Mateo 7:13 - Deoso-ka Yama Hani

¹³ “Nokobi bide‑ya dai tokiyomiyahi. Yama hirini‑ka hawi nafe, nokobi nafiteni. Hawi nafe‑ya mai dami tokiya, mai kome fawaraboneni.

Mateo 7:13 ပူးပေါင်းရင်းမြစ်များ

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Mateo 25:41

Sayo‑kaya mai naha mai‑ya hiyaramakine, ‘Towe dai amani. Owa‑ya dai sawirabone, yama hirini fawaterabone‑kaya dai tokabisahi. Yama hirini fawaterabone‑ya Deoso wamane, Diaboro hika yo‑yose mai eyehe‑ya sarikanebonaha.

Mateo 25:46

Mai ihi amosara mai toka, mai kome fawateraboneni. Mai atibodi amosa mai abaterabone‑kaya mai tokaboneni.” Yeso ati nemarine.

Mateo 3:2

“Dai ene amosawamahi. Neme‑ke ai nafi‑ka hidi kitabote tohawahebonane.” Yowaho Batita ati ne, ati damemarine.

Mateo 3:8

Dai abarabone dai ati niya, dai ene amosawamiyahi.

Mateo 7:14

Ai abarabone‑ka hawi bide toha, nokobi bide tohateni. Hawi bide‑ya mai fa‑famaraba na mai tokateni.” Yeso ati nemarine.

Roka 14:33

Dai‑ka yama nafi dai saatokasara, oka dai tohi awiraboneni.

Roka 9:33

I‑di Mose, i‑di Eriya, mai yanakanamiya, Bedoro ati yanane, “Ayo, tiwa‑ya oda sawe, yama sibarini. Dai‑ka wa‑wasa‑ba oda wamanaboneni. Tika ohari, Mose‑ka ohari, Eriya‑ka ohari nebonane.” Bedoro ati ne, hiniya ati yananematane, yama‑ya atibodi watoreri.

Yowaho 10:9

Awa yara nokobiri ama·oni. Owa‑kaya mai tokiyomiya, mai sibaraboneni. Mai yobiniya, mai tafaboneni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Homa 9:22

Fare‑nima Deoso ene ne, ai nafi‑ya wamanematane. Mai one ihi amosarabone‑ya watonemata, mai ihi amosawamabone mai‑ya nimane. Mai ihi amosawami awiriya, Deoso yawi kite‑ya mai awabone ati nematane. Deoso yawe‑ya mai awa, mai‑ya nanahabe, sibarane.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 6:17

“Owati‑ya mai nofara mai ati dai tokadabarihi, mai‑ka yama towe dai boyorihi na, dai okayahaboneni.” Deoso ati nematane.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Firibo 3:19

Mai nabadi mai‑ka deoso tohe, ene madi mai tabori‑ya mai winaboneni. Mai ihi amosara tamine‑ya mai hiyara, mai ya‑yaiteni. Hibayata‑ka yama‑ya mai atibodi kadiki ohariteni.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 20:15

Ai abarabone‑ka yama hani‑ya mai oni sawira, wara hirini‑kaya mai‑ya weretoniwahene.

Yeso Kirisito ene‑bona 20:3

Hodi yaba‑ya korohini, nokobi‑ya barikawamene, Dafi‑ka keyehe‑ya bofe‑ka mai mitamarabonehe. Faha fowe 1.000 kani hawa tohiya, dafi‑ya seekaneya, hiwatamatasebonane.