Mateo 5:10 - Deoso-ka Yama Hani

¹⁰ Deoso ati‑ya dai nofa, Deoso‑ya mai nofara dai‑ya mai bisiniya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Mateo 5:10 ပူးပေါင်းရင်းမြစ်များ

Mateo 10:23

Tabora ohare‑ya dai‑ya mai weena, tabora one‑ya dai tokahi. Owati amosa dai mitahi. Isara·eo mai tabori dami‑ya dai tokasa riya, dai‑ka Ayo neme‑ke kiti yananebonane.

Mateo 19:14

“Madehe dai ati baririyahi. Madehe owati‑ya nofa, madehe‑nima mai na, Neme‑ke ai nafi‑ka hidi kitabote tohawahe‑ya mai saweboneni.” Yeso ati nemarine.

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Mateo 5:3

“‘Towe ama·oni.’ Dai ati niya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Maroko 10:14

Yeso hika mai da‑daba mai ati‑ya mite, yawe, ati yanane, “Madehe dai ati baririyahi. Madehe owati‑ya nofa, madehe‑nima mai na Deoso ai nafi‑ka hidi kitabote tohawahe‑ya mai saweboneni.

Maroko 10:30

Mai ihi amosa 100 kana manakone‑nima manakone naboneni. Bofe‑ya mai winanasa niya mai ihi amosa manakone kote‑ya mai kayafaboneni. Yobe toha, mai‑ka ayo mai toha, mai‑ka asima mai toha, mai‑ka ami mai toha, mai‑ka madehe toha, fadara toha na‑ya, mai one kayafaboneni. Bofe‑ya mai winanasa niya yama towe‑ya mai one kayafahare, mai‑ya mai one bisinaboneni. Makobote mai abateraboneni.

Roka 21:12

Fara haa‑nima yamana yanani awisari‑ya dai‑ya mai wataboneni, dai‑ya mai bisinabonehe. Owati dai no‑nofa dai‑ya mai nafoyaboneni, kadeya‑ya. Owati dai no‑nofa Deoso‑ya mai hi‑hiyara‑ke yobe hidi‑ya dai‑ya mai towakama, mai‑ka hidi webote‑ya dai‑ya mai towakama, mai‑ka kofenado‑ya dai‑ya mai towakama na, dai‑ya mai kako nafeboneni.

Roka 22:29

Okobi ati ene dai nafi‑ka hidi kitabote ohawahaboneni. Okobi ene‑nima owa ene nebona, owati ihi

Roka 6:20

Yeso hika mai da‑daba mai‑ya kiine, mai‑ya hiyare, “Yama dama dai nokotonira Deoso dai‑ya kasomebona, Deoso ai nafi‑ka hidi kitabote tohawahe‑ya dai sawiwahaboneni.

Roka 6:22

Dai‑ka Ayo neme‑ke‑ya dai nofa ihi dai‑ya mai kako, dai‑ya mai kananihe, dai‑ya mai wee na, Deoso dai‑ya kasomebona,

Yowaho 15:20

Owati‑maro‑ya dai ati kadamowamariyahi. Owa‑ya mai bisinamaro dai‑ya mai bisinamakeboneni. Owati‑ya mai tokadaba dai ati‑ya mai tokadabahareboneni.

Yeso‑ka yo‑yose mai tamine 5:40

Kamari·eo ati‑ya mai mita, Yeso‑ka yo‑yose mai‑ya mai haana, mai kama, mai‑ya mai bisina, mai‑ya mai saatokasa, “Yeso tamine‑ya dai hiyaramariyahi. Dai tokahi.” Mai ati namoneni.

Yeso‑ka yo‑yose mai tamine 8:1

Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Firibo 1:28

Dai‑ya mai kaka, dai habo siitoriyahi. Dai habo kitiya, dai sibaraboneni. Deoso‑ka dai toha, dai‑ya kasome‑ya mai watowahaboneni. Towebisa mai amani. Deoso ene mai abawahabone, hini mai‑ya mai watowahaboneni.

Timoti yoto‑ke 2:12

Yeso ati ai nofa, ai‑ya mai bisina, makobote neme‑ya Yeso eyehe ai nahoya, mai ihi ai kadikaboneni. ‘Yeso owatorini.’ Ai ati na, ‘Tiwa owatorini.’ Yeso ati nebonane. ‘Yeso‑ka ama·ora ama·oni.’ Ai ati na, ‘Oka amatira amatini.’ Yeso ati nebonane.

Timoti yoto‑ke 3:11

Atioki‑ya owa‑ya mai wee, Ikoniyo‑ya owa‑ya mai wee, Risita‑ya owa‑ya mai weenamaro, owa tiwatoneni. Owa‑ya mai bisinamaro, Ai‑ka Ayo Yeso owa‑ya kasome, hasinasa oneni.

Tiyako 1:12

Dai ene‑ya Deoso kakatome, yama towe awi dai‑ya kobona, dai atibodi yawara, Deoso ati dai tokadabanasa na, Deoso dai‑ya kasomebonane. Makobote dai tati‑ya mai‑ka Hidi webote tati borone‑nima ne‑ya dai‑ya daanebonane. Dai tamine‑ya Deoso hiyare, “Owa‑ya mai nofa, owa tabaro‑ya mai winabisaboneni.” Deoso ati nematane.

Tiyako 5:11

Deoso ati‑ya mai tokadabamete, Deoso hiyari‑ya mai fawara, mai ya‑yaiteni. I‑di Yobi tamine dai mitamaroni. Deoso‑ya i‑di Yobi nofe, kiyane, yama kome fawa kanibote ra, amoni dame‑ya Deoso hikasomematane. I‑di Yobi‑ya Deoso kasomemata, Deoso ai kasomi‑ya nofatene.

Yowaho daidi 3:12

I‑di Kaina‑nima ai riyahi. I‑di Kaina sori‑ya nanahabematane. I‑di Kaina Satanasi‑ya abi ne, badi ene‑nima ene ne. Hini yamata‑nima ne sori‑ya nanahabamatati? Sori ene amosabise i‑di Kaina‑ta ene amosare, yawe, sori‑ya nanahabematane.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.