari teni.

Roka 11:28

“Okomi ya‑yaini bi‑bidi nineni. Deoso ati‑ya mai mita, ati mai hikadabe, mai ya‑yaini nafineni.” Yeso ati nematane.

Roka 5:1

Kenesare‑ka faha widi‑ya Yeso wai‑ya mai dama mai yorotokana, mai howatokarameteni, Deoso ati tamine‑ya mai mitabonehe.

Roka 8:11

Yamata noki tamine yokana dai mitahi. Yamata noki Deoso ati tamine amane.

Roka 8:21

“Deoso ati‑ya mai mita, ati mai tokadaba, okomi mai toha, oka soho mai toha, mai nineni.” Yeso ati nematane.

Yowaho 15:3

Ofa ini kote‑ya Deoso tiinakose‑nima dai na, owati dai mita, dai ene amosawahineni.

Yowaho 17:17

Abi, mai tikayawahi, tiwati yokana‑ya mai nofabonehe.

Yowaho 17:19

Mai manakone onahababoneni, tika mai tohabonehe.

Yeso‑ka yo‑yose mai tamine 10:33

Fare ati ene tiwa haa·onani. Tiwa ene sibarini. Oda yorotokana, tiwati oda mitaboneni. Hini yamata‑nima Deoso ati nati?” Koneriyo ati nane.

Yeso‑ka yo‑yose mai tamine 13:48

Baoro ati‑ya Bara mai mita, mai ya‑yaina, Deoso ati‑ya mai kahiyara, Deoso mai‑ya kadikemata, Yeso ati‑ya mai nofawahani.

Yeso‑ka yo‑yose mai tamine 16:14

Fana ohare oni Ridiya toha, tabori bote oni Tiyatira tohateni. I‑di Ridiya bora amosa‑ya da‑daa, yinero‑ya kanikateni. Deoso‑ya nofa, Yeso tamine‑ta wato awisara. Baoro Yeso tamine‑ya kamine, ati‑ya Ridiya mita, Yeso ati‑ya nofawaha,

Yeso‑ka yo‑yose mai tamine 17:11

Tesaronika‑ka mai narabi hawi bi‑bidi na, Bereya‑ka mai narabi hawi ba‑basi na, Baoro ati‑ya mai mita, mahi‑nima Deoso ati‑ya mai kadika, Deoso ati‑nima Baoro ati amane, mai awa, ati mai nofawahamoneni.

Yeso‑ka yo‑yose mai tamine 17:32

Yeso abe kitame, tamine‑ya mai mita, Baoro‑ya mai one hahakana, “Mahi owa‑ya tiwati oda mitamatasaboneni.” Mai one ati na.

Yeso‑ka yo‑yose mai tamine 2:41

Bedoro ati‑ya mai nofa, mahi ohari‑ya 3000 mai kana mai habanisa, Bedoro mai‑ya mai dabawahamoneni.

Yeso‑ka yo‑yose mai tamine 8:14

Yerosare‑kaya Yeso‑ka yo‑yose mai wina, Samariya‑kaya mai wi‑wina Deoso ati‑ya mai nofawahamone, mai tamine‑ya Yeso‑ka yo‑yose mai mita, Bedoro, Yowaho mai fama, mai‑ya mai yose, “Samariya‑ya mai wi‑wina mai dai tonakahi!” Mai ati na,

Homa 10:17

Deoso Ati Amosabote Yeso tamine‑ya mai kamina, ati mai himiteya, ati mai hinofeba awane.

Korito yoto‑ke 3:18

Isibiyo noki bisa tohaya, ai‑ya ai awa, ai awi re‑refona, noki ai namosiya, ai‑ya ai awi amosateni. Kirisito‑ka ai toha, Kirisito‑ka isibiyo‑nima ai na, ai‑ya mai awa, Yeso‑ya mai awaboneni. Ai ene amosi bi‑bidi na, Kirisito‑ya mai awi re‑refona, Deoso‑ka Doni ene ai ene amosi ba‑basi niya, Kirisito‑ya mai awi amosawahaboneni.

Karatiya 4:14

Kiya·ona, owa‑ya dai weeni awira, owa‑ya dai natafa, dai tabaro‑ya owa‑ya dai nawina, dai namaroni. Deoso‑ka yo‑yose dai tabaro‑ya kobone‑nima, Yeso Kirisito dai tabaro‑ya kobone‑nima, owa‑ya dai nihemaroni.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Ebereo 4:12

Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.

Ebereo 4:2

Deoso tabaro‑ya ai maa tohi fawanabone tamine‑ya mai mita, tamine oda mitahari nemarine. Deoso ati Amosabote‑ya mai mita, ati mai hinofare, mai‑ya kasomare, tabaro‑ya mai koborameteni.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Bedoro daidi 1:25

Deoso ati‑ta abaterebona, ati‑nima yama naboneni.” Deoso‑ka yama hani ati nineni. Mai nafi‑ya Deoso Ati Amosabote oda kaminateni.

Bedoro daidi 2:2

Madehe borehe madi yohari fahi‑ya mai nokotoniteni, mai yanabonehe. Fara‑nima ai‑ka Abi i‑di Deoso ati ai nokotonihe, ai ene amosawama, neme‑ya ai winawahaboneni.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.