Roka 7:2 - Deoso-ka Yama Hani

² Sodado mai‑ka hidi hika yo‑yose owa‑ya nofi nafi, hika yo‑yose kiyani nafi, abi yanatonematane.

Roka 7:2 ပူးပေါင်းရင်းမြစ်များ

Mateo 27:54

Yeso abeya wami wawawakana, mahi wehene fawa ne‑ya sodado mai awa, mai habi siitonameteni. “Deoso Bidi amane. Keyehe tohi awirini.” Mai ati nawahameteni.

Roka 23:47

Mahi wehene fawane‑ya sodado mai‑ka hidi awe, Yeso ati‑ya mite, “Deoso ene amane.” Atibodi ati ne, “Yeso ene amosabisane.” Ati nematane.

Roka 7:1

Yeso mai‑ya hiyari hawa toheya, Kafanaho‑ya toke, kobonematane.

Roka 7:3

Yeso tamine‑ya mite, Yodeo mai‑ka hidi mai one‑ya yosematane, Yeso‑ya mai kakamabonehe, hika yo‑yose Yeso hinakitamebonaha.

Roka 8:42

Yairo bide atona ohare kiyani nafe, abi yanatonameteni. Mai dama mai teberi‑ya Yeso tokomakimatane.

Yeso‑ka yo‑yose mai tamine 10:1

Sesareya‑ya i‑di Koneriyo winane, Itari·ano mai‑ka sodado mai‑ka hidi toheri,

Yeso‑ka yo‑yose mai tamine 10:7

Deoso‑ka yo‑yose tokomeya, Koneriyo hika yo‑yose mai fama mai‑ya haa, sodado ohari‑ya haa ne, mai kakiya, mai‑ya yosebonane. Deoso ati‑ya sodado nofe, Koneriyo‑ka yama‑ya anitene.

Yeso‑ka yo‑yose mai tamine 22:26

Baoro ati‑ya sodado mai‑ka hidi owa mite, mai‑ka hidi owa ba‑basi ne‑ya tokome, hidi‑ya hiyare, “Tiwa noko wadahi. Homano owa i‑di Baoro amane.” Ati nemonane.

Yeso‑ka yo‑yose mai tamine 23:17

Sodado mai‑ka hidi owa‑ya i‑di Baoro haane, “Tika hidi‑ya oka bidimi tiwakamahi, hiyarebonaha.” Baoro ati nane.

Yeso‑ka yo‑yose mai tamine 27:1

Itariya‑ya oda tokabone, i‑di Yoriyo‑ya Baoro‑ya mai daana, mai one sokina‑ya mai daanineni, i‑di Yoriyo mai hiwakamabonehe Itariya‑kaya. Sesa Akosito‑ka sodado hidi i‑di Yoriyo tohane.

Yeso‑ka yo‑yose mai tamine 27:3

Mahi owa‑ya Sidoho‑ya oda kobona, Sidoho‑ya Yoriyo ati ene i‑di Baoro hini hika mai‑ya tokane, Baoro‑ya mai kasomabonehe. Yoriyo Baoro‑ya nofane, Baoro‑ya kasome ene Baoro ya‑yainebonane.

Yeso‑ka yo‑yose mai tamine 27:43

Sodado mai‑ka hidi Baoro‑ya nofe, sodado mai‑ya ati barine, “Mai dai nanahabariyahi. Faha diboni‑ya dai wata, dai diboni dai toha, faha widi‑ya dai kobonahi.

Koroso 3:22

Mai mai hikanikamaro, mai‑ka hidi ati‑ya mai nofiyahi. Ati mai hikadaba hiyaho. Mai‑ka hidi noko‑ya yama mai ani, mai‑ka hidi noko beheri‑kaya yama‑ya mai ani nahi. Yeso ati‑ya mai no‑nofa mai‑ka hidi ati‑ya mai tokadabiyahi, Yeso ya‑yainebonaha.