Roka 7:13 - Deoso-ka Yama Hani

¹³ Yetene madi ohina‑ya Yeso awe, atibodi komahari, ati yanane, “Ohitiriyahi.” Ati nematane.

Roka 7:13 ပူးပေါင်းရင်းမြစ်များ

Maroko 8:2

“Ai‑ya mai sa‑sawi mai okasomaboneni. Ai amoni 3 kani‑ya ai‑ya mai sawe mai tafe wadarani.

Roka 10:1

Makobote mai one 72 mai kana Yeso hini tokomakibona‑kaya mai‑ya yosebona mai‑ya hiyare, “Mai tabori‑nima dai fa‑famiyahi.

Roka 11:1

Yama one‑ya Deoso‑ya Yeso hiyari hawa tohe, hika mai da‑daba owa ati yanane, “Ayo, Deoso oda hiyarabone, oda tikanawatohi. I‑di Yowaho Batita hika mai da‑daba mai‑ya kanawatomari‑nima oda‑ya tikanawatohi.” Ati nematane.

Roka 11:39

Yeso ati yanane, “Fariseo dai toha, keneko mese dai sorona, mai noki‑ya dai ene amosa, hiniya dai atibodi towebisa amani. Yama dai bote, dai ene towe damateni.

Roka 12:42

“Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Roka 13:15

Yeso ati yanane, “Towe dai amani. Sabado‑ya yama dai aninahariteni. Dai‑ka bani mai dai seekana, mai dai towakifawateni, faha‑ya mai fawabonehe.

Roka 17:5

Yeso‑ka yo‑yose Yeso‑ya mai hiyara, “Oda tikasomahi, Deoso ati oda nofi nafiwahabonehe.” Mai ati nameteni.

Roka 17:6

“Deoso ati‑ya dai nofi i‑isi niya, dai ene kitaboneni. Awa tiawahi. ‘Awa boretikaniya, faha bai‑ya tikamahi.’ Dai ati niya, awa‑ya Deoso borekaneya, faha bai‑ya awa‑ya Deoso kamawahebonane.

Roka 18:6

Mai ihi‑ya ka‑kadika ati kasiro, hiniya fana‑ya kasomane.

Roka 19:8

Sakeo waa kanibote ne, Yeso‑ya hiyare, “Ayo, owati timitahi. Mai‑ka yama wadara mai‑ya oka yama beheri daa·onaboneni. Mai‑ka yama one obotemaro, mai‑ka yama 4 kanabone daa·onamatasaboneni.” Sakeo ati nematane.

Roka 22:61

Yeso kiinawame, Bedoro‑ya kakatome, Yeso ati‑ya Bedoro atibodi watinawame, “Arakawa haani awisareya, ‘Yeso owatorini.’ Tinaboneni. Tiwati yanani 3 kana boneni.” Yeso ati ne, ati‑ya Bedoro atibodi watinawame,

Roka 24:3

mai tokiyoma, Yeso abo‑ya mai awarameteni.

Roka 24:34

“Ai‑ka hidi i‑di Yeso kitame, i‑di Simaho‑ya kobonene.” Mai yorotokana mai ati nameteni.

Roka 7:12

Sidadi‑ka nokobi yakari‑ya mai kakiya, yetene abo‑ya mai diwakana, mai‑ya Yeso awematane. Hibati‑ya badi abe, madi ohari wama, bidi ohari abamakitasematane. Nahi‑ya mai wi‑wina mai dama fana‑ya mai dabameteni.

Roka 7:14

Abo foya‑ka‑ya Yeso boyone ene mai maanake, “Yetene, tikitamahi.” Ati ne,

Roka 7:19

Hika mai da‑daba mai fama mai‑ya yose, Yeso ati‑ya mai mitabone, “‘Deoso‑ka kakibona mai ati namete fara amatiraniha? Fara tihi awiriya, Deoso‑ka yokana oda nimanaboneni.’ Dai ati niyahi.” Yowaho ati nematane.

Roka 8:52

Mai dama mai ohina, hini mai baki‑ya mai boonameteni. “Dai ohiriyahi. Abi awirini. Hiniya amoneni.” Yeso ati nematane.

Yowaho 11:2

Hibati‑ya Rasaro‑ka adi i‑di Mariya Yeso‑ya yama mahi amosa‑ya sorokasa, hini tati kone‑ya Yeso teme‑ya tamonamaroni.

Yowaho 11:3

Rasaro‑ka adi mai fama, mai‑ka da‑daba‑ya mai yose, “Yeso sibatinahi. Tiwasiya, eya tiyahi. ‘Ayo, tinofi nafi kiyanene.’ Tiyahi.” Mai ati nameteni.

Yowaho 20:13

I‑di Mariya‑ya mai haana, “Sima, hini yamata ihi ohitina?” Deoso‑ka yo‑yose mai ati na, “Owa noko beheri‑kaya Okoyo abo‑ya mai towakamanini.” Mariya ati nameteni.

Yowaho 20:15

“Sima, hini yamata ihi ohitina? Ebeni‑ke sibatiniti?” Yeso ati ne, “Fadara‑ya na‑namosa amane.” Mariya atibodi ati na, “Ayo, Okoyo tiwakameya, owa‑ya yofitikanahi, owakamebonane.” Mariya ati nameteni.

Yowaho 4:1

Mai dama Yeso‑ya mai daba, Yeso ati ene mai oda habanirisamaroni. Mai fa‑famaraba nibisa mai‑ya i‑di Yowaho Batita habanirise, mai tamine‑ya fariseo mai mitameteni.

Yowaho 6:23

Tiberiyadi‑ka mai kake, kanawa‑kaya mai yamakanake, mai dama mai‑ya Yeso natafe‑ka fara yama yakari‑ya mai kobonameteni.

Korito daidi 7:30

Dai ohina, ai ohira‑nima dai nahi. Dai ya‑yaina, ai ya‑yaira‑nima dai nahi. Yama dai kanika, yama dai nokotoniriyahi.

Tesaronika daidi 4:13

Ai one abamaro tamine oda hiyaraboneni, yama dai watobonekaro. Deoso ati‑ya mai no‑nofa mai aba, mai ihi dai atibodi komene bi‑bidi nahi. Deoso tabaro‑ya mai winaboneni. Deoso ati‑ya mai nofara mai aba, mai tabiyo mai hiyawa, mai kitamiya, madi mai tabori‑ya mai sawiya, mai kome kitabisaboneni.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.