Mateo 5:3 - Deoso-ka Yama Hani

³ “‘Towe ama·oni.’ Dai ati niya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Mateo 5:3 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 11:6

Owa tamine‑ya mai mitiya, mai yawi awiriya, Deoso mai‑ya kasomebonane.” Yeso ati nemarine.

Mateo 13:16

Dai ya‑yainahi, dai noko wada, dai narabo hawi, dai nibisateni.

Mateo 19:14

“Madehe dai ati baririyahi. Madehe owati‑ya nofa, madehe‑nima mai na, Neme‑ke ai nafi‑ka hidi kitabote tohawahe‑ya mai saweboneni.” Yeso ati nemarine.

Mateo 24:46

Hidi koboneya, hidi ati‑nima ene ne, ya‑yainebonane.

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 3:2

“Dai ene amosawamahi. Neme‑ke ai nafi‑ka hidi kitabote tohawahebonane.” Yowaho Batita ati ne, ati damemarine.

Mateo 8:11

Neme‑ke ai nafi‑ka hidi kitabote tohawaheya, i‑di Abaraho, i‑di Isaki, i‑di Yako, mai na, mai marinabone, mahi ka‑kaki‑ka mai one toha, mahi to‑toka‑ka mai one toha na, fara Bara mai‑ka tabora dami‑ka mai saweboneni.

Maroko 10:14

Yeso hika mai da‑daba mai ati‑ya mite, yawe, ati yanane, “Madehe dai ati baririyahi. Madehe owati‑ya nofa, madehe‑nima mai na Deoso ai nafi‑ka hidi kitabote tohawahe‑ya mai saweboneni.

Roka 11:28

“Okomi ya‑yaini bi‑bidi nineni. Deoso ati‑ya mai mita, ati mai hikadabe, mai ya‑yaini nafineni.” Yeso ati nematane.

Roka 18:14

Ene manakone Deoso haahinamarebonane. Fariseo ene manakone wadanasa nane. Hini mai‑ya mai kahiyara, Deoso ati ene mai mai hinofaraboneni. Hini ai‑ya ai nokotoniriya, Deoso ati ene ai‑ya mai kahiyarawahaboneni.” Yeso ati nematane.

Roka 22:29

Okobi ati ene dai nafi‑ka hidi kitabote ohawahaboneni. Okobi ene‑nima owa ene nebona, owati ihi

Roka 22:30

hidi‑ka kadera amosa‑ya dai nahoreboneni. Isara·eo‑ka nodi mai ihi‑ya dai kadikiya, mai ihi‑nima mai ihi manakone na dai daanaboneni.” Yeso ati nematane.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Yowaho 20:29

“Okitama, owa abano tiawa, owa tamine tinofawahineni. Owa kitami‑ya mai awara, hiniya owa tamine‑ya mai nofa, mai‑ya Deoso kasomebonane.” Yeso ati nemarine.

Tiyako 1:10

Yinero dame dai kiha, mai‑nima dai na, awa mowe amosa aba kanibote na‑nima dai abaharebone, dai ya‑yainasa nahi.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Yeso Kirisito ene‑bona 19:9

Deoso‑ka yo‑yose ati yananamatase, “Owati tikanahanohi, ‘Kaneiro Bidi fanebona, dai yorotokanaboneni, dai tafabonehe. Dai‑ya mai haaniya, dai ya‑yainaboneni.’” Deoso ati nene. “Deoso ati yokana okaminineni.” Deoso‑ka yo‑yose ati nene.

Yeso Kirisito ene‑bona 22:14

Mai‑ka bora mai sokona Deoso mai‑ya kasomebonane. Fara Deoso‑ka sidadi nokobi‑kaya mai tokiyomaboneni. Ai abarabone‑ka awa wadi‑kaya mai saweboneni.

Yeso Kirisito ene‑bona 3:17

‘Yinero nafi okihe, owa yehe honene dama, oka yama nafi hawa tohineni.’ Dai ati neni. Yama dai wato awirini. Towebisa dai amani. Dai amosi awira, yama nafi dai kihara, mai noki wadara‑nima dai na, dai bodi toha‑nima dai nineni.