Roka 16:2 - Deoso-ka Yama Hani

² Fai‑ka yinero‑ya na‑nawada‑ya haane, ‘Oka yinero nawadi tina amosara, oka yinero tinawadamateraboneni. Yinero hano tiwawamiya, yinero hano owa‑ya daanama kanibote tinahi.’ Ati nane.

Roka 16:2 ပူးပေါင်းရင်းမြစ်များ

Mateo 12:36

Ai nafi ene‑ya Deoso kadikeya, ai ati towe manakone‑ya daanebonane.

Mateo 20:8

6 ora‑ya ofa hidi, hika yo‑yose‑ya hiyare, ‘Yama‑ya mai anina mai haatinahi. 5 ora‑ya mai kamake, mai‑ka yama manakone daatini bahiya, mai bosana mai‑ka yama manakone daatini yotohi.’ Ofa hidi ati nane.

Roka 12:20

‘Yama‑ya tiwato awirini. Hibayata ti·ababone, tika yamata‑ya mai one kayafawahaboneni.’ Deoso ati nemarine.

Roka 12:42

“Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.

Roka 16:1

Yeso hika mai da‑daba mai‑ya kanawatobona mai‑ya hiyare, “Maki yinero dame‑ya kihe, ati ene hika yinero maki owa hinawadane. Makobote mai one kamake, fai‑ya mai hiyara, ‘Tika yinero‑ya na‑nawada tika yinero‑ya nawadi amosarene.’ Mai ati nineni.

Roka 16:3

Yinero‑ya na‑nawada hini‑ya hiyare, ‘Oka hidi‑ka yinero onawadamarabone ati ne, hini yamata‑nima onaba? Owa yehe kitara, yama anini kita‑ya owati nofarihi, yinero honita haani onofarihi oneni.’ Ati nane.

Homa 14:12

Ai nafi ai ene‑ya ai kaminaboneni, Deoso‑ya.

Korito daidi 1:11

Dai tamine‑ya i‑di Korowe‑ka owa‑ya mai kamina, dai ibi weenamone mai ati naroni.

Korito daidi 4:2

Ai owa‑ka yo‑yose ai toha, ai‑ka hidi ati‑nima ai teni.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti daidi 5:24

Ai owa ene amosare‑ya ai awa, mai ai weena, mai ihi amosawahabonehe. Ai owa ene amosare‑ya ai awara, ai teni. Mai ai weera, Deoso‑ta mai ihi‑ya awe, mai manakone‑ya daanebonane.

Bedoro daidi 4:10

Mai one‑ya dai kasomabone, yama wa‑wato Deoso dai‑ya daatene. Deoso dai‑ya kasomi‑nima dai one‑ya dai kasomaharihi.

Bedoro daidi 4:5

Mai ihi‑ya Yeso kadikebonane, mai manakone‑ya daanebonaha. Mai one hasina toha, mai one aba toha na, mai tamine‑ya mai kaminabone, mai ihi‑nima mai manakone‑ya Yeso daanebonane.

Yeso Kirisito ene‑bona 20:12

Faha webote‑ya mai abamete mai kitama mai toha; mai tame‑ka mai kitama mai toha, mai na; mai korimari wiye‑ya mai toha, mai nafi kitama, webote mai toha, webote mai tohi awira mai toha, mai na, mai oawani. Hidi Webote‑ka kadera kawi‑ya mai nahani. Deoso‑ka yama hani dama‑ya hika yo‑yose mai seena, makobote yama hani kare‑ya seekanamaki, fara ai abarabone‑ka yama hani amani. Mai ihi‑nima mai ihi manakone‑ya haanene. Fara yama hani dama‑ya mai ihi tamine sawi nani. Hini mai ihi‑nima yama na‑ya daanene.