Roka 1:68 - Deoso-ka Yama Hani

⁶⁸ “Deoso ene amosabote amane. Isara·eo‑ka nodi ai toha, Deoso‑ka ai amani. Deoso ai‑ya kasomamatasane.

Roka 1:68 ပူးပေါင်းရင်းမြစ်များ

Roka 7:16

Yeso ene‑ya mai awa, mai habi siitona, Deoso‑ya mai kahiyara, “Deoso ati ene Deoso ati‑ya mi‑mita oda‑ya dabawahane, kitabote amane. Deoso‑ka ai amani, ai‑ya kasomane.” Mai ati nameteni.

Efesiyo 1:3

Deoso ai kahiyarahi. Yeso Kirisito ai‑ka Hidi‑ka Abi i‑di Deoso amane. Deoso ai‑ya kasome ene Kirisito‑ka ai toha, neme‑ya yama nafi Kirisito hikayaha, fara ai kayafamakeboneni.

Roka 2:38

I‑di Ana kamake, Yeso‑ya awa, ya‑yaina, Deoso‑ya kahiyarameteni. Deoso ati ene Yerosare‑ya Bara mai kayafamarabone, Deoso‑ka yama hani ati na, yama hani ati‑ya mai nimana, fara mai‑ya Yeso tamine‑ya i‑di Ana kaminameteni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Roka 19:44

Dai‑ya mai nanahababone, dai‑ka yobe‑ya mai nanahababone, yati fama demenare wadamateraboneni. Hibayata Deoso dai‑ya sawi, dai watore ene dai abawahaboneni.” Yeso ati nematane.

Roka 1:71

Ai‑ya mai watikana, ai‑ya mai ka‑kako mai‑ya ati barinebonane.

Roka 24:21

Yeso ene oda‑ka hidi yara mai tohamarabone oda ati nani. Oda amoni 3 kani neni, Yeso‑ya mai baanikaro.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.