Roka 8:1 - Deoso-ka Yama Hani

¹ Makobote Yeso hika mai 12 kana mai eyehe sidadi dami‑ya toke, mai tabori bide‑ya tokahari, Deoso ai nafi‑ka hidi kitabote tohawahebona tamine‑ya hiyarematane.

Roka 8:1 ပူးပေါင်းရင်းမြစ်များ

Mateo 11:1

Oda 12 kana, oda‑ya Yeso hiyari hawa tohe, mai tabori dami‑kaya oda eyehe tokemarine, mai one‑ya kanawatobonaha.

Mateo 13:19

Fadara‑ka wami ai atibodi tamine amani. Neme‑ke ai nafi‑ka hidi kitabote tohawahebona tamine‑ya mai mita, ati mai hiwato awireya, mai ati kadamowama kanibote na. Hawi fowari‑ya yamata noki sona‑nima mai na, Satanasi ati ene Deoso ati‑ya mai ati kadamowamani.

Mateo 4:23

Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya mai‑ya kanawatomatane. Ai nafi‑ka hidi kitabote tohawahebona tamine‑ya hiyarematane. Mai kiyana mai‑ya nakitamematane.

Mateo 9:35

Mai‑ka sidadi dami‑ya Yeso toke, mai tabori bide dama‑ya toka ne, Deoso‑ya mai hi‑hiyara‑ke yobe‑ya tokiyome, mai‑ya kanawatomarine. Neme‑ke ai nafi‑ka hidi kitabote tohawahebona tamine‑ya hiyara, mai kiyana mai‑ya nakitama nemarine.

Maroko 1:39

Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya Deoso ati‑ya Yeso hiyare, madi towe mai‑ya kananiwahemarine.

Roka 1:80

Ewe yanawahe, Deoso ati‑ya nofi nafiwahematane. Isara·eo‑ka nodi mai‑ya Yowaho hiyari awisare, tabora awiri‑ya ohari winematane.

Roka 20:1

Deoso‑ka yobe‑ya Yeso mai‑ya kanawato, Deoso ati amosabote tamine‑ya Yeso hiyareya, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha, mai na, mai kamake, Yeso‑ya mai weenabone, Yeso‑ya mai hiyara,

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Roka 9:6

Fa‑fai‑ya mai yanana, mai toka, mai tabori dami‑ya Deoso ati amosabote tamine‑ya mai kamina, mai kiyana mai‑ya mai nakitama nameteni.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 13:32

Ai‑ka idi mai‑ya Deoso Ati Amosabote‑ya hiyaremata, fare Ati Amosabote dai‑ya oda kaminineni.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.