Mateo 5:18 - Deoso-ka Yama Hani

¹⁸ Owati amosa dai mitahi. Neme aba, bofe aba naboneni. I‑di Mose‑ka yama hani ati kote fawaterabone, ati‑nima yama nawahaboneni.

Mateo 5:18 ပူးပေါင်းရင်းမြစ်များ

Mateo 10:15

“Owati amosabote dai mitamatasahi. Ai nafi ene‑ya Deoso kadikeya, mai‑ya weeni kitebonane. Hibati‑ya Sodoma‑ya mai wi‑wina, Komora‑ya mai wi‑wina, mai na, Deoso mai‑ya nanahabematane. Ai nafi ene‑ya Deoso kadikeya, mai‑ya weenamatasebonane. Dai ati‑ya mai nofara mai‑ya Deoso bisini kitabisebonane.

Mateo 10:23

Tabora ohare‑ya dai‑ya mai weena, tabora one‑ya dai tokahi. Owati amosa dai mitahi. Isara·eo mai tabori dami‑ya dai tokasa riya, dai‑ka Ayo neme‑ke kiti yananebonane.

Mateo 10:42

Oka mai baki hoka, mai‑ya faha dai daaniya, ‘Yeso Kirisito‑ka mai amani, mai okasomaboneni.’ Dai atibodi ati niya, dai ene amosa manakone‑ya Deoso daanebonane.” Yeso ati nemarine.

Mateo 11:11

Owati amosa dai mitahi. I‑di Yowaho Batita amosi nafi, hibati‑ka mai nafi amosi bi‑bidi nibisa, Neme‑ke ai nafi‑ka hidi kitabote tohawahe‑ya mai sawiya, mai nafi amosi ba‑basi naboneni.

Mateo 13:17

Owati amosa dai mitahi. Hibati‑ya Deoso ati‑ya mai mi‑mita‑mete mai toha, Deoso ati‑ya mai no‑nofa‑mete mai toha, mai na, owa‑ya mai awabone mai ati namete, owa‑ya mai awi awirameteni. Owati‑ya mai mitabone mai ati namete, owati‑ya mai miti awirameteni.

Mateo 16:28

Owati amosabote dai mitahi. Dai one abi awisari‑ya dai‑ka Ayo neme‑ke kiti yananebona dai one awaboneni.” Yeso ati nemarine.

Mateo 17:20

“Owati dai nofi nafira ihi madi towe kanarene. Owati amosa dai mitahi. Deoso ati‑ya dai nofi i‑isi niya, dai ene kitaboneni. Adami webote‑ya dai hiyariya, dai ati‑nima adami nawahaboneni.

Mateo 18:18

Owati amosa dai mitahi. Neme‑ya Deoso mai‑ya barikaneya, bofe‑ya mai baritikanahareboneni. Neme‑ya Deoso mai‑ya seekaneya, bofe‑ya mai seetikanahareboneni.

Mateo 18:3

“Owati amosa dai mitahi. Dai ene amosawahi awiriya, Neme‑ke ai nafi‑ka hidi kitabote tohawahe‑ya dai sawiraboneni. Madehe‑nima dai nawawahiya, dai sawibisaboneni.

Mateo 19:23

“Owati amosa dai mitahi. Mai yahi hone dama toha, Neme‑ke ai nafi‑ka hidi kitabote tohawahe‑ya mai dami sawiraboneni.

Mateo 19:28

“Owati amosa dai mitahi. Mai abamete mai kitamiya, hidi‑ka kadera amosabote‑ya dai‑ka Ayo neme‑ke itaribona, owa‑ya dai da‑daba hidi‑ka kadera amosa‑ya dai nahorihareboneni. Isara·eo‑ka nodi mai ihi‑ya dai kadikiya, mai ihi‑nima mai ihi manakone na dai daanaboneni.

Mateo 21:21

Yeso oda‑ya hiyare, “Owati amosa dai mitahi. ‘Deoso kitatene.’ Dai atibodi ati nahi, ‘Deoso kiteba awane.’ Dai atibodi ati riyahi, Deoso ati dai nofabisiya, owa ene kitabote‑nima dai ene naboneni. ‘Adami webote, tibokahi.’ Dai ati niya, dai ati ene adami webote bokaboneni.

Mateo 21:31

Ebeni‑ke badi ati‑ya tokadababisati?” Yeso ati ne, “Bidi daidi badi ati‑ya tokadababisane.” Mai ati namaroni. “Owati amosa dai mitahi. Kofeno‑ka yinero‑bona‑ya mai ha‑haa mai toha, fana towe mai toha na, Neme‑ke ai nafi‑ka hidi kitabote tohawahe‑ya mai sawebone, dai‑ta dai sawiraboneni.

Mateo 23:36

Owati amosa dai mitahi. Dai‑ka idi mai ihi yorotokana manakone‑nima dai ene manakone naboneni.

Mateo 24:2

“Owati amosa dai mitahi. Hibayata yobe amose‑ya dai awineni. Yama one‑ya yobe wadamarebona, yati fama demenarimaraboneni.” Yeso ati nemarine.

Mateo 24:47

Owati amosa dai mitahi. Yama dama‑ya hidi daanebonane, hinawadabonehe.

Mateo 25:12

‘Owati amosa dai mitahi. Dai owato awirini.’ Maki ati nebonane.

Mateo 25:40

Hidi webote mai‑ya hiyarebona, ‘Owati amosa dai mitahi. Oka mai one dai kasoma, owa‑ya dai kasomaharemaroni.’ Ati nebonane.

Mateo 25:45

‘Owati amosa dai mitahi. Oka mai one dai kasomara, owa‑ya dai kasomahariramaroni.’ Ati nebonane.

Mateo 5:26

Owati amosa dai mitahi. Yama manakone nafi abi awisariya, tiwa‑ya mai seekani awiraboneni.” Yeso ati nemarine.

Mateo 6:16

“Owati amosa dai mitahi. Deoso‑ya mai kahiyarabone mai ati na, mai tafi maakana, mai noki ohina‑nima mai teni. ‘Owa noko ohina‑nima oniya, owa‑ya mai awiya, —Deoso‑ya nofi nafi ene tafi maakanane.— Mai ati niya, owa‑ya mai nofaboneni.’ Mai atibodi ati na, Mai manakone hawa tohani. Mai‑nima dai riyahi.

Mateo 6:2

Dai one Deoso‑ya mai hi‑hiyara‑ke yobe‑ya yama‑ya mai daanabone, ho‑hori‑ya mai afoteni. Yama‑ya mai kihara mai‑ka yama‑bone‑ya mai daanabone, ho‑hori‑ya mai afoteni, mai one kikawama, mai hiawebonaha. Mai ihi‑nima dai ene riyahi. Owati amosa dai mitahi. Mai‑ka yama manakone hawa tohineni. Mai‑ka yama kasomi manakone Deoso daahini awiraboneni.

Mateo 8:10

Ati‑ya Yeso mite, ya‑yaine, mai naha mai‑ya hiyare, “Owati amosa dai mitahi. Sodado mai‑ka hidi owati‑ya nofi nafine, Yodeo ai toha, owati‑ya dai nofi bi‑bidi neni.

Maroko 10:15

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nemarine.

Maroko 10:29

Yeso ati yanane, “Owati amosa dai mitahi. Deoso ati amosabote tamine‑ya mai kaminabone, owati‑ya mai tokadaba na, fara ihi mai‑ka yama nafi‑ya mai tonawadakosa, mai ihi manakone wadaboneni. Mai‑ka yobe, mai‑ka fadara, mai‑ka ayo, mai‑ka asima, mai‑ka abi, mai‑ka ami, mai‑ka madehe, mai na, mai tonokosa, fara ihi mai manakone wadaboneni.

Maroko 11:23

Owati amosa dai mitahi. Deoso ati dai nofiya, dai ene kitabote tohawahaboneni. ‘Adami webote tibokahi.’ Dai ati niya, ‘Deoso kiteba awane.’ Dai atibodi ati riyahi, ‘Deoso kitatene.’ Dai atibodi ati nibisiya, Deoso ene adami webote bokaboneni.

Maroko 12:43

hika mai da‑daba mai‑ya haane, ati yanane, “Owati amosa dai mitahi. Fana honita wahawama yama nafi‑ya daaneni. Mai one‑ta yama nafi‑ya mai daani awirani.

Maroko 13:30

Owati amosa dai mitahi. Owati‑nima yama yanana‑ya mai awiya, mai one hasinasa niya, dai‑ka Ayo neme‑ke kobonebonane.

Maroko 14:18

Mesa‑ya mai nahore, mai tafa, mai‑ya Yeso hiyare, “Owati amosa dai mitahi, owa‑ya dai‑ka owa daanebona, ai tafa ai‑ya sawine.” Ati nematane.

Maroko 14:25

Owati amosa dai mitahi. Deoso ai nafi‑ka hidi kitabote tohawahebona, yanani awisareya, awa bono fahi ofimaterabone, yananeya, awa bono fahi wamani yati ofimatasaboneni.” Yeso ati nematane.

Maroko 14:30

“Bedoro, owati timitahi. ‘Yeso owatorini.’ Tinabone, tiwati yanani 3 kaniya, arakawa haani famebonane.” Yeso ati nematane.

Maroko 14:9

Owati amosa dai mitahi. Yama nafi‑kaya Deoso ati amosabote tamine‑ya mai hiyariya, fana ihi amosa tamine‑ya mai hiyarahareboneni.” Yeso ati nemarine.

Maroko 3:28

Owati dai mitahi. Dai ene towe dama toha, dai ati towe dama toha na, makobote Deoso ati dai nofawahiya, dai ene manakone Deoso haanamaterebonane.

Maroko 6:11

Mai tabori‑ya dai koboni‑ka dai ati‑ya mai nofara, dai yananamiya, mai noki‑ya dai teme hibakori dai nanahabiyahi, mai atibodi yama‑ya kadikabonehe. ‘Mai ati oda nofara mai tokineni. Oda ene amani.’ Mai atibodi ati naboneni.” Yeso ati nematane.

Maroko 8:12

Mai ati‑ya Yeso mite, atibodi yawe, ati yanane, “Hini yamata ihi owa ene kitabote dai awabone, dai ati niti? Deoso ene dai awateraboneni.” Yeso ati nemarine.

Maroko 9:1

Yeso mai‑ya hiyare, “Owati dai mitahi. Dai abi awisari‑ya Deoso ai nafi‑ka hidi kitabote tohawahebona dai one awawahaboneni.” Ati nematane.

Maroko 9:41

Dai bako hoka, faha‑ya dai‑ya mai daana, ‘Yeso Kirisito‑ka mai amani. Mai okasomaboneni.’ Mai atibodi ati na, mai ihi amosa manakone‑ya Deoso daanebonane.” Yeso ati nemarine.

Roka 11:51

Abeo‑ya nanahabi bahe, mai one dami‑ya mai nanahabamake, i‑di Sakariya‑ya nanahabamake, Deoso‑ka yobe‑ya i‑di Sakariya‑ya mai nanahabamakemeteni. Owati dai mitahi. Mai ihi yorotokana manakone‑nima dai ene manakone naboneni.

Roka 12:37

Mai‑ka hidi kamebona‑ya hini mai‑ya mai hawa tonihe, mai ya‑yainaboneni. Hidi kameya, ati ene mai nahaboneni, mai‑ya natafebonaha.

Roka 13:35

Tika mai fawaniya, tika yobe honita tohawamebonane. Owati timitahi. Eya dai‑ka mai ati naboneni, owa‑ya mai hiyararo. ‘Deoso tiwa‑ya yose, tiwa‑ya kasomayaho, oda ati nineni.’ Mai ati nabone, mai ati ni awisari‑ya osawimatasaraboneni.” Yeso ati nematane.

Roka 16:17

Neme ababone, bofe ababone, Mose‑ka yama hani ati kote abateraboneni.

Roka 18:17

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nematane.

Roka 18:29

Yeso ati yanane, “Owati amosa dai mitahi. Deoso ai nafi‑ka hidi kitabote tohawahebona‑ya ai one sawebone ihi mai‑ka yama nafi‑ya mai tonawadakosa, mai ihi amosa manakone wadaboneni. Mai‑ka yobe, mai‑ka yibote, mai‑ka ayo, mai‑ka abi, mai‑ka ami, mai‑ka madehe, mai na, mai tonokosa, mai manakone wadaboneni.

Roka 23:43

“Owati timitahi. Hibayata tabora amosabote‑ya okomabone, owa‑ya tisawebani.” Yeso ati nematane.

Roka 4:24

“Owati dai mitamakihi. Hini mai tabori‑ya Deoso ati‑ya mai mi‑mita mai ati‑ya mai nofaterani.

Yowaho 1:51

“Owati amosabote dai mitahi. Dai‑ka Ayo neme‑ke ama·oni. Neme seekaniya, Deoso‑ka yo‑yose owa‑ya mai kisiya, mai tokomatasa, mai dai awaboneni.” Yeso ati nemarine.

Yowaho 10:1

Yeso mai‑ya kanawatobona mai‑ya hiyare, “Owati amosabote dai mitahi. Kaneiro mai‑ya mai botebone, awa yara neme‑kaya mai tokiyomateni, kaneiro mai‑ka hidi mai‑ya awarebonaha.

Yowaho 10:7

Yama‑ya mai watowahabone, mai‑ya hiyaramatase, “Owati amosabote dai mitahi. Kaneiro mai‑ka awa yara nokobiri ama·oni.

Yowaho 12:24

Owati amosabote dai mitahi. Ahosi‑nima na noki ai kamara, dodamaterani. Noki ohare wami‑ya ai kama, noki abiya, yana, noki dodamateni.

Yowaho 13:16

Owati amosabote dai mitahi. Ai‑ka hidi ati kitabise, ai ati kiti bi‑bidi teni. Ai‑ya yose ati kitabise, ai ati kiti bi‑bidi teni.

Yowaho 13:38

“Owa tikasoma ihi ti·abiya, yama sibarabone tina, owati amosabote timitahi. Arakawa haani awisareya, owa‑ya tiwatoramone tinabone, tiwati yanani 3 kana boneni.” Yeso ati nemarine.

Yowaho 14:12

Owati amosabote dai mitahi. Owati mai nofiya, owa ene‑nima mai ihi nawahaboneni. Okobi‑ya okomiya, Okobi ene mai ihi kitawahaboneni. Owa ene kiti bi‑bidi namaro, mai ihi kiti ba‑basi naboneni.

Yowaho 16:20

Owati amosabote dai mitahi. Dai yawiya, dai ohinaboneni. Dai ohiniya, bofe‑ka mai ya‑yainibisaboneni. Makobote dai ya‑yainawahaboneni.

Yowaho 16:23

Koboniya, owa‑ya dai haanami awiraboneni. Owati amosabote dai mitahi. Onofa‑nima dai nofa, Okobi dai haaniya, yama dai haana‑ya Okobi daanebonane.

Yowaho 21:18

Owati amosabote dai mitahi. Yetene tihiya, tika bora sakotina, tiwati toki‑kaya tikameteni. Makobote bote tihiya, tiwa yehe daatowitikimabone, bora‑ya tiwa‑ya mai sakonihebone, tiwati toki nofariya tiwa‑ya mai towakamaboneni.” Yeso ati nemarine.

Yowaho 3:11

Owati amosabote timitahi. Yama oda watobisa tamine oda hiyara, yama oda awamaro tamine oda kamina, oda ati dai nofarani.

Yowaho 3:3

“Owati amosabote timitahi. Mai wadamatasara Deoso ai nafi‑ka hidi kitabote tohawahebona‑ya mai sawiraboneni.” Yeso ati nemarine.

Yowaho 3:5

“Owati amosabote timitahi. Ai‑ka ami‑ya ai wadi dai tohi bahiya, Deoso‑ka Doni ene ai wadamatasiya, Deoso ai nafi‑ka hidi kitabote tohawahebona‑ya ai sawiwahaboneni. Ai wadi fami awiriya, ai sawiraboneni.

Yowaho 5:19

Yeso mai‑ya hiyare, “Owati amosabote dai mitahi. Owa ene yama ani·oterani. Okobi ati ene yama ani·obisa, Okobi‑ka yama anini‑nima oka yama aniniteni.

Yowaho 6:26

“Owati amosabote dai mitahi. Baho dai kaba ihi owa‑ya dai sibanineni. Deoso ene dai nofabone, owa‑ya dai sibana‑mani, yama sibabisara neni.

Yowaho 6:32

“Owati amosabote dai mitahi. Neme‑ka baho‑ya mai kayafamete, Mose ene tohi awirematamonane. Neme‑ka baho amosabote‑ya Okobi daanibisatene.

Yowaho 6:47

“Owati amosabote dai mitahi. Owati dai no‑nofa dai abateraboneni.

Yowaho 6:53

“Owati amosabote dai mitahi. Dai‑ka Ayo neme‑ke eme dai kabarihi, dai‑ka Ayo emene dai fawarihi, dai na, dai abani.

Yowaho 8:34

“Owati amosabote dai mitahi. Mai ihi amosara yama towe mai‑ya kayafa‑nima mai na, yama towe‑ka ka‑kanika mai tohateni.

Yowaho 8:51

Owati amosabote dai mitahi. Owati‑ya mai tokadaba, mai abateraboneni.” Yeso ati nemarine.

Yowaho 8:58

“Owati amosabote dai mitahi. I‑di Abaraho‑ba wadare‑ke ama·oni.” Yeso ati nemarine.

Bedoro daidi 1:25

Deoso ati‑ta abaterebona, ati‑nima yama naboneni.” Deoso‑ka yama hani ati nineni. Mai nafi‑ya Deoso Ati Amosabote oda kaminateni.

Yeso Kirisito ene‑bona 20:11

Hidi Webote‑ka kadera sa‑sawana‑ya hidi itari oawani. Bofe toha, neme toha na, hidi‑ya mai nayofina, mai fawanani.