Roka 2:9 - Deoso-ka Yama Hani

⁹ Mai nahokosiya, Deoso‑ka yo‑yose mai noki‑ya fodoki, Deoso wehene sawi ene mai naho‑kaya yama tehewama, mai habi siitonameteni.

Roka 2:9 ပူးပေါင်းရင်းမြစ်များ

Mateo 1:20

I‑di Yose amone, Deoso‑ka yo‑yose wadarine‑ya awe, ati‑ya mite, “Yose, i‑di Dafi‑ka nodi amatini. Owati timitahi. I‑di Mariya dai famiyahi. Sibaraboneni. Deoso‑ka Doni ati ene Mariya naba toha, maki ene tohi awirane.

Roka 1:28

I‑di Mariya‑ya Kabireo kobone, fai‑ya hiyare, “Ya‑yaitinahi. Deoso tiwa‑ya nofe, tiwa‑ya kasomane.” Ati nematane.

Roka 2:8

Bere yakari‑ya yobe awire‑kaya kaneiro mai‑ya mai na‑nawada mai sawe, yama soki‑ya mai nahokosameteni.

Roka 24:4

Mai atibodi yama‑ya kadikiya, mai yowi‑ya maki mai fama fodoke, mai demena, mai‑ka bora wahi kitameteni.

Yowaho 12:41

Hibati‑ya Yeso amosabote‑ya Isa·iya awe, Yeso tamine‑ya kanahanomatamonane.

Yeso‑ka yo‑yose mai tamine 12:7

Kadeya dori‑ya i‑di Bedoro amoneya, Deoso‑ka yo‑yose kobone ene kadeya dori‑ya yama wahi kita, Deoso‑ka yo‑yose Bedoro fowari‑ya wai, fai‑ya mowakanebona, fai‑ya boyone, “Bedoro, waamisa kanibote tinahi.” Deoso‑ka yo‑yose ati ne. Bedoro waamise, koheti hini‑ya kasoneni.

Yeso‑ka yo‑yose mai tamine 27:23

Yama soki‑ya Deoso‑ka yo‑yose owa fowari‑kaya waane, fare Deoso‑ka ama·oni. Deoso okahiyarateni.

Yeso‑ka yo‑yose mai tamine 5:19

Yama soki‑ya Deoso‑ka yo‑yose tokomaki, kadeya nokobiri‑ya seekane, Yeso‑ka yo‑yose mai fidotona,

Korito yoto‑ke 3:18

Isibiyo noki bisa tohaya, ai‑ya ai awa, ai awi re‑refona, noki ai namosiya, ai‑ya ai awi amosateni. Kirisito‑ka ai toha, Kirisito‑ka isibiyo‑nima ai na, ai‑ya mai awa, Yeso‑ya mai awaboneni. Ai ene amosi bi‑bidi na, Kirisito‑ya mai awi re‑refona, Deoso‑ka Doni ene ai ene amosi ba‑basi niya, Kirisito‑ya mai awi amosawahaboneni.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 12:21

Yama awi yofina ihi Mose ati yanane, “Ka! Yama yofina, owa habo siitona, wawawa·okanani.” Mose ati nematane.

Yeso Kirisito ene‑bona 18:1

Yama one hawa tohiya, Deoso‑ka yo‑yose owa neme‑ya kise oawani. Deoso‑ka yo‑yose kiti nafi, amosi nafine. Hini wehene ene bofe‑ya yama tehewahani.

Yeso Kirisito ene‑bona 20:11

Hidi Webote‑ka kadera sa‑sawana‑ya hidi itari oawani. Bofe toha, neme toha na, hidi‑ya mai nayofina, mai fawanani.