Roka 15:2 - Deoso-ka Yama Hani

² Fariseo mai toha, Mose‑ka yama hani ati‑ya mai ka‑kamina mai toha, mai na, mai yawa, “Mai ihi amosara mai toha na mai‑ya Yeso sawi, mai eyehe tafane. Yeso towe amane.” Mai ati nameteni.

Roka 15:2 ပူးပေါင်းရင်းမြစ်များ

Mateo 11:19

Dai‑ka Ayo neme‑ke tafi ba‑basi ne, fino‑ya fawane, ‘Yeso towe amane. Tafi nafi, fino‑ya fawa, kofeno‑ka yinero‑bona‑ya mai ha‑haa mai toha, mai ihi amosara mai toha, mai na, mai‑ya Yeso nofatene.’ Dai ati teni. Yama‑ya mai wa‑wato mai ihi ai awa, mai ai watoteni.” Yeso ati nemarine.

Mateo 9:11

Yeso ene‑ya fariseo mai awa, Yeso‑ya mai da‑daba mai‑ya mai hiyara, “Hini yamata‑bone towe mai eyehe Yeso tafati? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Fariseo mai ati namaroni.

Roka 15:3

Mai ati‑ya Yeso mite, mai‑ya kanawatobona mai‑ya hiyare,

Roka 19:7

Sakeo‑ka yobe‑ya Yeso tokebona‑ya mai awa, Yeso‑ya mai weena, “Ati kasiro‑ka yobe‑ya Yeso tokiyomebanane.” Mai ati nameteni.

Roka 5:30

Fariseo mai one Mose‑ka yama hani ati‑ya mai ka‑kamina mai toha Yeso‑ya mai da‑daba mai‑ya mai weena, “Hini yamata‑bone towe mai eyehe dai tafiti? Kofeno‑ka yinero‑bona‑ya mai ha‑haa mai eyehe oda tafarihi, mai ihi amosara mai eyehe oda tafarihi, oda teni.” Mai ati nameteni.

Roka 7:34

Dai‑ka Ayo neme‑ke tafi ba‑basi ne, fino‑ya fawane, ‘Yeso towe amane, tafi nafi, fino‑ya fawa, kofeno‑ka yinero‑bona‑ya mai ha‑haa mai toha, mai ihi amosara mai toha, mai na, mai‑ya Yeso nofatene.’ Dai ati teni.

Roka 7:39

Fariseo fana ihi‑ya awe, yawe, “Yeso‑ya fana boyona, fana towe amani. Yeso i‑di Deoso ati‑ya mi‑mita tohe‑mana, fana tamine‑ya wato nane.” Atibodi ati nematane.

Yeso‑ka yo‑yose mai tamine 11:3

“Bedoro, mai sowiri tati ataro‑ya mai wisinakosi awiriya mai tabori‑ya ai tafaterani. Tiwa‑ta mai tabori‑ya titafani. Tiwa ene towe tohani.” Mai ati namoneni.

Karatiya 2:12

Atioki‑ya Bedoro koboni bahe, sibaremarine. Bara, Yeso ati‑ya mai no‑nofa mai eyehe i‑di Bedoro tafemarine. Yodeo mai‑nima mai ni awira, mai sowiri tati atori abi awira. Mai eyehe i‑di Bedoro tafemarine. Makobote i‑di Tiyako tabori‑ka Yodeo mai kamake, mai kobona, mai ati yanana, “Yeso ati‑ya mai nofabone, mai sowiri tati atori abahi.” Mai ati namaroni. Mai ati‑ya i‑di Bedoro mite, habo siitone, Bara mai eyehe tafami awiremarine.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.