Mateo 5:12 - Deoso-ka Yama Hani

¹² Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Mateo 5:12 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 6:16

“Owati amosa dai mitahi. Deoso‑ya mai kahiyarabone mai ati na, mai tafi maakana, mai noki ohina‑nima mai teni. ‘Owa noko ohina‑nima oniya, owa‑ya mai awiya, —Deoso‑ya nofi nafi ene tafi maakanane.— Mai ati niya, owa‑ya mai nofaboneni.’ Mai atibodi ati na, Mai manakone hawa tohani. Mai‑nima dai riyahi.

Roka 13:34

“Yerosare, tika mai ihi ohi·oneni. Tiwa‑kaya mai wi‑wina Deoso ati‑ya mai mi‑mita mai‑ya mai nanahabateni. Tika mai okasomabone ona, owati‑ya mai nofarani. Arakawa afe bodi‑ya bidi mai mookana, madi mai hikayawateni. Fara‑nima tika mai okayawabone ona, owa‑ya mai nofarani.

Roka 6:23

dai ya‑yainahi. Dai ya‑yaini ihi dai yoranimisahi. Neme‑ya dai ene manakone nafe dai kayafaboneni. Hibati‑ya Deoso ati‑ya mai mi‑mita‑mete mai‑ya mai‑ka idi mai kakomete, dai‑ya mai kakomakineni.

Roka 6:35

Dai‑ta dai‑ya mai kako‑ya mai dai nofahi. Mai‑ka yama‑bone dai daana, manakone dai haatonamakiriyahi. Makobote Deoso dai‑ka yama manakone‑ya daanibisebonane. Haa‑nima dai niya, Deoso kitabote ene‑nima dai ene naboneni. Deoso ati‑ya mai nofara mai toha, hini mai‑ya mai nokotonihe mai toha, mai na, mai‑ya Deoso kasomatene.

Yeso‑ka yo‑yose mai tamine 16:25

Yama soki bai‑ya Baoro, Sira mai fama, mai wayoma, Deoso‑ya mai hiyara na, kadeya‑ya mai fo‑foya mai one wayomi‑ya mai mitamoneni.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Korito daidi 3:8

I‑di Aboro oda fama, fara oda kafama, Deoso ati oda kamine, hini oda ene‑nima oda manakone na‑ya Deoso daanebonane.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Firibo 1:29

Kirisito‑ka dai amani, Yeso ati dai nofaro. Deoso dai‑ya nofe, Kirisito ati dai tokadabiya, dai‑ya mai nakomaboneni. Dai‑ya mai bisina, dai ya‑yainahi.

Firibo 2:17

Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Koroso 3:24

Hibayata yama‑ya mai anina, makobote neme‑ya mai koboniya, mai manakone wadaboneni. Yama‑ya mai anina, mai‑ka Hidi, i‑di Yeso Kirisito mai‑ka yama anini‑ya awe, mai‑ka yama anini manakone‑ya daanebonane.

Tesaronika daidi 2:15

Hibati‑ya Deoso ati‑ya mai mi‑mita‑maro mai‑ya mai nanahaba, Yeso‑ya mai one nanahaba, oda‑ya mai one ati nanahabamake, mai ati ihi oda kananawahani. Mai ati yawa, mai ihi Deoso yawebonane.

Ebereo 10:34

Kadeya‑ya dai one foya, mai‑ya dai kasoma, mai dai yobikanamaroni. Dai‑ka yama mai kayafa, dai yawara, “Oka yama mai kayafa, sibaraboneni. Neme‑ya oka yama amosabote hasina, mai kayafateraboneni.” Dai atibodi ati namaroni.

Ebereo 11:26

Kirisito ati okadaba, owa manakone ba‑basi, Fara·o ati okadabiya, owa manakone bi‑bidi nibisaboneni. Kirisito ati okadababoneni.” Mose atibodi ati nematane.

Ebereo 11:33

Deoso ati‑ya mai no‑nofa Deoso mai‑ya kasome ene bara mai‑ka tabora‑ya mai kayafawaha, mai ihi amosa, mai‑ya mai kasoma, mai ihi amosara, mai‑ya mai bisi na, Deoso mai‑ya kasomebona ati ne, mai‑ya kasome, Deoso ati ene iriyaho mai hamarameteni.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Tiyako 1:2

Oka dai toha, yama amosara dai‑ya kobona, dai yawara, dai ya‑yainibisahi.

Tiyako 5:10

Deoso ati‑ya mai mi‑mita‑mete mai tamine dai mitahi. Deoso ati‑ya mai kamina, mai‑ya mai kaka, mai‑ya mai bisina, Deoso ati‑nima yama nabone‑ya mai nimanameteni.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.