Roka 4:18 - Deoso-ka Yama Hani

¹⁸ “Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Roka 4:18 ပူးပေါင်းရင်းမြစ်များ

Mateo 11:5

Yama mai awaramaro yama mai awawaha, mai ka‑kakona‑maro mai yakanamawaha, mai mese towe tohamaro mai mese amosawama, mai narabi hawiramaro ai ati‑ya mai mitawaha, mai abamaro mai kitamawaha, yama mai kihara Deoso ati amosabote‑ya mai mitawaha nineni.

Mateo 12:18

“Oka yo‑yose dai awaho. Okadikemari, onofi nafine. Owati ihi Oka Doni fai‑ya sawibonane. Bara mai‑ya hiyareya, ‘Mai ihi‑nima mai manakone na kobonaboneni.’ Ati nebonane.

Mateo 12:20

Mai kiyana mai‑ya kasomebonane. Mai ohini kita mai‑ya weeterebonane. Mai kitara mai‑ya kasomeya, mai nafi ihi‑nima mai manakone na‑ya daanebonane.

Mateo 5:3

“‘Towe ama·oni.’ Dai ati niya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Roka 4:17

Isa·iya‑ka yama hani‑ya mai daanameteni, Yeso hikadikabonehe. Yeso warahikana, seehikana, hikadika,

Roka 6:20

Yeso hika mai da‑daba mai‑ya kiine, mai‑ya hiyare, “Yama dama dai nokotonira Deoso dai‑ya kasomebona, Deoso ai nafi‑ka hidi kitabote tohawahe‑ya dai sawiwahaboneni.

Roka 7:22

Yowaho‑ya mai da‑daba mai‑ya Yeso hiyare, “I‑di Yowaho‑ya dai towakamiya, owa ene dai kamina, owati dai kamina, dai nahi. Yama mai awaramaro yama mai awawaha, mai ka‑kakona‑maro mai yakanamawaha, mai mese towe tohamaro mai mese amosawama, mai narabi hawiramaro ai ati‑ya mai mitawaha, mai abamaro mai kitamawaha, yama mai kihara Deoso ati amosabote‑ya mai mitawaha nineni.

Yowaho 1:41

Makobote i‑di Anidere anidi‑ya toke, “Deoso‑ka Ka‑kadika oda awani.” I‑di Anidere ati nemarine. (Kereko mai ati‑ya Deoso‑ka Ka‑kadika i‑di Kirisito amane.)

Yowaho 12:46

Yama wahi‑nima oneni. Owati‑ya mai no‑nofa yama soki‑ya mai yakanamarabone ihi okemaroni.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Yeso‑ka yo‑yose mai tamine 4:26

Bofe‑ya mai wi‑wina mai‑ka hidi mai yorotokana, Deoso, Deoso‑ka Ka‑kadika ne‑ya mai ati nabohani.’ Deoso‑ka Doni ati ne, ati‑ya Dafi kanahanomatane.

Yeso‑ka yo‑yose mai tamine 4:27

Abi Deoso, Dafi ati‑nima ahi‑ya sidadi‑ya ai wi‑wina i‑di Erodi, i‑di Bonisiyo Birato, Bara mai toha, Yodeo mai toha na, Tiwa‑ya na‑narifa i‑di Yeso tikadikemata‑ya mai kaka, mai yorotokana,

Koroso 1:13

Satanasi tabaro‑ya yama soki nafiteni. Hibati‑ya Satanasi ai‑ka hidi tohemari, Deoso ene ai‑ka hidi tohamare, Deoso Bidi amosabote ai‑ka Hidi tohawahene.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.