Mateo 7:7 - Deoso-ka Yama Hani

⁷ “Deoso‑ya yama dai haanahi. Yama‑ya daanebonane. Deoso dai sibaniya, dai wasibonane. Deoso sawi‑kaya dai ati tokiya, nokobi‑ya dai haaniya, nokobi‑ya seekanebonane.

Mateo 7:7 ပူးပေါင်းရင်းမြစ်များ

Mateo 18:19

Deoso‑ya dai hiyara, dai fama dai ati fara kafamiya, yama dai ati kobohina‑ya Deoso daanebonane.

Mateo 21:22

Deoso ati dai nofiya, Deoso dai haaniya, dai ati‑nima yama naboneni.” Yeso ati nemarine.

Mateo 6:33

Neme‑ke ai nafi‑ka hidi kitabote tohawahebona dai nokotoniya, Deoso ati dai tokadabiya, dai‑ka yama‑bone‑ya Deoso daanebonane.

Mateo 7:11

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso dai haaniya, yama amosa‑ya daanebonane, ai‑ka Abi neme‑ke toheri.

Mateo 7:8

Yama‑ya mai haana, mai‑ka yama‑bone mai‑ya koboteni. Yama‑ya mai sibana, yama‑ya mai wasiteni. Nokobi‑ya mai haana, nokobi‑ya mai seekiteni.

Maroko 11:24

Deoso‑ya dai haaniya, ‘Yama haa·ona‑ya Deoso daanebonane.’ Dai atibodi ati nahi. Haa‑nima dai atibodi ati niya, hini dai ati‑nima yama naboneni.

Roka 13:25

Yobe hidi nokobi‑ya barikawameya, nokobi‑ya dai one nahomake, mai haanaboneni. ‘Ayo, nokobi seetikanahi.’ Mai ati naboneni. ‘Dai owatora, nokobi see·okaraboneni.’ Yobe hidi ati nebonane.

Roka 18:1

Yeso mai‑ya kanawatomatane, mahi‑nima Deoso‑ya mai hiyarabonehe, mai atibodi kitiya, mai hiyari maakarabonehe.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Homa 3:11

Bofe‑ya dai wi‑wina yama amosa‑ya dai watora, Owa‑ya dai atibodi nokotoniterani.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Tiyako 5:15

Deoso‑ya mai hiyariya, mai ati‑ya Deoso nofebona mai atibodi ati na, Deoso dai‑ya nakitamebonane. Dai ene amosaramaro, Deoso dai‑ya ati somawamebonane.

Yowaho daidi 3:22

Deoso‑ya ai hiyara, ai ati‑ya mitatene. Deoso ati ai tokadaba, yama hinofa‑nima yama na ai haana, yama‑ya daatene.