Roka 10:7 - Deoso-ka Yama Hani

⁷ Mai tabori‑ya dai koboniya, Yobe ohari‑ya dai wina, dai dayoriyahi. Dai tefe‑bone‑ya mai daaniya, dai tafiyahi. Hini mai daahini‑ya dai fawiyahi. Mai‑ka yama ai anina, ai‑ka yama manakone‑ya mai daateni.

Roka 10:7 ပူးပေါင်းရင်းမြစ်များ

Maroko 6:10

Mai tabori‑ya dai koboniya, yobe ohari‑ya dai winiyahi. Aka‑ya dai toki awisari‑ya yobe owa‑ya dai winariyahi.

Roka 10:6

Yobe hidi ati someya, yobe‑ya mai sawe mai‑ya Deoso kasomebonane. Yobe hidi ati amosareya, mai sawe mai‑ya Deoso kasomarebonane.

Roka 9:4

Mai tabori‑ya dai koboniya, yobe ohari‑ya dai winiyahi. Aka‑ya dai toki awisari‑ya yobe owa‑ya dai winariyahi.

Yeso‑ka yo‑yose mai tamine 16:15

Ridiya hika mai eyehe habanisa, oda‑ya hiyara, “Yeso ati onofamone dai ati na, oka yobe‑ya dai winawahi.” Ati na. Hika yobe‑ya oda winawahamaroni.

Yeso‑ka yo‑yose mai tamine 16:34

I‑di Baoro, i‑di Sira mai fama mai‑ya towakame, hika yobe‑ya mai‑ya natafane. Kadeya hidi, hika mai eyehe Deoso ati‑ya mai nofa, mai ya‑yainineni.

Yeso‑ka yo‑yose mai tamine 16:40

Ridiya‑ka yobe‑ya i‑di Baoro mai towakama, Yeso ati‑ya mai no‑nofa mai yorotokana, mai‑ya i‑di Baoro hiyare, mai ya‑yaina, hiyari hawa tohe, i‑di Sira mai fama mai towakamamaroni.

Karatiya 6:6

Deoso Ati Amosabote‑ya dai‑ya mai kanawata, yama dai kiha‑ya mai‑ya dai kasomahi.

Timoti daidi 5:13

Deoso‑ka yinero kote‑ya mai tikasomiya, yama‑ya mai anini awiraboneni. Hini mai one tabori‑ya mai one tamine‑mone‑ya mai hiyaraboneni. Mai ati towe tohawahaboneni.

Timoti yoto‑ke 2:6

Fadara hidi yama‑ya anini kite, hika yamata‑ya kame, yamata hawa tohabone‑ya nimane, yamata hadiya, kote hikayafi dai hiha, makobote mai one kote hikayafamakiteni.