Roka 11:41 - Deoso-ka Yama Hani

⁴¹ Dai atibodi amosawamahi. Dai atibodi ati ene mai‑ka yama kaba‑ba dai daaniya, yama sibareni. Dai‑ka yama wiye nafi amosa‑nima dai teboneni.” Yeso ati nematane.

Roka 11:41 ပူးပေါင်းရင်းမြစ်များ

Mateo 26:11

Yamata mai kihara dai‑ya mai sawiteni. Dai‑ya mai sawe, mai sawi fawateraboneni. Owa‑ta owa sawi yaboraboneni.

Mateo 5:42

‘Oka yama‑ba daatiniya, yama one‑ya tika yama‑ba daa·onamatasaboneni.’ Ati neya, hika yama‑ba dai daanahi. ‘Oka yama honita‑ba daatinahi.’ Ati neya, hika yama‑ba dai daanaharihi.” Yeso ati nemarine.

Maroko 7:19

Ai tefe nafi sibara tamine‑ya Yeso hiyare, “Ai atibodi‑ya ai tefe tokaterani. Ai tafiya, ai nabadi‑ya tokabisa, makobote ai miiniya, abateni.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 16:9

Owati dai mitahi. Yinero dai kiha mai one‑ya dai kasomiyahi. Mai‑ya dai kasomiya, dai abiya, Deoso tabaro‑ya dai‑ya mai towakamaboneni.

Roka 18:22

Ati‑ya Yeso mite, ati yanane, “Tika yama ohare hasinineni. Tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nematane.

Roka 19:8

Sakeo waa kanibote ne, Yeso‑ya hiyare, “Ayo, owati timitahi. Mai‑ka yama wadara mai‑ya oka yama beheri daa·onaboneni. Mai‑ka yama one obotemaro, mai‑ka yama 4 kanabone daa·onamatasaboneni.” Sakeo ati nematane.

Yeso‑ka yo‑yose mai tamine 10:15

Neme‑ya ati kakitase, “Yama kababone Deoso hina, kabi towe amani dai ati riyahi,” Ati nemonane.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 24:17

Wana mai ati dami‑ya yama yaki‑ya owinamaro, hibayata okoma, oka mai dami‑ka yinero‑bona owakama, Deoso‑ka yama‑bone daa·onabone onani.

Korito yoto‑ke 8:12

Ai nafi‑ya Deoso wato, yama ai kiha‑ya wato, ai owa yama dama‑ya kihe‑ya wato, ai owa yama damara‑ya kihe‑ya wato nane. Yama daani‑ya ai atibodi nofa, yama bide‑ta ai kiha, kote ai daana, ai atibodi‑ya awe, ya‑yaitene. Yama dama ai kiha, kote ai atibodi daani nofara, mai one ati ihi yama ai daanibisa, ai atibodi‑ya awe, ya‑yaiterene. Yama ai daana‑ya Deoso nokotoni awire, ai atibodi‑ya nokotonibisa tene.

Efesiyo 4:28

Yama‑ya dai one botemete, yama‑ya mai botimariyahi. Hiniya yama‑ya mai aninawaha, mai one yama‑ya kihara‑ya mai kasomabisaboneni.

Tito 1:15

Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.