Roka 5:30 - Deoso-ka Yama Hani

³⁰ Fariseo mai one Mose‑ka yama hani ati‑ya mai ka‑kamina mai toha Yeso‑ya mai da‑daba mai‑ya mai weena, “Hini yamata‑bone towe mai eyehe dai tafiti? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Mai ati nameteni.

Roka 5:30 ပူးပေါင်းရင်းမြစ်များ

Mateo 5:46

Dai‑ya mai no‑nofa mai‑ya dai nofa, mai one‑ya dai nofariya, Deoso ya‑yaiterene. Kofeno‑ka yinero‑bona‑ya mai ha‑haa hini mai one‑ya mai nofateni.

Mateo 9:11

Yeso ene‑ya fariseo mai awa, Yeso‑ya mai da‑daba mai‑ya mai hiyara, “Hini yamata‑bone towe mai eyehe Yeso tafati? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Fariseo mai ati namaroni.

Maroko 2:16

Mose‑ka yama hani ati‑ya mai ka‑kamina mai one fariseo mai toha, Yeso marine‑ya mai awa, Yeso‑ya mai da‑daba mai‑ya mai hiyaramaroni. “Hini yamata‑bone towe mai eyehe Yeso tafati? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Mai ati namaroni.

Maroko 7:3

Yodeo ai‑ka idi mai ati ihi mai tafabone, mai yahi‑ya mai sorokariteni. Ai‑ka idi mai ati‑ya fariseo mai tokadabi nafiteni.

Maroko 9:16

Yeso mai‑ya hiyare, “Kobo·onama, hini yamata tamine dai hiyariti?” Ati nemarine.

Roka 18:11

Fariseo wai, hini tamine‑ya hiyare, ‘Deoso, owati amosabisa, ya‑yai·onineni. Mai one‑ta yama‑ya mai ka‑kahidina mai toha, mai ihi amosara mai toha, mai one‑ka yibote mai‑ya mai a‑aha mai toha, mai na, mai ihi‑nima owa ene terani. Ahiyata‑ya wai kofeno‑ka yinero‑bona‑ya ha‑haa toha, fare ene‑nima owa ene terani.

Roka 19:7

Sakeo‑ka yobe‑ya Yeso tokebona‑ya mai awa, Yeso‑ya mai weena, “Ati kasiro‑ka yobe‑ya Yeso tokiyomebanane.” Mai ati nameteni.

Roka 5:17

Mai dama mai yorotokana mai‑ya Yeso kanawatomatane. Fariseo mai toha, Mose‑ka yama hani ati‑ya mai ka‑kamina mai toha, mai na, mai sawi, mai one Karireya‑ka mai kaki, Yodeya‑ka mai one kaki, Yerosare‑ka mai one kaki nameteni. Mai kiyana, Deoso ene mai‑ya Yeso nakitamematane.

Roka 5:21

Mose‑ka yama hani ati‑ya mai ka‑kamina mai toha, fariseo mai toha, mai na, Yeso ati‑ya mai mita, mai yawawahameteni. “Bofe‑ka ai toha ai ati ene ai owa ene manakone fawaterene. Deoso hini ati ene ai ene manakone fawateni. Maki ene towe manakone wadamaremona Yeso ati ne, ‘Deoso‑nima ona ama·oni.’ Yeso ati ne awane, hini ati ene abaho.” Mai atibodi ati nameteni.

Roka 7:34

Dai‑ka Ayo neme‑ke tafi ba‑basi ne, fino‑ya fawane, ‘Yeso towe amane, tafi nafi, fino‑ya fawa, kofeno‑ka yinero‑bona‑ya mai ha‑haa mai toha, mai ihi amosara mai toha, mai na, mai‑ya Yeso nofatene.’ Dai ati teni.

Roka 7:39

Fariseo fana ihi‑ya awe, yawe, “Yeso‑ya fana boyona, fana towe amani. Yeso i‑di Deoso ati‑ya mi‑mita tohe‑mana, fana tamine‑ya wato nane.” Atibodi ati nematane.

Yeso‑ka yo‑yose mai tamine 23:9

Mai ibi hiyara, “Ati sibare, Deoso‑ka yo‑yose ati‑ya mitate awane. Ai weerayaho. Deoso ai‑ya bisirayaho.” Fariseo mai one Mose‑ka yama hani ati‑ya mai ka‑kamina mai ati namaroni.