Tesaronika daidi 1:4 - Deoso-ka Yama Hani

⁴ Hibati‑ya Deoso dai‑ya kadike oda wato, “Oka dao dai tohabone, dai onofini.” Ati nemarine.

Tesaronika daidi 1:4 ပူးပေါင်းရင်းမြစ်များ

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Homa 9:25

Deoso‑ka yama hani i‑di Oseya hikanahanamete, ati dai mitahi. “Hibati‑ya Bara oka mai tohara, oka mai tohawahaboneni. Hibati‑ya Bara mai onofaramone dai ati na, mai onofa, owa dai watowahaboneni.” Deoso ati nematane.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Tesaronika daidi 1:3

Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika yoto‑ke 2:13

Dai tamine oda hiyarateni, Deoso‑ya. Dai ene oda ya‑yaineni. Deoso dai‑ya nofe, dai‑ya kadike, yama‑ya wamani awisareya, dai‑ya kadikematane. Deoso tabaro‑ya dai winawahaboneni. Yeso ati dai no‑nofa, Deoso‑ka Doni dai‑ya sawi, dai ene namosebonaha.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro yoto‑ke 1:10

Oka soho dai toha, Deoso dai‑ya kadike, dai‑ya haane. Tabaro‑ya dai winawahaboneni. Owati‑nima dai ene niya, Deoso tabaro hawine dai fawaniteraboneni.