Tesaronika daidi 2:10 - Deoso-ka Yama Hani

¹⁰ Oda ene dai awa, oda ene‑ya i‑di Deoso awa ne, Deoso ene‑nima oda ene namaroni. Yeso ati‑ya dai no‑nofa, dai‑ya oda sawe, oda ene sibaramaroni.

Tesaronika daidi 2:10 ပူးပေါင်းရင်းမြစ်များ

Roka 23:41

Ai ene amosara, ai ene manakone ai kayafineni. Yeso ene amose hinama amane.

Yeso‑ka yo‑yose mai tamine 20:18

Mai kobona, mai‑ya Baoro hiyare, “Hibati‑ya dai tabaro‑ya kobo·ona, owina, owa ene dai awamaroni.

Yeso‑ka yo‑yose mai tamine 20:26

Owati dai mitahi. Deoso ati dai nofara‑mani, owa ene tohi awira neni.

Yeso‑ka yo‑yose mai tamine 24:16

Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 11:11

“Oda‑ka yamata‑ya i‑di Baoro haare, oda‑ya nofare awane.” Dai ati namone. Dai onofi nafe owa‑ya Deoso watone.

Korito yoto‑ke 11:31

Ai‑ka Hidi i‑di Yeso Kirisito‑ka Abi, i‑di Deoso ai kahiyaranadi, ai kahiyari fawarayaho. Keyehe hiri·ora, Deoso owa‑ya watone.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Korito yoto‑ke 5:11

Yeso Kirisito ene kite, ati dai tokadabare, yofinatene. “Yeso ati dai nofa, ati dai tokadaba, dai naho.” Oda ati teni. Ai atibodi ati‑ya Deoso wato, oda ene amosa dai atibodi wata awineni.

Korito yoto‑ke 7:2

Dai‑ya oda nofa, oda dai nofahi. Dai‑ya oda ene ati kasiro awirihi, dai oda towe tonirihi, dai‑ka yama oda kayafarihi, teni.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Tesaronika daidi 2:5

Oda‑ya dai nofabone, oda ati toharihi, oda‑ya yinero dai daanabone, oda ati toharihi na dai wato, Deoso hiwato hineni.

Tesaronika yoto‑ke 3:7

“Oda ene‑nima dai ene naboneni.” Oda ati namaroni. Oda ati‑maro dai watoneni. Dai tabaro‑ya oda wina, oda refo tohara, oda hawemaroni.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Bedoro daidi 5:3

Mai dai weenadiriyahi. Hiniya mai dai kasoma, dai ene amosiya, dai ene‑ya mai awiya, yama‑ya mai watowahiya, Deoso ati‑ya mai tokadababoneni.