Roka 16:3 - Deoso-ka Yama Hani

³ Yinero‑ya na‑nawada hini‑ya hiyare, ‘Oka hidi‑ka yinero onawadamarabone ati ne, hini yamata‑nima onaba? Owa yehe kitara, yama anini kita‑ya owati nofarihi, yinero honita haani onofarihi oneni.’ Ati nane.

Roka 16:3 ပူးပေါင်းရင်းမြစ်များ

Mateo 20:8

6 ora‑ya ofa hidi, hika yo‑yose‑ya hiyare, ‘Yama‑ya mai anina mai haatinahi. 5 ora‑ya mai kamake, mai‑ka yama manakone daatini bahiya, mai bosana mai‑ka yama manakone daatini yotohi.’ Ofa hidi ati nane.

Maroko 10:46

Sidadi oni Yeriko‑ya mai kobona, Yeriko‑ya mai fiyakanabone, Yeso hika mai da‑daba mai toha, mai one dama mai toha na, Yeriko‑ya mai fiyakani yanatoniya, maki ati yananemarine. Maki noko towe tohe, oni Batimeo tohe, badi oni Timeo toha nemarine. Batimeo hiniya mai‑ka yinero‑ya haane, hawi fowari‑ya itemarine.

Roka 12:17

Atibodi yama‑ya kadike, ‘Oka yamata wa‑wada‑ke oka yobe kibane.

Roka 16:2

Fai‑ka yinero‑ya na‑nawada‑ya haane, ‘Oka yinero nawadi tina amosara, oka yinero tinawadamateraboneni. Yinero hano tiwawamiya, yinero hano owa‑ya daanama kanibote tinahi.’ Ati nane.

Roka 16:20

Hika yobe nokobiri‑kaya ai owa kafori, oni Rasaro tohane. Rasaro‑ka yinero wadare, mese nafi towe tohe, ido‑ya siitonimatane.

Roka 16:22

Makobote i‑di Rasaro abe, Deoso‑ka yo‑yose mai hiwakamane. Abaraho korimari sawi‑kaya Rasaro korimari sawiwahane. Maki yinero dame‑ya kihemata, abamaki, mai hikamane.

Roka 16:4

‘Hehe, yama owatowahani. Mai‑ya okasomabone, hidi‑ka yinero onawadamariya, owa‑ya mai himanaboneni, mai tabori‑ya otafawahabonehe.’ Ati nane.

Roka 18:4

Mai ihi‑ya ka‑kadika fana ati‑ya nofare, makobote fana kaki dama ihi hini‑ya hiyare, ‘Deoso onayofinara, ai owa ati onofaterani.

Yowaho 9:8

Maki‑ya hika mai awa, “Yama‑ya haanemari, fare amanaraniha?” Mai ati nameteni.

Yeso‑ka yo‑yose mai tamine 3:2

Deoso‑ka yobe nokobiri amose yakari‑ya maki awa‑ya damakani mai hikame, mahi‑nima yobe nokobiri‑ya mai hina·itaritene. Madi dori‑ya hi‑hiyanemata, yakatere. Deoso‑ka yobe‑ya mai tokiyoma, mai‑ya haatene, yinero‑ya kayafebonaha.

Yeso‑ka yo‑yose mai tamine 9:6

Saoro wawawakane, “Hini yamata‑nima ona‑ba ama·oniti?” Saoro ati ne, “Tiwaamisamiya, Damaso‑kaya tikahi. Tiwa‑ya mai hiyariya, yama tiwatowahaboneni.” Yeso ati nemonane.

Tesaronika yoto‑ke 3:11

Dai tamine oda mita, dai one refo toha, yama‑ya mai anini awira, hiniya mai one tabori‑ya mai toka, mai one tamine‑mone‑ya mai hiyaramoneni.