Roka 3:11 - Deoso-ka Yama Hani

¹¹ “Tika bora fama toha, ai owa bora‑ya kihare, hika bora ohare‑bone daatiyahi. Tiwa tefe toha, kote daatiyahi, mai tafe wadara mai‑ya.” Yowaho ati nematane.

Roka 3:11 ပူးပေါင်းရင်းမြစ်များ

Mateo 25:40

Hidi webote mai‑ya hiyarebona, ‘Owati amosa dai mitahi. Oka mai one dai kasoma, owa‑ya dai kasomaharemaroni.’ Ati nebonane.

Roka 11:41

Dai atibodi amosawamahi. Dai atibodi ati ene mai‑ka yama kaba‑ba dai daaniya, yama sibareni. Dai‑ka yama wiye nafi amosa‑nima dai teboneni.” Yeso ati nematane.

Roka 18:22

Ati‑ya Yeso mite, ati yanane, “Tika yama ohare hasinineni. Tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nematane.

Roka 19:8

Sakeo waa kanibote ne, Yeso‑ya hiyare, “Ayo, owati timitahi. Mai‑ka yama wadara mai‑ya oka yama beheri daa·onaboneni. Mai‑ka yama one obotemaro, mai‑ka yama 4 kanabone daa·onamatasaboneni.” Sakeo ati nematane.

Yowaho 13:29

Yoda oda‑ka yinero‑ya da‑dama ene oda one atibodi yama‑ya dika, “Oda mariniba‑ka yamata‑ya kanikeba awane. Yamata mai kihara mai‑ka yinero‑bona‑ya daaneba awane.” Oda one atibodi ati namaroni.

Yeso‑ka yo‑yose mai tamine 10:2

Deoso ati‑ya i‑di Koneriyo hika mai eyehe nofe, Deoso‑ya hiyaratene. Yama‑ya mai kihara mai‑ka yama‑bone‑ya daatene.

Yeso‑ka yo‑yose mai tamine 10:31

‘Koneriyo, tiwati‑ya Deoso mite, tiwa yehe honene daatina‑ya awane.

Yeso‑ka yo‑yose mai tamine 10:4

Deoso‑ka yo‑yose‑ya awe, habo siitone, “Ayo, hini yamata‑ya tiwati koboniti?” Koneriyo ati ne. “Deoso tiwati‑ya mite, tiwa yehe honene mai‑ya daatina, tiwa‑ya awatene, tiwa‑ya nofe, ati somane.

Efesiyo 4:28

Yama‑ya dai one botemete, yama‑ya mai botimariyahi. Hiniya yama‑ya mai aninawaha, mai one yama‑ya kihara‑ya mai kasomabisaboneni.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Tiyako 2:14

Soho, Deoso ati‑ya mai ati nofa, ati mai hikadabare, mai‑ya kasomarebonane. Ati mai hikadabare, mai ati‑ya Deoso nofabana? Mai ati‑ya nofarebonane.

Yowaho daidi 3:17

Tika yamata dama toha, ai one‑ka yamata awira, hika yamata‑ba daatiyahi. Yamata daatira‑mani, tiwa‑ya Deoso nofe‑ya mai awaraboneni.

Yowaho daidi 4:20

Deoso‑ya nofe‑mona ati ne, mai one‑ya nofare, keyehe‑ya hirine. Mai one ai nofara, Deoso ai nofahariterani. Mai ai awabisa, Deoso ai awaterani. Mai ai nofara, Deoso ai nofaterani.