Roka 4:34 - Deoso-ka Yama Hani

³⁴ “Ka! Yeso Nasare‑ke hini yamata‑nima tinaba? Oda‑ya bisitiriyahi. Tiwa owatoni. Deoso‑ka amosabote amatini.” Madi towe ati nematane.

Roka 4:34 ပူးပေါင်းရင်းမြစ်များ

Mateo 8:29

“Yeso, Deoso Bidi amatini. Oda arabatinahi. Yama one‑ya oda‑ya saritikanabone tinamaro, hibayata mahi koboni awisare, oda bisitiriyahi.” Madi towe mai ati nameteni.

Maroko 1:24

“Yeso Nasare‑ke hini yamata‑nima tinaba? Oda‑ya bisitiriyahi. Tiwa owatoni. Deoso‑ka amosabote amatini.” Madi towe ati nemarine.

Maroko 1:34

Yeso mai‑ya awe, mai kiyana mai dami‑ya nakitamemarine. Madi towe Yeso‑ya mai wata, Yeso tamine‑ya mai kaminabone, Yeso ati ene madi towe mai ati yanara, mai kananineni.

Maroko 5:7

Madi towe‑ya Yeso hiyare, “Maki‑ya tisawimariyahi.” Yeso ati nematane. “Yeso, Deoso kitabote Bidi amatini. Owa arabatinahi. Owa bisitiriyahi.” Madi towe ati ne, ati kitematane. “Tiwa oni eme titi?” Yeso ati ne, “Ibowa ama·oni, oda damaro.” Ati nematane.

Roka 1:35

“Deoso‑ka Doni tiwa‑ya sawibona, Deoso ene kitabote ati ene naba tihaboneni. Deoso Bidi wadeya, mai awiya, ‘Deoso Bidi amane.’ Mai ati naboneni.

Roka 4:33

Deoso‑ya mai hi‑hiyara‑ke yobe‑ya maki madi towe foye‑ke sawi, Yeso‑ya haane, ati kite,

Roka 4:41

Mai‑ya madi towe mai fo‑foya Yeso ati ene madi towe mai kanana, mai ati kita, “Deoso Bidi amatini.” Madi towe mai ati na, “Dai ati fawanahi.” Yeso ati nematane. “Deoso‑ka Ka‑kadika oha, owa‑ya mai wata, owa tamine‑ya mai hiyararaboneni.” Yeso atibodi ati nematane.

Roka 8:28

Yeso‑ya awe, kaikane, Yeso noko‑ya home, “Maki‑ya tisawimariyahi.” Yeso ati ne, “Yeso, Deoso kitabote Bidi amatini. Owa arabatinahi. Owa bisitiriyahi.” Maki ati ne, ati kitematane. Hibati‑ya koheti‑ya maki‑ya sodado mai sokini damameteni. Mai hiwakatome, madi towe ene maki kiti nafi, koheti‑ya betekasarimane, kabani‑kaya kanani tokawahematane. Haa‑nima maki ene ne, ene damematane, madi towe ene.

Roka 8:37

Kerasa mai‑ka wami‑ya mai wi‑wina mai toha, Kerasa mai‑ka wami yakari‑ya mai wi‑wina mai toha, mai na, yama yofina ihi Yeso‑ya mai toyosemameteni, yama one‑kaya tokebonaha. Yeso hika mai eyehe kanawa‑ya foyame, mai winitokanamameteni.

Yeso‑ka yo‑yose mai tamine 16:39

Kadeya‑ya mai toka, Baoro mai‑ya mai hiyara, “Towe oda amani, dai‑ya oda bisinaro. Dai towakamahi. Oda‑ya dai ati somawamahi. Dai oda bisinamaterabani. Tabora one‑ya dai towakamahi.” Mai ati na.

Yeso‑ka yo‑yose mai tamine 2:27

O·abiya, owa‑ya Deoso kasomebonane. Hika Ka‑kadika hini temene‑ya abano bataterebonane.

Yeso‑ka yo‑yose mai tamine 3:14

‘Yeso amosabote amane.’ Deoso ati ne, ‘Yeso seetikariyahi, oda nofi awire. Ai‑ya nanahabamari seetikabisahi.’ Dai ati namaroni.

Yeso‑ka yo‑yose mai tamine 4:27

Abi Deoso, Dafi ati‑nima ahi‑ya sidadi‑ya ai wi‑wina i‑di Erodi, i‑di Bonisiyo Birato, Bara mai toha, Yodeo mai toha na, Tiwa‑ya na‑narifa i‑di Yeso tikadikemata‑ya mai kaka, mai yorotokana,

Ebereo 2:14

Deoso Bidi i‑di Yeso ai owa tohawahe, ai eme‑nima eme nihi, ai emene‑nima emene nihi ne Yeso ai owa tohe, abe, ai manakone‑ya nanahabe, i‑di Satanasi kiti‑ya nanahabematane.

Tiyako 2:19

“Deoso oharine.” Dai ati na, Dai ati‑nima madi towe mai ati na, Deoso ene mai habi siitoteni. Dai ati ohare sibara, yama one hasinineni.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yeso Kirisito ene‑bona 20:2

Dafi‑ya wate, koheti‑ya dafi‑ya sokine, faha fowe 1.000 kani‑ya dafi seekani awirebonane. Dafi Satanasi amane. Oni owa Diaboro amane. Satanasi maka‑nima nematamona, fare amane.

Yeso Kirisito ene‑bona 3:7

“Yama hani tikanahanohi. Deoso‑ya mai hi‑hiyara‑ke yobe Firadefia‑ya wai, yobe hidi‑ya daatinahi. Amosabotebisa ama·oni. Keyehe‑ya hiri·oterani. I‑di Dafi‑ka safi owa‑ya sawe, yama see·okani‑ya mai barihikaraboneni. Yama bari·okani‑ya mai seehikani awiraboneni. Fara owati amani.