Roka 1:70 - Deoso-ka Yama Hani

⁷⁰ Fara Deoso ati‑ya mai mi‑mita‑mete mai ati‑mete‑nima yama naboneni.

Roka 1:70 ပူးပေါင်းရင်းမြစ်များ

Bedoro yoto‑ke 1:21

Mai ati ihi hiniya Deoso ati‑ya mai kanahanoterani. Deoso‑ka Doni mai‑ya Deoso ati‑ya kamine, ati‑ya mai mita, ati‑ya mai kanahanameteni.

Homa 1:2

Hibati‑ya Yeso kaki awisareya, Deoso ati‑ya mai mi‑mita‑mete Deoso Ati Amosabote‑ya mai mita, Deoso‑ka yama hani‑ya ati mai hikanahanomatane.

Yeso‑ka yo‑yose mai tamine 28:25

Baoro hiyari hawa tohi yanatoneya, mai ibi weena, mai‑ya hiyaramatase, “Hibati‑ya Deoso‑ka Doni dai‑ka idi mai tamine‑ya kamine, ati‑ya Deoso ati‑ya mi‑mita‑mata i‑di Isa·iya kanahanomatane. Fare ati‑nima yama na,

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Roka 24:44

“Hibati‑ya dai‑ya osawe, dai‑ya ohiyara, ‘Owa tamine‑ya Mose kanahano, owa tamine‑ya Deoso ati‑ya mai mi‑mita‑mete mai kanahano, Deoso‑ka wayoma hani‑ya owa tamine‑ya mai one kanahano nameteni. Mai ati‑nima yama naboneni.’ Onamaroni. Fara yama hani mai hikanahanamete ati‑nima yama nineni.” Yeso ati nematane.

Maroko 12:36

Deoso‑ka Ka‑kadika tamine‑ya i‑di Dafi kanahano, ati dai mitahi. ‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’ Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.

Yeso Kirisito ene‑bona 19:10

Teme yowi‑ya owa bako‑kaya ohoma, okahiyarebona, “Araba! Owa tikahiyarariyahi! Yeso tamine dai ka‑kamina dai‑nima ona ama·oni. Yeso ati dai to‑tokadaba dai toha, yama yananabone tamine oda ka‑kamina oda toha, ai na, Deoso‑ya ai na‑narifa ai amani. Ai‑ka hidi oharine, Deoso tikahiyarabisahi.” Deoso‑ka yo‑yose ati namatasene.

Ebereo 3:7

Deoso‑ka Doni ati dai mitahi. “Dai narabo hawihi. Hibayata Deoso ati dai mitiya, ati dai tokadaba kanibote nahi.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.