Mateo 4:23 - Deoso-ka Yama Hani

²³ Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya mai‑ya kanawatomatane. Ai nafi‑ka hidi kitabote tohawahebona tamine‑ya hiyarematane. Mai kiyana mai‑ya nakitamematane.

Mateo 4:23 ပူးပေါင်းရင်းမြစ်များ

Mateo 9:35

Mai‑ka sidadi dami‑ya Yeso toke, mai tabori bide dama‑ya toka ne, Deoso‑ya mai hi‑hiyara‑ke yobe‑ya tokiyome, mai‑ya kanawatomarine. Neme‑ke ai nafi‑ka hidi kitabote tohawahebona tamine‑ya hiyara, mai kiyana mai‑ya nakitama nemarine.

Maroko 1:39

Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya Deoso ati‑ya Yeso hiyare, madi towe mai‑ya kananiwahemarine.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Roka 7:22

Yowaho‑ya mai da‑daba mai‑ya Yeso hiyare, “I‑di Yowaho‑ya dai towakamiya, owa ene dai kamina, owati dai kamina, dai nahi. Yama mai awaramaro yama mai awawaha, mai ka‑kakona‑maro mai yakanamawaha, mai mese towe tohamaro mai mese amosawama, mai narabi hawiramaro ai ati‑ya mai mitawaha, mai abamaro mai kitamawaha, yama mai kihara Deoso ati amosabote‑ya mai mitawaha nineni.

Mateo 11:5

Yama mai awaramaro yama mai awawaha, mai ka‑kakona‑maro mai yakanamawaha, mai mese towe tohamaro mai mese amosawama, mai narabi hawiramaro ai ati‑ya mai mitawaha, mai abamaro mai kitamawaha, yama mai kihara Deoso ati amosabote‑ya mai mitawaha nineni.

Mateo 13:54

Yeso hini yana‑mata‑kaya toke, Deoso‑ya mai hi‑hiyara‑ke yobe‑ya tokiyomemarine, mai‑ya kanawatobonaha. Yeso ati‑ya mai mita, “Ka! Ebeni‑ke ene Yeso yama‑ya watoti? Ebeni‑ke ene Yeso ene kitati?

Maroko 1:21

Kafanaho‑ya mai toka, sabado‑ya Deoso‑ya mai hi‑hiyara‑ke yobe‑ya Yeso tokiyome, mai‑ya kanawatomarine.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Roka 8:1

Makobote Yeso hika mai 12 kana mai eyehe sidadi dami‑ya toke, mai tabori bide‑ya tokahari, Deoso ai nafi‑ka hidi kitabote tohawahebona tamine‑ya hiyarematane.

Maroko 6:2

Sabado‑ya Deoso‑ya mai hi‑hiyara‑ke yobe‑ya Yeso tokiyome, mai dama mai sawe mai‑ya kanawatomarine. Yeso ati‑ya mai mita, mai ibi hiyara, “Ka! Yeso yama‑ya wato, ene kite, ebeni‑ke ene Yeso yama‑ya wato, ebeni‑ke ene Yeso ene kitanati?

Mateo 24:14

Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.

Mateo 12:9

Yeso hiyari hawa tohe, yananamatase, Deoso‑ya mai hi‑hiyara‑ke yobe‑ya tokiyomemarine.

Yowaho 18:20

“Owati‑ya mai nafi mitani. Deoso‑ya mai hi‑hiyara‑ke yobe‑ya mai okanawata, Deoso‑ka yobe‑ya mai okanawata, mai yorotokana mai okanawatoteni. Mai noki beheri‑ya owati yanaterani.

Roka 13:10

Sabado‑ya Deoso‑ya mai hi‑hiyara‑ke yobe‑ya Yeso mai‑ya kanawatoya,

Roka 9:11

Yeso hika mai eyehe toke tamine‑ya mai one mita, mai tokomakemeteni. Mai‑ya Yeso awe, mai‑ya nofe, Deoso ai nafi‑ka hidi kitabote tohawahebona tamine‑ya kamine, mai kiyana mai‑ya nakitamematane.

Roka 5:17

Mai dama mai yorotokana mai‑ya Yeso kanawatomatane. Fariseo mai toha, Mose‑ka yama hani ati‑ya mai ka‑kamina mai toha, mai na, mai sawi, mai one Karireya‑ka mai kaki, Yodeya‑ka mai one kaki, Yerosare‑ka mai one kaki nameteni. Mai kiyana, Deoso ene mai‑ya Yeso nakitamematane.

Maroko 6:6

Mai ihi‑ya Yeso awe, atibodi yama‑ya kadike, “Ka! Owati‑ya mai nofi awirini.” Yeso atibodi ati nemarine. Tabora bide dama‑ya Yeso tokemarine, mai‑ya kanawatobonaha.

Maroko 3:10

Mai kiyana mai dama Yeso‑ya mai boyona, mai kitamamaroni. Mai kiyana mai dama mai kamakitasa, mai one‑ya mai keweni kita, Yeso‑ya mai boyonabonehe.

Maroko 1:14

Yowaho Batita‑ya sodado mai wata, kadeya‑ya mai hinafoyemarine. Fare nowati‑ya Karireya‑kaya Yeso tokomatasemarine. Deoso ati amosabote‑ya Yeso kaminemarine.

Yeso‑ka yo‑yose mai tamine 20:25

Hibati‑ya Deoso ai nafi‑ka Hidi‑bona dai nafi‑ya ohiyaramaro, okomiya, owa dai awamateraboneni.

Yeso‑ka yo‑yose mai tamine 18:4

Sabado‑ya Deoso‑ya Yodeo mai hi‑hiyara‑ke yobe‑ya tokatene. Yodeo mai toha, Kereko mai toha na, mai‑ya hiyaratene, yama‑ya mai watowahabonehe.

Yowaho 6:59

Fara Kafanaho‑ya Deoso‑ya mai hi‑hiyara‑ke yobe‑ya mai naha, mai‑ya Yeso kanawatomarine.

Roka 10:9

Mai tabori‑ka mai kiyana, mai‑ya dai nakitamiyahi. ‘Deoso ai nafi‑ka hidi kitabote tohawahebona dai‑ya sawine.’ Dai ati niyahi.

Roka 6:17

Yeso hika mai da‑daba mai eyehe kamatase, yama amosi‑ya mai nahomiya, Yeso‑ya mai da‑daba mai one dama naha, mai one kobonamake, Yodeya‑ka mai one toha, Yerosare‑ka mai one toha, faha webote widi‑ka mai one toha, mai nameteni.

Mateo 14:14

Oda kobona, oda tokomorosa, mai dama mai‑ya Yeso awe, mai‑ya nofe, mai kiyana mai‑ya nakitamemarine.

Mateo 13:19

Fadara‑ka wami ai atibodi tamine amani. Neme‑ke ai nafi‑ka hidi kitabote tohawahebona tamine‑ya mai mita, ati mai hiwato awireya, mai ati kadamowama kanibote na. Hawi fowari‑ya yamata noki sona‑nima mai na, Satanasi ati ene Deoso ati‑ya mai ati kadamowamani.

Mateo 3:2

“Dai ene amosawamahi. Neme‑ke ai nafi‑ka hidi kitabote tohawahebonane.” Yowaho Batita ati ne, ati damemarine.

Yowaho 7:1

Makobote Karireya‑ya Yeso yakane, Yodeya‑ya tokaremarine. Yodeya‑ya oda‑ka hidi Yeso‑ya mai ati nanahabamaroni.

Roka 20:1

Deoso‑ka yobe‑ya Yeso mai‑ya kanawato, Deoso ati amosabote tamine‑ya Yeso hiyareya, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha, mai na, mai kamake, Yeso‑ya mai weenabone, Yeso‑ya mai hiyara,

Roka 4:14

Karireya‑ya Yeso winitoname, Deoso‑ka Doni ene Yeso ati kitematane. Karireya‑ka tabaro dami‑kaya Yeso tamine‑ya mai hiyara, Yeso tamine‑ya mai nafi mitawahameteni.

Roka 6:6

Sabado one‑ya Deoso‑ya mai hi‑hiyara‑ke yobe‑ya Yeso tokiyome, mai‑ya kanawatomatane. Yehe kanike moikaname itarimatane.

Roka 7:21

Mai demena mai noki‑ya Yeso mai dama mai‑ya nakitamematane. Mai kiyana mai toha, mai hi‑hiyana mai toha, madi foyi‑ka mai toha, mai na, Yeso mai‑ya nakitame, yama‑ya mai awaramete Yeso ene yama‑ya mai awawahameteni.

Roka 9:60

“Abi‑ka yama hini tohiya, abi abeya, owati‑ya mai nofara abi‑ka yama‑ya mai kayafabisiya, yama sibaraboneni. Tiwa‑ta tikamiya, Deoso ai nafi‑ka hidi kitabote tohawahebona tamine‑ya tihiyarabisiyahi.” Yeso ati nematane.

Roka 16:16

Yowaho Batita koboni awisareya, i‑di Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, yama hani ati‑ya mai mitameteni. Yowaho koboneya, Deoso ai nafi‑ka hidi kitabote tohawahebona kobone tamine‑ya mai mitawahani. ‘Oda kita, hini oda ene Deoso ai nafi‑ka hidi kitabote tohawahebona‑ya oda saweboneni.’ Mai ati nani.

Yeso‑ka yo‑yose mai tamine 28:31

Deoso tabaro tamine‑ya hiyara, Yeso Kirisito ai‑ka hidi tamine‑ya hiyara nemarine. Baoro habo kite, mai ati barihiterene.