Mateo 5:9 - Deoso-ka Yama Hani

⁹ Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Mateo 5:9 ပူးပေါင်းရင်းမြစ်များ

Mateo 5:45

Deoso bidi ama·oni dai ati na, Deoso ene‑nima dai ene nahi. Mai ati kasira mai toha, mai ati soma mai toha na, Deoso mai‑ya kasomatene. Deoso ene mahi wehene‑ya mai nafi awateni. Deoso ene mai tabori dami‑nima faha kakiteni.

Mateo 5:48

Tiwa ene amosa hinama tohahi. Ai‑ka Abi neme‑ke ene amose hinama tohatene. Ai‑ka Abi ene‑nima dai ene nahi.” Yeso ati nemarine.

Roka 20:36

Deoso‑ka yo‑yose mai‑nima mai nawahabone, mai abamateraboneni. Mai aba, mai kitama, mai abamateraboneni. Deoso bidi mai tohawahaboneni.

Roka 6:35

Dai‑ta dai‑ya mai kako‑ya mai dai nofahi. Mai‑ka yama‑bone dai daana, manakone dai haatonamakiriyahi. Makobote Deoso dai‑ka yama manakone‑ya daanibisebonane. Haa‑nima dai niya, Deoso kitabote ene‑nima dai ene naboneni. Deoso ati‑ya mai nofara mai toha, hini mai‑ya mai nokotonihe mai toha, mai na, mai‑ya Deoso kasomatene.

Yeso‑ka yo‑yose mai tamine 7:26

Mahi owa‑ya i‑di Mose tokomatase, Isara·eo‑ka mai fama, mai ibi weena, mai‑ya i‑di Mose awe, ‘Isara·eo‑ka dai fama, hini yamata ihi dai ibi wee?’ I‑di Mose ati ne,

Homa 12:18

Dai ati soma, dai‑ya mai weena, mai dai weeriyahi.

Homa 8:14

Deoso‑ka hawi‑ya Deoso‑ka Doni mai yofihikana Deoso bidi mai tohateni.

Homa 8:16

Deoso‑ka Doni ai atibodi yati‑ya hiyare, “Deoso bidi amatini.” Ati tene.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Korito daidi 6:6

Dai‑ka soho ene amosare, Deoso ati‑ya mai nofara mai‑kaya dai towakemonane, ene mai hikadikebonaha.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Firibo 4:2

Efodiya, i‑di Sitiki, dai fama owati dai mitahi. Yeso ati dai nofa, dai ibi nofa, dai ibi weeriyahi.

Koroso 3:13

Deoso‑ka dai toha, dai‑nima mai ra, mai ihi dai yawariyahi. Mai ihi amosara toha, mai‑ya dai atibodi somawama, Deoso dai‑ya ati somawamemari‑nima mai‑ya dai ati somawamaharihi.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.