Mateo 5:8 - Deoso-ka Yama Hani

⁸ Deoso ati dai nokotoniyahi. Yama bara dai nokotoniriya, Deoso dai‑ya kasomebona, Deoso‑ya dai awawahaboneni.

Mateo 5:8 ပူးပေါင်းရင်းမြစ်များ

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Korito daidi 13:12

Hibayata isibiyo towe‑ya ai awi‑nima Deoso‑ya ai awi re‑refona, makobote Deoso noko ai awawahaboneni. Hibayata owato bide oha, makobote Deoso owa‑ya wato‑nima yama owatowahaboneni.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Tito 1:15

Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Tiyako 4:8

Deoso ati‑ya dai atibodi ati tokadaba, Deoso dai‑ya kasomebonane, ati dai nofi nafibonaha. Dai ene amosara dai ene dai kamina kanibote nahi. Deoso ati kote‑ya dai atibodi ati tokadaba, Satanasi ati kote‑ya dai ati tokadabahari na, towe dai amani. Deoso ati‑ya dai tokadabi ohari kanibote nahi.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Yeso Kirisito ene‑bona 22:4

Deoso‑ya ai awabone, Deoso oni ai noko ete‑ya kobobokanebonane.