Roka 17:6 - Deoso-ka Yama Hani

⁶ “Deoso ati‑ya dai nofi i‑isi niya, dai ene kitaboneni. Awa tiawahi. ‘Awa boretikaniya, faha bai‑ya tikamahi.’ Dai ati niya, awa‑ya Deoso borekaneya, faha bai‑ya awa‑ya Deoso kamawahebonane.

Roka 17:6 ပူးပေါင်းရင်းမြစ်များ

Mateo 14:29

“Hehe, tikihi.” Yeso ati nemarine. Bedoro waamise, faha baki‑ya yakanemarine, Yeso‑ya kobonebonaha.

Mateo 17:20

“Owati dai nofi nafira ihi madi towe kanarene. Owati amosa dai mitahi. Deoso ati‑ya dai nofi i‑isi niya, dai ene kitaboneni. Adami webote‑ya dai hiyariya, dai ati‑nima adami nawahaboneni.

Mateo 21:21

Yeso oda‑ya hiyare, “Owati amosa dai mitahi. ‘Deoso kitatene.’ Dai atibodi ati nahi, ‘Deoso kiteba awane.’ Dai atibodi ati riyahi, Deoso ati dai nofabisiya, owa ene kitabote‑nima dai ene naboneni. ‘Adami webote, tibokahi.’ Dai ati niya, dai ati ene adami webote bokaboneni.

Maroko 4:31

Fara mositada noki‑nima tene. Mositada noki i‑isi teni.

Maroko 9:23

Yeso ati yanane, “Owa kiti nafiramone tiwatibodi ati riyahi. Owati tinofiya, yama tinofa‑nima yama naboneni.” Yeso ati nemarine.

Roka 13:19

Maki hika fadara‑ya mositada noki‑ya korotona, mositada yana, tonafe, webote tohawaha, bani mai kake, mositada ini‑ya mai bori‑ya mai wamaneni.” Yeso ati nematane.

Roka 17:7

Dai‑ka yo‑yose fadara‑ya anine, kaneiro mai‑ya nawada ne, kameya, ‘Titafi bahi, owa tafi yotaboneni.’ Dai ati terani.

Roka 19:4

Hawi‑ya awa wai‑ya awe, kanani dai towame, awa‑ya tokomisematane, Yeso‑ya awebonaha.

Roka 7:13

Yetene madi ohina‑ya Yeso awe, atibodi komahari, ati yanane, “Ohitiriyahi.” Ati nematane.

Roka 7:19

Hika mai da‑daba mai fama mai‑ya yose, Yeso ati‑ya mai mitabone, “‘Deoso‑ka kakibona mai ati namete fara amatiraniha? Fara tihi awiriya, Deoso‑ka yokana oda nimanaboneni.’ Dai ati niyahi.” Yowaho ati nematane.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.