Roka 2:13 - Deoso-ka Yama Hani

¹³ Deoso‑ka yo‑yose wai‑ya Deoso‑ka yo‑yose mai one dama fodomake, Deoso‑ya mai kahiyara,

Roka 2:13 ပူးပေါင်းရင်းမြစ်များ

Roka 15:10

Owati dai mitahi. Deoso ati‑ya ai owa nofaremari, Deoso ati‑ya nofawaheya, Deoso‑ka yo‑yose mai sawi‑kaya mai ya‑yaiteni.” Yeso ati nematane.

Roka 2:12

Owati dai nofabone, dai awebona tamine okaminebonane. Ewe dai wasiya, bora ibe‑ya mai kinihikane, bani mai tafe wiye‑ya forine.” Deoso‑ka yo‑yose ati nematane.

Roka 2:14

“Deoso neme‑ya wine, Deoso amosabote amane. Bofe‑ya dai wi‑wina, Deoso dai‑ya nofe, dai ya‑yainahi.” Mai ati nameteni.

Efesiyo 3:10

Kirisito‑ka ai hinama toha ai‑ya Deoso‑ka yo‑yose mai awa, madi ai‑ya mai awa, mai na, yama nafi‑ya Deoso wato, yama ati kobohina amosabote toha‑ya mai awawahaboneni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Yeso Kirisito ene‑bona 5:11

Owa noko toka, Deoso‑ka yo‑yose mai dama mai oawa, mai ati omitani. Hidi‑ka kadera kawari‑kaya Deoso‑ka bara mai 4 kana mai sawi, hidi bi‑bidi mai na mai sawi, mai yowi‑kaya Deoso‑ka yo‑yose mai kakabasawama, mai dama, mai ihi mai kadiki ai watorani.