Roka 2:11 - Deoso-ka Yama Hani

¹¹ Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Roka 2:11 ပူးပေါင်းရင်းမြစ်များ

Mateo 1:16

Yako bidi i‑di Yose tohe, Yose fadi‑bone i‑di Mariya tohameteni. Mariya bidi i‑di Yeso, Deoso‑ka Ka‑kadika amane, mai ati nineni.

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Mateo 16:16

“Deoso‑ka Ka‑kadika amatini. Deoso yokana Bidi amatini.” Simaho Bedoro ati nemarine.

Mateo 16:20

Deoso‑ka Ka‑kadika ama·oni. Hiniya owa tamine dai hiyarariyahi.” Yeso ati nemarine.

Roka 1:43

Amosabote ama·ora, oka Hidi webote madi owa tabaro‑ya kobona, ya‑yai·oneni.

Roka 1:69

Deoso ati ene Dafi‑ka nodi kobone, kitabotebona, ai‑ya kasomebonane.

Roka 2:26

Hibati‑ya Deoso‑ka Doni ati‑ya Simiyaho mite, “Simiyaho, ti·abi awisa tiriya, Deoso‑ka Ka‑kadika tiwebonane.” Deoso‑ka Doni ati nematane.

Roka 2:4

Nasare Karireya‑ya Yose fadi‑bone eyehe yanane, Bere Yodeya‑ya tokematane, mai oni‑ya sodado mai kanahanabonehe. Bere‑ya Yose‑ka idi i‑di Dafi tabaro tohematane. Mariya‑ya i‑di Yose famanasa reya, Mariya naba tohameteni.

Yowaho 1:41

Makobote i‑di Anidere anidi‑ya toke, “Deoso‑ka Ka‑kadika oda awani.” I‑di Anidere ati nemarine. (Kereko mai ati‑ya Deoso‑ka Ka‑kadika i‑di Kirisito amane.)

Yowaho 1:45

I‑di Natanaeo‑ya Firibi toke, fai‑ya hiyare, “Natanaeo, owati timitahi. Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, ai owa kobonebona yama hani ati na, fare Yeso Nasare‑ke amane. I‑di Yose bidi amane. Yeso oda kobonawahene.” Firibi ati nemarine.

Yowaho 11:27

“Hehe, Deoso‑ka Ka‑kadika amatini. Deoso Bidi bofe‑ya kakibona, yama hani ati na, fara amatini.” Maata ati namaroni.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 4:25

“Deoso‑ka Ka‑kadika kakibona, oni owa Kirisito tohe, koboneya, yama nafi tamine‑ya kaminebonane.” Fana ati na,

Yowaho 4:42

Fana‑ya mai hiyara, “Yeso tamine tikamina, tiwati oda nofaroni. Hibayata‑ka Yeso ati oda mitawaha, Yeso ati oda nofa, ati oda tokadabawahane. Bofe‑ya mai wi‑wina mai nafi‑ya kasomebona oda watowahane.” Mai ati namaroni.

Yowaho 6:69

Deoso‑ka yokana amatini. Tiwati oda nofini.” Simaho Bedoro ati nemarine.

Yowaho 7:41

“Kirisito amane.” Mai one ati nihi, “Kirisito Karireya‑ya yanareba awane.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 13:23

Dafi‑ka nodi i‑di Yeso tohe, Deoso ati ene ai nafi manakone‑ya Yeso nanahabane. Hibati‑ya Deoso ati yananemata ati‑nima yama nawahani.

Yeso‑ka yo‑yose mai tamine 17:3

“‘Kirisito mai bisihineya, mai hinahabeya, kitamebonane.’ Deoso‑ka yama hani ati nineni. Yeso ai‑ka Kirisito tohe, Yeso tamine‑ya dai‑ya ohiyarateni.” Ati ne.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 5:31

Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Korito daidi 15:47

I‑di Adaho bofe‑ke atabo‑ya Deoso wamahine, Adaho owa i‑di Yeso Kirisito neme‑ke amane.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Koroso 2:6

“Yeso Kirisito ai‑ka Hidi amane. Ati ai tokadabebonane.” Dai ati namaro, dai ati‑nima dai nahi.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.