Roka 10:2 - Deoso-ka Yama Hani

² Deoso‑ka yamata dama marafakana, yamata‑ya mai tonaka mai damara, Deoso dai hiyarahi, mai one tokomakibakaro, Deoso‑ka yamata‑ya mai kakamabonehe.

Roka 10:2 ပူးပေါင်းရင်းမြစ်များ

Mateo 20:1

Yeso oda‑ya kanawatobona, oda‑ya hiyare, “Neme‑ke ai nafi‑ka hidi kitabote tohawahebona haa‑nima nebonane. Ai owa‑ka ofa dama toha,

Maroko 13:34

Mai‑ka hidi kobonamebona‑ya mai nimana mai‑nima dai‑ka Ayo neme‑ke‑ya dai nimanahi. Yama yaki‑ya maki tokebona, hika fai‑ya mai na‑narifa mai‑ya yosene. Hika yo‑yose owa nokobi‑ya waibona‑ya yosenane, maki kamataseya, nokobi‑ya seekana kanibote nebonaha.

Maroko 16:15

Mai‑ya weeni hawa tohe, mai‑ya yose, “Yama nafi‑ya dai yakanawariya, mai nafi‑ya Deoso ati amosabote tamine dai kaminahi.

Maroko 16:20

Yeso‑ya mai da‑daba yama nafi‑ya mai yakanaware, mai‑ya mai hiyaramaroni. Ai‑ka Ayo mai‑ya kasome, mai ihi kitamaroni, mai ihi‑ya mai awiya, mai ati mai hinofabonehe.)

Roka 9:1

Yeso ati ene hika mai da‑daba mai 12 kana mai yorotokana, ati ene mai ihi kitawaha, mai ihi madi towe mai kana, mai ihi mai kiyana mai kitamawaha nameteni.

Yeso‑ka yo‑yose mai tamine 11:19

Hibati‑ya Tefaho‑ya mai nanahabiya, Yeso ati‑ya mai no‑nofa tabora dami‑ya mai toka, Fenisiya‑ya mai one toka, Sibe‑ya mai one toka, Atioki‑ya mai one toka na, Yodeo mai‑ya Yeso tamine‑ya mai hiyara, Bara mai‑ya mai hiyari awira,

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 13:4

Deoso‑ka Doni ati ene Serosiya‑ya mai toka, Serosiya‑ya maboro‑ya mai foya, faha teberi‑ya mai towaka, faha teberi oni Sibe tohateni.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 8:4

Tabora bide‑ya mai toka, Yeso ati‑ya mai kaminamoneni.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Firibo 2:21

Hini mai‑ka yama‑ya mai nokotonihe, Yeso Kirisito‑ka yama‑ya mai nokotonirani.

Firibo 2:25

Hibayata owati ihi dai tabaro‑ya i‑di Bafodito tokomebonane. Yeso ati‑ya i‑di Bafodito nofane, yama‑ya ani·ona, i‑di Bafodito yama‑ya aninane. Sodado mai habi kiti‑nima i‑di Bafodito habo kitane. Owa‑ya Bafodito dai yosemarine, owa‑ya kasomebonaha.

Firibo 2:30

Kirisito‑ka yama anini‑ya kite, abi yanatone, yama yaki‑ya dai wina owa dai kasomara, Bafodito‑ta owa‑ya kasomane.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Tesaronika daidi 5:12

Oda ati dai mitamakihi. Yeso ati‑ya dai‑ka mai wato ba‑basi na, dai‑ya mai kanawata, mai dai nofiyahi. Yeso ati‑ya dai tokadabara dai‑ya mai weena, mai dai nofahi. Dai ene amosara, mai‑ya dai weeriyahi. “Hehe, fara amani. Owa ene amosara, Deoso‑ya owa‑ya okaminaboneni.” Dai ati nahi. Dai‑ya mai kanawata, mai‑ya dai nofabisahi.

Tesaronika yoto‑ke 3:1

Oda tamine‑ya dai hiyarahi Deoso‑ya. “Abi Deoso, ai‑ka Ayo i‑di Yeso ati‑ya i‑di Baoro mai hiyara, mai ati‑ya mai one nofiyahi, Yeso‑ya mai kahiyarabonehe.” Dai ati nahi. Deoso Ati Amosabote dai‑ya oda kaminamaro, Yeso ati dai nofamaro‑nima Yeso ati‑ya mai nofawaha, Yeso‑ya mai kahiyaraboneni.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.

Timoti yoto‑ke 4:5

Timoti, tiwa noko wadahi. Mai‑nima tiriyahi. Tiwa‑ya mai bisina, tiyawariyahi. Deoso Ati Amosabote ati‑ta tihiyarabisahi. Deoso tiwa‑ya yosemari, ati nafi tikaminiyahi.

Firimo 1:1

Baoro ama·oni. Yeso Kirisito ati okamina, kadeya‑ya owa‑ya mai nawaani. Ai‑ka soho i‑di Timoti oda fama, yama hani oda kanahanoneni. Firimo, tika yama hani‑bone okanahanaboneni. Oka owa amatini. Deoso‑ka yama‑ya anititeni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Yeso Kirisito ene‑bona 2:1

“Yama hani tikanahanohi. Deoso‑ya mai hi‑hiyara‑ke yobe Efesiyo‑ya wai, yobe hidi‑ya daatinahi. Owa yehe kanika‑ya amowa mai 7 kana mai dama·okana, fara owati amani. Nabarina awe oro wamani 7 kana siikare bai‑ya osawe, fara owati amani.