Roka 16:9 - Deoso-ka Yama Hani

⁹ Owati dai mitahi. Yinero dai kiha mai one‑ya dai kasomiyahi. Mai‑ya dai kasomiya, dai abiya, Deoso tabaro‑ya dai‑ya mai towakamaboneni.

Roka 16:9 ပူးပေါင်းရင်းမြစ်များ

Mateo 19:21

“Tiwa ene amosa hinama tohabone tina, tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

Mateo 6:19

“Bofe‑ya yama dama dai nokotoniriyahi. Dai‑ka yama one‑ya yama aboni kaba, one fehoso hikaba, one mai hiboti hiteboneni.

Mateo 6:24

Dai‑ka hidi mai fama, hidi owa ati dai tokadababisa, hidi owa ati dai tokadabaraboneni. Hidi owa dai nokotoniya, hidi owa dai kakaboneni. Deoso ati dai nofabisiya, yinero dai nokotoniraboneni.” Yeso ati nemarine.

Roka 11:41

Dai atibodi amosawamahi. Dai atibodi ati ene mai‑ka yama kaba‑ba dai daaniya, yama sibareni. Dai‑ka yama wiye nafi amosa‑nima dai teboneni.” Yeso ati nematane.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 14:14

Haa‑nima tiwa ene niya, ya‑yaitinaboneni. Tiwa‑ya mai haanami awiraboneni. Yama faina‑bone‑ya mai ihi amosa mai kitamiya, mai‑ya tisawebone, tiwa ene manakone‑ya Deoso daanebonane.” Yeso ati nematane.

Roka 16:11

Dai‑ka yinero tohe, dai one mai‑ya dai kasomara, neme‑ka yama‑ya Deoso dai‑ya daaterebonane. Neme‑ka yama manakone nafibisani.

Roka 16:13

Dai‑ka hidi mai fama, hidi owa ati dai tokadababisa, hidi owa ati dai tokadabaraboneni. Hidi owa dai nokotoniya, hidi owa dai kakaboneni. Deoso ati dai nofabisiya, yinero dai nokotoniraboneni.” Yeso ati nematane.

Roka 16:4

‘Hehe, yama owatowahani. Mai‑ya okasomabone, hidi‑ka yinero onawadamariya, owa‑ya mai himanaboneni, mai tabori‑ya otafawahabonehe.’ Ati nane.

Yeso‑ka yo‑yose mai tamine 10:31

‘Koneriyo, tiwati‑ya Deoso mite, tiwa yehe honene daatina‑ya awane.

Yeso‑ka yo‑yose mai tamine 10:4

Deoso‑ka yo‑yose‑ya awe, habo siitone, “Ayo, hini yamata‑ya tiwati koboniti?” Koneriyo ati ne. “Deoso tiwati‑ya mite, tiwa yehe honene mai‑ya daatina, tiwa‑ya awatene, tiwa‑ya nofe, ati somane.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Yoda‑ka yama hani 1:21

Deoso dai‑ya nofe, ati dai tokadabahi. Ati dai tokadabeya, dai‑ya kasomebonane. Makobote Deoso tabaro‑ya Yeso Kirisito ai‑ka Hidi dai‑ya towakamebona, dai abamateraboneni.