Mateo 6:2 - Deoso-ka Yama Hani

² Dai one Deoso‑ya mai hi‑hiyara‑ke yobe‑ya yama‑ya mai daanabone, ho‑hori‑ya mai afoteni. Yama‑ya mai kihara mai‑ka yama‑bone‑ya mai daanabone, ho‑hori‑ya mai afoteni, mai one kikawama, mai hiawebonaha. Mai ihi‑nima dai ene riyahi. Owati amosa dai mitahi. Mai‑ka yama manakone hawa tohineni. Mai‑ka yama kasomi manakone Deoso daahini awiraboneni.

Mateo 6:2 ပူးပေါင်းရင်းမြစ်များ

Mateo 15:7

Towe dai amani. Deoso ati‑ya i‑di Isa·iya kamine, fare dai tamine‑ya kanahanone,

Mateo 16:3

Yama wahabisari‑ya neme‑ya dai kiina, neme mawa, neme sabi soki na, ‘Faha kakeboneni.’ Dai ati teni. Neme‑ka yama kiini dai wata, Deoso ene‑ya dai awa, yama‑ya dai watorani.

Mateo 22:18

Mai atibodi ati amosara‑ya Yeso wato, “Towe dai amani. Owa‑ya dai watabone dai ati amani.

Mateo 23:5

Mai‑ka yama hani wiye ba‑basi na‑ya mai sako, mai‑ka bora fowari kawiya yabona, ‘Oda ene‑ya mai awa, oda‑ka bora‑ya mai awa niya, oda‑ya mai nofaboneni.’ Mai atibodi ati teni.

Mateo 23:6

Dai yorotokana, dai tafabone‑ya mai sawe, kadera amosabisa‑ya mai nahore, Deoso‑ya mai hi‑hiyara‑ke yobe‑ya mai sawe, kadera amosa‑ya mai nahoriteni, mai dai kahiyarabonehe.

Mateo 24:51

Hidi kobonameya, hika yo‑yose towe‑ya bisini kitebonane. Deoso ati‑ya mai tokadabara mai sawi‑kaya hinawaibonane. Mai ohi, mai kome kita naboneni.” Yeso ati nemarine.

Mateo 5:18

Owati amosa dai mitahi. Neme aba, bofe aba naboneni. I‑di Mose‑ka yama hani ati kote fawaterabone, ati‑nima yama nawahaboneni.

Mateo 6:16

“Owati amosa dai mitahi. Deoso‑ya mai kahiyarabone mai ati na, mai tafi maakana, mai noki ohina‑nima mai teni. ‘Owa noko ohina‑nima oniya, owa‑ya mai awiya, —Deoso‑ya nofi nafi ene tafi maakanane.— Mai ati niya, owa‑ya mai nofaboneni.’ Mai atibodi ati na, Mai manakone hawa tohani. Mai‑nima dai riyahi.

Mateo 6:3

Mai‑ka yama‑bone dai daaniya, dai one‑ya dai hiyarariyahi.

Mateo 6:5

“‘Owa‑ya mai awiya, owa‑ya mai kahiyaraboneni.’ Dai one atibodi ati teni. Owati amosa dai mitahi. Haa‑nima mai atibodi ati na, hibati‑ya mai manakone hawa tohani. Mai one ihi‑nima dai ene riyahi. Deoso‑ya dai ati hiyariya, dai one noko beheri‑ya dai hiyarahi.

Mateo 7:5

Towe amatini. Tiwa noko‑ka awa ibe sobatinamahi. Tiwa noko amosawamiya, mai‑ka awa hibakori sobatinamaneni. Tiwa ene amosawami bahiya, mai one‑ya tikanawatohi.

Maroko 12:39

Deoso‑ya mai hi‑hiyara‑ke yobe‑ya mai sawe, kadera amosa‑ya mai nahore; dai yorotokana, dai tafabone, mai sawe, kadera amosabisa‑ya mai nahore,

Maroko 7:6

Yeso mai‑ya hiyare, “Towe dai amani. Deoso ati‑ya i‑di Isa·iya kamine, dai tamine‑ya hiyare, ‘Owa‑ya mai nofamone mai ati na, owa‑ya mai kahiyara na, hiniya keyehe‑ya mai hirina, owati‑ya mai tokadabarani.

Roka 11:41

Dai atibodi amosawamahi. Dai atibodi ati ene mai‑ka yama kaba‑ba dai daaniya, yama sibareni. Dai‑ka yama wiye nafi amosa‑nima dai teboneni.” Yeso ati nematane.

Roka 11:43

Ka! Fariseo dai toha, dai ene manakone wadani. Deoso‑ya mai hi‑hiyara‑ke yobe‑ya dai sawe, kadera amosa‑ya dai nahoteni. Dai‑ya mai kahiyarabone, mai‑ya dai nokotoniteni.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 12:56

Towe dai amani. Bofe‑ka yama kiini dai wato, neme‑ka yama kiini dai wato na, Deoso ene‑ya dai awa, yama‑ya dai watorani.

Roka 13:15

Yeso ati yanane, “Towe dai amani. Sabado‑ya yama dai aninahariteni. Dai‑ka bani mai dai seekana, mai dai towakifawateni, faha‑ya mai fawabonehe.

Roka 20:46

“Dai noko wadahi. Mose‑ka yama hani ati‑ya mai ka‑kamina dai‑ya mai nokotoniteni, mai dai kahiyarabonehe. Fara yama ai ka‑kanika‑ke yobe‑ya mai naha, bora yaba‑ya mai sakona; Deoso‑ya mai hi‑hiyara‑ke yobe‑ya mai sawe, kadera amosa‑ya mai nahore; dai yorotokana, dai tafabone, mai sawe, kadera amosabisa‑ya mai nahore,

Roka 6:24

Ka! Dai‑ka yama dama‑ya dai nokotonihe dai‑ka yama hawa toha, neme‑kaya dai‑ka yama wadaraboneni.

Roka 6:42

‘Soho, awa hibakori tiwa noko‑ya boka, soba·onamaboneni.’ Titerani, tiwa noko‑ya awa ibe foyaro. Mai ihi towe bide toha mai‑ya tikanawatoriyahi, tiwa ene towe ba‑basi naro. Towe amatini. Tiwa noko‑ka awa ibe sobatinamahi. Tiwa noko amosawamiya, mai‑ka awa hibakori sobatinamaneni. Tiwa ene amosawami bahiya, mai one‑ya tikanawatohi.

Yowaho 13:29

Yoda oda‑ka yinero‑ya da‑dama ene oda one atibodi yama‑ya dika, “Oda mariniba‑ka yamata‑ya kanikeba awane. Yamata mai kihara mai‑ka yinero‑bona‑ya daaneba awane.” Oda one atibodi ati namaroni.

Yowaho 5:41

Owa‑ya dai kahiyarabone bofe‑ya dai wi‑wina dai‑ya noko·onirani.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Yowaho 7:18

Hini mai ati ihi yama‑ya mai kanawata, ‘Amosabote ama·oni. Owa dai nofahi.’ Mai ati teni. Hidi ati‑ya kamine, ‘Owa‑ya yose dai nofabisahi.’ Ati ne, keyehe‑ya hirire, ati amose hinama toha tene.

Yeso‑ka yo‑yose mai tamine 10:2

Deoso ati‑ya i‑di Koneriyo hika mai eyehe nofe, Deoso‑ya hiyaratene. Yama‑ya mai kihara mai‑ka yama‑bone‑ya daatene.

Yeso‑ka yo‑yose mai tamine 10:31

‘Koneriyo, tiwati‑ya Deoso mite, tiwa yehe honene daatina‑ya awane.

Yeso‑ka yo‑yose mai tamine 10:4

Deoso‑ka yo‑yose‑ya awe, habo siitone, “Ayo, hini yamata‑ya tiwati koboniti?” Koneriyo ati ne. “Deoso tiwati‑ya mite, tiwa yehe honene mai‑ya daatina, tiwa‑ya awatene, tiwa‑ya nofe, ati somane.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 24:17

Wana mai ati dami‑ya yama yaki‑ya owinamaro, hibayata okoma, oka mai dami‑ka yinero‑bona owakama, Deoso‑ka yama‑bone daa·onabone onani.

Yeso‑ka yo‑yose mai tamine 9:36

Yabe‑ya Tabita wina, oni one i‑di Doka toha, Yeso ati‑ya nofa, yama‑ya mai kihara, mai dami‑ya kasomateni.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Korito daidi 13:3

Mai‑ka yamata wadara mai‑ya oka yamata nafi daa·ona, mai onofara‑mani, Deoso‑ya owa manakone wadara neni. Ai owa‑ya mai sarikanabone, owati ihi owa‑ya mai sarikibisa, ai owa onofara‑mani, Deoso‑ya owa manakone wadara neni.

Karatiya 2:10

Mai ati one, “Yamata‑ya mai kihara, mai dai kasomiyahi.” Mai ati na. Fara mai ati‑nima oteni.

Efesiyo 4:28

Yama‑ya dai one botemete, yama‑ya mai botimariyahi. Hiniya yama‑ya mai aninawaha, mai one yama‑ya kihara‑ya mai kasomabisaboneni.

Tesaronika daidi 2:6

Oda‑ya dai kahiyara oda ati rihi, mai one oda‑ya mai kahiyarabone oda ati rihi teni. Yeso Kirisito‑ka yo‑yose oda toha, oda‑ya dai kasomahi oda ati na‑mani, yama sibara neni. Haa‑nima oda ati terani.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Firimo 1:7

Deoso‑ka mai tinofa, mai‑ya tikasomamone, mai atibodi ya‑yainawahamoneni. Soho, tiwa ene ya‑yai·onaharineni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.