Tesaronika daidi 1:3 - Deoso-ka Yama Hani

³ Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika daidi 1:3 ပူးပေါင်းရင်းမြစ်များ

Yowaho 14:15

Owa‑ya dai nofiya, owati dai tokadababoneni.

Yowaho 15:10

Okobi ati okadaba, Okobi owa‑ya nofi fawarebonane. Owati dai tokadabiya, Okobi owa‑ya nofi faware‑nima dai‑ya onofi fawa·oraboneni.

Yeso‑ka yo‑yose mai tamine 10:31

‘Koneriyo, tiwati‑ya Deoso mite, tiwa yehe honene daatina‑ya awane.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:4

Ai‑ya mai kanawatabone, Deoso ati‑ya mai kanahanameteni. Yeso hawine‑ya ai yakana, Deoso ati‑ya ai kadika, Deoso tabaro‑ya ai koboni awisariya, ai kobonabone ai atibodi ati na, ai ya‑yaiteni.

Homa 16:26

Hibati‑ya Deoso ati‑ya mai mi‑mita‑mete Yeso tamine‑ya mai kanahanamete, tamine yokana‑ya mai watora, tamine mai hikanahanomata tamine ai watowaha, Bara dai toha dai nafi hiwatowahebonane, Deoso ati dai nofabone, ati dai tokadabebonaha.

Homa 16:6

Mariya dai‑ya kasomi na‑nafi dai hiyarahi.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito daidi 13:13

Hibayata Deoso ati ai nofa, ati‑nima yama nabone ai nimanasa nineni. Yeso kobonamebona, koboni ai nimana, koboneya, ai nimani fawanaboneni. Hibayata ai ibi nofa, makobote ai ibi nofi fawarabone, fara amosabisateni.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 5:13

Deoso dai‑ya kadikemari, dai ene towe dai‑ya yaditonamaraboneni. Yeso ati‑ya dai nofa, dai atibodi bote ati‑nima dai namariyahi. “Owa‑ta ya‑yai·obisaboneni. Owatibodi bote ati‑nima onaboneni.” Dai ati riyahi. Deoso dai‑ya seekane, dai atibodi yati ati‑nima dai naboneni. Dai ibi nofiya, dai ibi kasoma niya, dai nafi ya‑yainaboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Karatiya 6:9

Deoso ene mai ai kasoma, mai kasomi ai fawani awiriya, ai manakone wadaboneni. Ai‑ka yama amosabote‑bone‑ya Deoso daanebonane.

Tesaronika daidi 3:6

I‑di Timoti oda yose, toke, kamatase, dai tamine‑ya oda mitawaha, dai tamine sibarani. Deoso ati dai nofa, dai ibi nofa, oda‑ya dai nofa na, oda‑ya dai ati foyamoneni. Dai‑ya oda ati foyaharineni.

Tesaronika yoto‑ke 1:11

Dai tamine Deoso‑ya oda hiyara, “Tesaronika‑ya mai wi‑wina, mai ihi amosiyahi. Mai tikadikamaro, tiwa ene‑nima mai ihi nahi. Tiwati‑ya mai nofi nafiya, mai ihi amosi nafiwahaboneni.” Oda ati teni Deoso‑ya.

Tesaronika yoto‑ke 1:3

Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.

Timoti daidi 1:14

Yeso ene sibare, hibati‑ya mai bisi·ona, Yeso onofara, Yeso owa‑ya nofe, ati ene Deoso ati‑ya onofawaha, hika mai onofawahineni.

Timoti daidi 2:3

Mai nafi tamine ai hiyariya, ai‑ya Ka‑kasoma i‑di Deoso ya‑yainebonane.

Ebereo 10:36

Deoso ati‑nima dai nabone dai ati na, ati‑nima dai na, dai maakara, yama amosa‑ya Deoso daanebona ati ne, yama dai kayafaboneni.

Ebereo 11:17

I‑di Isaki yetene toheya, Abaraho‑ya Deoso haane, “Abaraho, tika dao yokana ohari owa‑ya daatiyaho.” Deoso ati ne, Deoso ati‑ya Abaraho atibodi nofi nafi, fare Deoso‑ya Isaki‑ya daani yanatonane.

Ebereo 13:21

Deoso dai‑ya kasomane, ati dai tokadabebonaha. Yeso ene ai ene amosa, Deoso ai ene‑ya aweya, ya‑yainebonane. Yeso‑ya ai kahiyari fawateriyahi. Feye amani.

Ebereo 4:11

Mose‑ka mai Deoso tabaro‑ya mai winabone mai ati na, Deoso ati‑ya mai tokadabara, Deoso tabaro‑ya mai winaramete, mai‑nima ai riyahi. Deoso ati ai kadika, Deoso ati ai tokadababisahi.

Ebereo 6:15

Abaraho amoni dameya, Deoso ati‑mata‑nima bidi wadawahematane. Hibati‑ya Abaraho Deoso ati‑ya mite, “Oka dao‑bona‑ya Deoso daanebona ati ne, daahinebonane.” Abaraho atibodi ati ne. Deoso ati‑nima yama nabone‑ya Abaraho nimane, ati‑nima nawahematane.

Bedoro daidi 3:4

Dai amosi yokana tohabone, dai atibodi amosahi. Dai mese‑ka ato bote tohawahiya, amosi fawateni. Mai dai kasoma, dai ati soma na, dai atibodi‑ya Deoso awe, dai manakone nafimone ati tene. Dai atibodi amosi fawateraboneni.

Yowaho daidi 3:18

Owati dai mitahi. Mai‑ya ai ati nofa, Hiniya mai‑ya ai ati nofariyahi. Mai ai nofi yokana toha, mai ai kasomahi.

Yowaho daidi 3:21

Ai atibodi ai‑ya weera, Deoso ai hiyara, ai habo siitoni awiraboneni.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.

Yowaho daidi 5:3

Deoso ai nofa, ati‑nima ai teboneni. Ati‑nima ai na, ai ya‑yainaboneni.

Yeso Kirisito ene‑bona 2:19

Dai ene nafi owatoneni. Dai ibi nofa, dai ibi kasoma, Deoso ati dai nofa, Deoso‑ka hawi bai‑ya dai maakani awirani. Hibayata dai ene amosi ba‑basi nineni.

Yeso Kirisito ene‑bona 3:10

Yama towe yananabone, bofe‑ya mai wi‑wina mai nafi saweboneni. ‘Deoso‑ka hawi bai‑ya dai maakariyahi.’ Onamaroni. Owati dai dami tokadaba ene dai hasinasa niya, yama towe yanani awiraboneni.