Roka 10:3 - Deoso-ka Yama Hani

³ Owati dai mitahi. Dai tokiya, kaneiro bidi mai‑nima dai nahi, dai hamariyahi. Yome hame‑nima mai na, mai‑ya dai oyose, dai noko wadiyahi.

Roka 10:3 ပူးပေါင်းရင်းမြစ်များ

Mateo 10:16

Owati dai mitahi. Kaneiro mai‑nima dai nahi. Dai hamariyahi. Yome hame‑nima mai teni. Mai‑ya dai‑ya oyose, dai noko wadiyahi. Maka mai noki wadi‑nima dai noko wadiyahi. Wayomata mai hamaterani. Wayomata mai‑nima dai nahi. Dai hamariyahi.

Mateo 10:22

Owa dai nofa dai‑ya mai nafi kakaboneni. Owa oni dai saatonakosi awiriya, dai sibaraboneni.

Mateo 7:15

“Dai noko wadahi. ‘Deoso ati‑ya mi‑mita oda amani.’ Mai one ati naboneni. Deoso ati‑mona mai ati na, keyehe‑ya mai hirina, Satanasi ati‑ya mai kaminabisateni.

Roka 10:4

Dai tokiya, yinero dai towakariyahi, yamasi dai weyerihi, sanidariya dai kakibirihi, dai nahi. Dai tokiya, mai‑ya dai koboniya, dai maanamariyahi. Hini dai toka, dai tokiyahi.

Yowaho 10:12

Ai owa‑ka kaneiro mai‑ya ai owa nawade, kaneiro hidi tohare, yomahi yama‑ke kaneiro mai‑ya kakiya, kaneiro mai‑ya nawade kananeya, yomahi yama‑ke kaneiro mai‑ya kananihi, mai fawateni.

Yowaho 15:20

Owati‑maro‑ya dai ati kadamowamariyahi. Owa‑ya mai bisinamaro dai‑ya mai bisinamakeboneni. Owati‑ya mai tokadaba dai ati‑ya mai tokadabahareboneni.

Yowaho 16:2

Dai‑ya mai ati barinaboneni, Deoso‑ya mai hi‑hiyara‑ke yobe‑ya dai tokiyomamarabonehe. Dai‑ya mai nanahabiya, ‘Oda ene Deoso ya‑yainane.’ Mai atibodi ati naboneni.

Yeso‑ka yo‑yose mai tamine 20:29

Owa nowati‑kaya mai one mai kamake, dai‑ya keyehe‑ya mai hirikanaboneni. Yomahi yama‑ke ene‑nima mai ihi naboneni. Yeso‑ka mai‑ya mai nokotonihebone, Satanasi ati‑ya mai tokadababonehe.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Yeso‑ka yo‑yose mai tamine 9:2

“Damaso‑ya Deoso‑ya mai hi‑hiyara‑ke yobe hidi mai‑ka yama hani‑ba owa‑ya daatinahi. ‘Yeso hawine‑ya mai ya‑yaka mai dai daanahi i‑di Saoro‑ya.’ Tika yama hani ati nahi. Damaso‑ya owakamiya, mai hikadikiya, Yeso hawine‑ya mai ya‑yaka mai makidi mai fanawi toha na, mai wara·oniya, mai soki·oniya, Yerosare‑kaya mai owakamabani.” Saoro ati nemonane.