Tesaronika daidi 1:1 - Deoso-ka Yama Hani

¹ I‑di Baoro ama·oni. I‑di Sira, i‑di Timoti mai fama, owa‑ya mai dabineni. Kirisito‑ka dai toha, Tesaronika‑ya dai wi‑wina, oda‑ka yama hani dai kadikiyahi. Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Tesaronika daidi 1:1 ပူးပေါင်းရင်းမြစ်များ

Yeso‑ka yo‑yose mai tamine 15:22

Yeso‑ka yo‑yose mai toha, Yeso‑ka bote mai toha, Yeso ati‑ya mai no‑nofa mai toha, mai na, mai ibi hiyara, “Ai‑ka mai one ai yosehi, Baoro, Banabe mai fama, mai‑ya mai dabiya, Atioki‑ya mai tokabonehe. Ai‑ka webote mai fama, i‑di Yoda Basaba, i‑di Sira ne, mai ai yosehi.” Mai ati na.

Yeso‑ka yo‑yose mai tamine 15:27

Oda ati ene i‑di Yoda i‑di Sira mai fama, dai tabaro‑ya mai towakaboneni, oda‑ka yama hani ati‑nima dai‑ya mai hiyaraboneni.

Yeso‑ka yo‑yose mai tamine 15:40

Baoro i‑di Sira‑ya haanane, mai towakamabonehe. “Deoso dai‑ya sawine.” Kirisito‑ka mai ati namoneni.

Yeso‑ka yo‑yose mai tamine 16:19

Fana‑ka hidi mai ati yawawaha, “Fana‑ya madi foyamare ene yinero oda kayafamara oda naboneni.” Fana‑ka hidi mai ati namaroni. Baoro, Sira, mai fama mai‑ya fana‑ka hidi mai waratona, mai‑ya mai horoni towakamamaroni kofeno‑ka mai‑ya.

Yeso‑ka yo‑yose mai tamine 16:25

Yama soki bai‑ya Baoro, Sira mai fama, mai wayoma, Deoso‑ya mai hiyara na, kadeya‑ya mai fo‑foya mai one wayomi‑ya mai mitamoneni.

Yeso‑ka yo‑yose mai tamine 16:29

Kadeya hidi hika yama wahi‑bone‑ya haane, mai‑ya tokomaki, yobati‑kaya itane, wawawakaneri.

Yeso‑ka yo‑yose mai tamine 17:11

Tesaronika‑ka mai narabi hawi bi‑bidi na, Bereya‑ka mai narabi hawi ba‑basi na, Baoro ati‑ya mai mita, mahi‑nima Deoso ati‑ya mai kadika, Deoso ati‑nima Baoro ati amane, mai awa, ati mai nofawahamoneni.

Yeso‑ka yo‑yose mai tamine 18:5

Makobote i‑di Sira, i‑di Timoti mai kobokana, Baoro yama‑ya aninami awire, hiniya hiyarane. Yodeo mai‑ya hiyare, “Hibati‑ya Yeso Deoso hikadikemata Kirisito tohane.” Baoro ati nemonane.

Yeso‑ka yo‑yose mai tamine 19:22

Asiya‑ya Baoro wine, Timoti i‑di Erasito mai fama mai‑ya yosene, Masedoni‑ya mai towaki dai tohabonehe.

Yeso‑ka yo‑yose mai tamine 20:4

I‑di Baoro tokeya, mai sawe, i‑di Biro bidi Sobado Bereya‑ke sawi, Tesaronika‑ke i‑di Aritako, i‑di Sekodo mai fama, Derebi‑ke i‑di Kayo ohari, Asiya‑ke i‑di Timoti, i‑di Tikiko, i‑di Tirofimo mai na, mai sawi neni.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Korito yoto‑ke 1:19

I‑di Timoti, i‑di Sira oda na, Deoso Bidi i‑di Yeso Kirisito tamine dai‑ya oda hiyaramaroni. Deoso ati nafi‑ya Yeso tokadabe, ati‑ya fiyakani awiremarine. Yeso tosawarire, Deoso ati‑nima tene. Keyehe‑ya hiriterene.

Karatiya 1:2

Karatiya‑kaya dai wi‑wina Yeso ati dai no‑nofa dai‑ka yama hani‑bone okanahanoneni. Yeso ati‑ya mai no‑nofa owa‑ya mai sa‑sawi, mai ati okanahanohari onaboneni. Dai tabaro nafi‑ka yama hani‑bone dai kadikahi.

Karatiya 1:22

Yodeya‑kaya i‑di Bedoro‑ka yobe waari, owa nowati‑ya Yodeya‑kaya Yeso Kirisito ati‑ya mai no‑nofa mai one mai yorotokana, mai ibi hiyara, “I‑di Baoro oda awi awisarani.” Mai ati nineni.

Efesiyo 1:2

Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Firibo 1:1

I‑di Baoro ama·oni. I‑di Timoti oda fama Yeso Kirisito‑ya na‑narifa oda amani. Firibo‑ya dai wi‑wina Deoso‑ka dai toha, Yeso Kirisito dai‑ya sa‑sawi, Yeso‑ka mai dai kanawato, mai tase dai toha, dai na, oka yama hani dai kadikiyahi.

Koroso 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemari, Yeso Kirisito‑ka yo‑yose ohawahabonehe. Timoti owa‑ya sawi, i‑di Timoti oda fama dai‑ka yama hani‑bone oda kanahanaboneni.

Tesaronika yoto‑ke 1:1

I‑di Baoro ama·oni. I‑di Sira, i‑di Timoti mai fama, owa‑ya mai dabineni. Ai‑ka Abi i‑di Deoso, ai‑ka Ayo i‑di Yeso Kirisito‑ka dai toha, Tesaronika‑ya dai wi‑wina dai‑ka yama hani boneni.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Ebereo 13:23

Dai‑ka ayo i‑di Timoti mai sokihine, kadeya‑ya mai hinafoyemari‑ya mai seekana, i‑di Timoti koboneya, dai tabaro‑ya oda tokaboneni.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.