Roka 11:9 - Deoso-ka Yama Hani

⁹ “Owati dai mitamakihi. Deoso‑ya yama dai haanahi, yama‑ya daanebonane. Deoso dai sibaniya, dai wasibonane. Deoso sawi‑kaya dai ati tokiya, nokobi‑ya dai haaniya, nokobi‑ya seekanebonane.

Roka 11:9 ပူးပေါင်းရင်းမြစ်များ

Mateo 21:22

Deoso ati dai nofiya, Deoso dai haaniya, dai ati‑nima yama naboneni.” Yeso ati nemarine.

Mateo 21:31

Ebeni‑ke badi ati‑ya tokadababisati?” Yeso ati ne, “Bidi daidi badi ati‑ya tokadababisane.” Mai ati namaroni. “Owati amosa dai mitahi. Kofeno‑ka yinero‑bona‑ya mai ha‑haa mai toha, fana towe mai toha na, Neme‑ke ai nafi‑ka hidi kitabote tohawahe‑ya mai sawebone, dai‑ta dai sawiraboneni.

Mateo 6:29

I‑di Saromaho‑ka bora amosa damamete, awa mowe amosabisa, Saromaho‑ka bora amosi bi‑bidi nametemoneni.

Maroko 11:24

Deoso‑ya dai haaniya, ‘Yama haa·ona‑ya Deoso daanebonane.’ Dai atibodi ati nahi. Haa‑nima dai atibodi ati niya, hini dai ati‑nima yama naboneni.

Maroko 13:37

Dai fa‑famaraba na dai sawe, dai‑ya ohiyara, mai nafi‑ya ohiyarahari neni. Dai noko wadahi!” Yeso ati nematane.

Roka 11:10

Yama‑ya mai haana mai‑ka yama‑bone mai‑ya koboteni. Yama‑ya mai sibana, yama‑ya mai wasiteni. Nokobi‑ya mai haana, nokobi‑ya mai seekiteni.

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito yoto‑ke 6:2

“Mai ati miti onofa, owa‑ya mai haana, mai ati omita, mai okasoma, owa tabaro‑ya mai winamakeboneni.” Deoso‑ka yama hani ati nineni. Hibayata dai ati‑ya Deoso miti nofe, dai haaniya, dai‑ya ati somawamebona, Deoso tabaro‑ya dai winamakeboneni.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 4:16

Deoso‑ya ai hiyarabone, ai habo siitoriyahi. Ai ya‑yainibisahi. Deoso ai hiyariya, ati somawamebonane, ai‑ya kasomebonane.

Tiyako 1:5

Yama dai watora, Deoso dai hiyariya, Deoso ati ene yama dai watowahaboneni. Deoso‑ya yama wa‑wato dai haaniya, Deoso yawaterebona, yama‑ya daanebonane.

Tiyako 5:15

Deoso‑ya mai hiyariya, mai ati‑ya Deoso nofebona mai atibodi ati na, Deoso dai‑ya nakitamebonane. Dai ene amosaramaro, Deoso dai‑ya ati somawamebonane.

Yowaho daidi 3:22

Deoso‑ya ai hiyara, ai ati‑ya mitatene. Deoso ati ai tokadaba, yama hinofa‑nima yama na ai haana, yama‑ya daatene.

Yeso Kirisito ene‑bona 2:24

Tiyatira‑ya dai wi‑wina dai one ati amosara, mai ati‑ya dai tokadabara, Satanasi ene‑nima dai ene ni awira, dai sibarineni.