Roka 12:4 - Deoso-ka Yama Hani

⁴ Dai‑ya mai ati naboha mai‑ya dai nayofinariyahi. Dai‑ya mai nanahabiya, dai‑ya mai kobonamateraboneni.

Roka 12:4 ပူးပေါင်းရင်းမြစ်များ

Mateo 10:28

Dai‑ya mai ati naboha, mai‑ya dai nayofinariyahi. Dai atibodi‑ya mai nanahabaterani. Deoso dai nayofinabisahi. Deoso‑ya mai nofara, mai aboni, mai atibodi na‑ya yama hirini‑kaya Deoso weretowitibonane.

Yowaho 15:13

Maki hika no‑nofa mai abarabone ababiseya, hika no‑nofa mai‑ya nofi nafine, mai one mai‑ya mai nofi bi‑bidi nibisineni.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Firibo 1:28

Dai‑ya mai kaka, dai habo siitoriyahi. Dai habo kitiya, dai sibaraboneni. Deoso‑ka dai toha, dai‑ya kasome‑ya mai watowahaboneni. Towebisa mai amani. Deoso ene mai abawahabone, hini mai‑ya mai watowahaboneni.

Tiyako 2:23

Deoso‑ka yama hani ati‑nima yama na, i‑di Abaraho Deoso ati‑ya nofe ene i‑di Abaraho‑ya Deoso hiyare, “Abaraho, tiwa ene amosini.” Ati ne. “Deoso‑ka no‑nofa i‑di Abaraho amane.” Mai ati nameteni.

Bedoro daidi 3:14

Dai ene amosa, dai‑ya mai bisina, dai yawarihi, dai habo siitorihi na, Deoso dai‑ya kasomebonane.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.